Júıeli damý kepili

Qazaqstan halqy jyl saı­yn­ǵy Prezıdent Joldaýyn asy­ǵa kútýdi úırenshikti daǵ­dyǵa aınaldyrǵaly kóp boldy. Sonaý 90-jyldardyń sońynda elimiz eń qarapaıym turmystyq problemalardan kúızelip, Elba­synyń batyl da optımızmge toly josparlaryna turǵyndar ári úmitpen, ári kúdikpen qa­raǵan kezderdi de bastan keshtik. Bolashaq damýymyzdyń bastaýy «Qazaqstan-2030» Strate­gııa­lyq baǵdarlamasy boldy. Onyń ózi jyl ótken saıyn pozıtıvtik tolyqtyrýlarmen baıytylyp keletinine de kóz ben qulaq qana emes, búgingi shynaıy bolmy­symyz kýá. Táýelsiz Qazaqstan – bizdiń eń basty qundylyǵymyz. Onyń álemdik ozyq órkenıettiń al­dyń­ǵy shebinen óz ornyn oıyp alyp, berik ornyǵa otyryp, ilgerileı berýi úshin saıası áleýetiniń bıik bolýy jetkiliksiz. Ol úshin aldymen ózindik jańa negizde úzdiksiz damıtyn táýelsiz ekonomıkasy qalyp­tasýy kerek ekenin  Elbasy talmaı aıtyp qana qoımaı, ylǵı da tıimdi ıdeıalar men jobalar usynyp keledi.  Sonyń biri ári biregeıi – byltyr iske asyryla bastaǵan Innovasııalyq ındýs­trııalandyrýdyń údemeli jos­pa­ry. Onyń bir jyldaǵy oryn­dalǵan jobalarynyń ózi taıaýdaǵy 5-10 jylda elimizdiń ekonomıkasy shıkizat óndirý táýeldiliginen birjolata quty­lyp, tutynýǵa daıyn ónim shy­ǵaryp taratý deńgeıine kóteri­letinine kóz jetkizip otyr. Bıylǵy Joldaýda osy tarapta iske asyrylatyn shara­lar­dyń ekonomıkamyzdy qalaı túrlendiretinine  naqty da dáı­ekti dálelder keltirilgen. Uly ekonomıst-fılosof  K.Marks aıtqandaı, adamdar saıasatpen, kórkemónermen, fılosofııamen aınalysýy úshin al­dy­men qoregi, kıimi jáne bas­panasy bo­latyndaı jaǵdaıǵa jetýi kerek. Árıne, bul – eń qarapaıym, biraq qaı zamanda da mánin joǵalt­paıtyn eń qa­jetti ólshem. Qazirgi tilmen aıt­qanda ekonomıkanyń damýy aldymen halyqtyń ál-aýqa­tynyń, turmys, ómir súrý deń­geıiniń jaqsara túsýine qyz­met etýi kerek. Bul máselede sonaý sosıalızm dáýirinen muraǵa qalǵan, sheshimin tolyq tappaǵan kúr­deli máseleler kóp-aq. Álemdik qar­jy­lyq-ekonomıkalyq daǵ­da­rys­tyń qyspaǵyna tap bol­ǵan sońǵy ótken 2 jyl ishinde qıyn kúnderi qajet bolady dep jınalǵan qor qarajattyń edáýir bóligin bas­talǵan áleý­mettik  mándegi ny­san­dardyń qu­rylysyn aıaqtaý, joldar salý-jóndeý, eldi mekenderdi abbattandyrý, turǵyn úı-kom­mýnaldyq sharýashylyqtardy qaıta jóndeý, jańalaýǵa jum­saý­dyń ózi Memleket basshy­synyń asqan kóregendigi boldy.  Mun­daı  sharaǵa 1930 jyldary AQSh prezıdenti F.D.Rýzvelt táýekel etip, úlken nátıjege qol jetkizip, eliniń tarıhyna óz atyn al­tyn áriptermen jazdyryp qal­dyrǵan edi. Bizdiń Nurekeń de qıyn shaqta osyn­daı deńgeıden kórine bildi. Sondyqtan da halqymyz Elbasyna aldaǵy damýymyz­dyń taǵdyryn senip tapsyrýy kerek dep bilemiz. Álmuqan ISAQ, Jambyl oblysynyń qurmetti azamaty. Taraz.