Zańnama jobasy óndiriske alyndy

Keshe Májilis Tóraǵasy Oral Muhamedjanovtyń jetekshiligimen palatanyń jalpy otyrysy bolyp ótti. Onda keıbir konstı­týsııa­lyq zańdarǵa engiziletin túzetýlerdi qaraý týraly másele tal­qyǵa tústi. Naqtylap aıtqanda, Zańnama jáne sot-quqyqtyq re­forma komıtetine «Qazaqstan Respýblıkasynyń keıbir kons­tı­týsııalyq zańdaryna tolyqtyrýlar men ózgerister engizý týraly» Konstıtý­sııalyq zańnyń jobasy boıynsha qorytyndy ázirleý júkteldi. Máse­leni qarastyrý bary­syn­da zań jobasymen «Qazaqstan Res­pýb­lı­kasyndaǵy saılaý týra­ly» jáne «Qazaqstan Respýb­lı­kasy Pre­zıdenti týraly» zań­darǵa ózge­ris­ter engizý kózde­le­tini belgili bol­dy. Atalǵan zań­dyq qu­jatty ón­di­riske alý jónindegi qysqasha baıandamany Zańnama jáne sot-quqyqtyq reforma ko­mı­tetiniń tóraǵasy Rahmet Muqa­shev ja­sa­dy. Komıtet basshysy tanys­tyr­ǵan zańdyq qujatty Elbasy ózi­niń Qazaqstan halqyna úndeýinde Prezıdent saılaýyn merziminen buryn ótkizýdi Parlament qa­raýy­na usynatyndyǵyn aıtqan bo­latyn. Mine, osy jáıtti nazar­ǵa alǵan bolýy kerek, depýtattar zań jobasyn óndiristik aına­lym­ǵa alýǵa óz kelisimderin berdi. Prezıdent saılaýyn merziminen buryn ótkizý Memleket basshysynyń sheshimimen ta­ǵaı­yn­dalsa, ony júzege asyrý 2 aı ishinde júrgizilýge tıis. Saılaý merzimin Ortalyq saılaý komıs­sııasy anyqtaıtyny belgili. Osy rette zańdyq qujatta prezıdenttik ókilettik 5 jyl merzimge belgilengendigin aıta ketý kerek. Elbasy da óz úndeýinde ókilet­ti­gi­niń eki jylǵa qysqaratynyn qaperge salǵan edi. Engizilgen óz­gerister boıynsha merziminen buryn saılanǵan Prezıdenttiń ant qabyldaýy saılaý qory­tyn­dysy jarııa etilgennen keıin bir aı ishinde oryndalady. Al ant qabyldaý merzimi Ortalyq saılaý komıssııasy tarapynan belgilenedi. Osy jerde Prezıdent Konstıtýsııalyq Keńes Tóraǵa­sy­nyń «Qazaqstan Respýb­lıka­synyń Konstıtýsııasyna ózgeris pen tolyqtyrý engizý týraly» Zań­nyń Konstıtýsııaǵa sáıkesti­gin aı­qyndaıtyn. Konstıtýsııalyq Ke­ńes­tiń normatıvtik qaýlysyna tú­sindirmeni qaperge alǵandyǵyn aıta ketken jón. О́ıtkeni, Kons­tı­týsııalyq Keńes Parlament ta­ra­pynan usynylǵan Prezıdent óki­lettigin 2020 jyldyń 6 jel­toq­sanyna deıin uzartý jónin­degi referendýmdy ótkizý týraly zańdyq qujatty Konstıtýsııaǵa sáıkes emes dep tapqan-dy. Otyrys aıaqtalǵan soń biz de­pýtattardy máseleniń mánisin túsin­dirý maqsatynda áńgimege tartqan edik. Irak Elekeev óz sózinde Prezıdent Nursultan Nazarbaev osy qa­damy arqyly referendým ótkizilsin degen 5,5 mıllıon azamattyń daýy­sy eleýsiz qalmaıtyndyǵyn jáne bola­shaq­ta Konstıtýsııaǵa ózgeris engizýge jol berilmeıtin negiz qa­lan­ǵandyǵyn erekshe atady. Merziminen buryn prezıdenttik saılaý ótkizýge baılanysty zańdyq qu­jat­qa túsinik bere ketken Ramazan Sár­pe­kov osy másele boı­yn­sha arnaıy jumys toby qu­ry­latynyn da eske saldy. Osy rette jýrnalıster tarapynan qoıylǵan «Parlament taratyla ma?» degen suraqqa oraı jaýabynda depýtat oǵan eshqandaı negiz joqtyǵyn kóldeneń tartty.