Jastarǵa úlgi-ónege

Memleket basshysynyń atyna Almaty oblysynyń Qarasaı aýdany, Úshqońyr aýylynyń turǵyny Aına Qasabaevadan hat keldi, dep habarlady Qazaqstan Respýblıkasy Prezıdentiniń baspasóz qyzmeti. «Qurmetti Nursultan Ábish­uly, Sizdi sara saıasatker retinde joǵary baǵalaımyz. Qazaq­stannyń jarqyn bolashaǵy úshin jan aıamaı ter tógip kelesiz. Sizdiń «elim» dep emirengen dara jolyńyz bizderge maq­tanysh. Jastarǵa úlgi-ónege. Bo­lashaq urpaqtyń ańyz-das­tany jáne tarıhı shejiresi bolmaq», dep jazady hat ıesi. Odan ári ol Elbasynyń eli­mizdiń damýy úshin belsendi atqaryp kele jatqan ıgilikti isterine keńinen toqtalyp ótedi. Hat avtory «О́zińiz bas­qar­ǵan osy jyldar ishinde kóptegen jetistikterge qol jet­kizdik. Quqyqtyq qoǵam qurý jolynda, jarqyn bola­shaqqa nyq senimmen aıaq bas­tyq. Barsha álemge Qazaq­standy tanytyp, ultymyzdyń ulylyǵyn asqaqtatyp, ulttar men ulystardy birlikke sha­qyr­dyńyz. Sondaı-aq, olarǵa beı­bitshiliktiń tal besigin ter­beý­diń qanshalyqty baıandy ekenin uǵyndyryp, bir-birimen tatý-tátti ómir súrýlerine yq­pal ettińiz», dep odan ári izgi tilegin jyr joldarymen jetkizedi.