Hat qorjyn

OQYRMAN ...jańalyǵyn jetkizedi Jańa zaýyt ashyldy Saryaǵash aýdanynda aıyna 50 myń dana bólke men baton nandaryn shyǵaratyn jańa zaý­yt ashyldy. Munda sapaly ári tańdaýly nan ónimderiniń 30 túri pisiriledi. Jańa nysannyń ashylý saltanatyna qatysqan óńir basshysy halyqty joǵa­ry sapaly nan ónimderimen qamtamasyz etý basty maqsat ekenin atap ótti. Sony­­men qatar, el Táýelsizdiginiń 25 jyl­­­­­dy­ǵy qarsańynda paı­da­lanýǵa berilip otyrǵan nan zaýy­tynyń jumysyna sáttilik tiledi. Aýdannyń ortalyǵynda ornalasqan «Iаssy-nan» JShS jobasynyń jalpy quny 300 mln. teńge. Seriktestik dırek­tory Nasıba Ataevanyń aıtýynsha, aýdandaǵy azyq-túlik dúkenderinde atalǵan nan zaýy­tynyń ónimderi satylýda. Za­ýyttaǵy «VOSHOD» nan pi­siretin pesh qurylǵysy kórshi Reseıden alynǵan. Búginde onda 30 adam jumyspen qamtylǵan. Aldaǵy ýaqytta kásipker kondıter ónimderin shyǵaratyn seh ashýdy kózdep otyr. Kenje ERKIN  Ońtústik Qazaqstan oblysy, Saryaǵash aýdany ...rızashylyq bildiredi Qoldaý kórdi Aqqul О́zbekovtiń shyn tegi – Moldamuhamedov. Ol ejelden quran ustap, bala oqytqan dindarlar áýletiniń urpaǵy. Keńes ókimeti solaqaı saıasatynyń saldarynan atalary qýǵan-súrginge ushyrap, el aýmaǵynan ketken. Aryp-ashyp júrip, О́zbekstanǵa qonystanǵan. Tipti, atategin aýystyrýǵa da májbúr bolǵan. Allanyń aq jolyn ustanǵan atasy men ákesi urpaǵynyń týǵan topyraqqa oralýyn ósı­et­tegen. Sol sebepten, Aqqul Sabyrbekuly táýelsizdikten keıin ata, áke amanatyn oryndaý úshin elge oralypty. Ázirge Qazaqstanda ýaqyt­sha turýǵa ruqsat alyp, eńbek etip júrgen azamat mektep ja­syndaǵy balalaryna qujat rásimdeý barysynda kóptegen qıyndyqtarǵa tap bolǵan. Bala­laryn oqýdan qaldyrmaýǵa tyrysqan áke amaly taýsylyp, «Nur Otan» partııasynyń Atyraý oblystyq fılıalynan kómek suraýǵa májbúr boldy. «Úmitim aldamady. Partııanyń aralasýymen ba­la­­­larymnyń qujattaryn ret­tedim. Qazir ekeýi de orta mek­tepte oqyp júr. Eldiń bas partııasyna alǵysym sheksiz. Balalarymnyń qazaq tilinen úzdik tanylýy analarynyń arqasy. Ulty ózbek bolǵanmen qazaqtyń salt-dástúrin qatań ustanyp, 30 jyl qazaq tilinen dáris bergen ulaǵatty ustaz» – deıdi Aqqul Sabyrbekuly.  Elmıra TUŃǴATAROVA, «Nur Otan» partııasy Atyraý oblystyq fılıalynyń baspasóz hatshysy Atyraý ...qaýip etedi Túsiniksiz jarnamadan túńildik Belgili jazýshy-jýrnalıst aǵamyzdyń: «Almatyda júrsem de shetelde júrgen sııaq­tymyn. Qala toly jarnama. Buryn orys­shasy kóp jazylǵanda eptep túsinýshi edim, en­di ne jazý ekenin múlde túsin­beımin», – dep áleýmettik je­li­de keıis bildirgenindeı, qa­lamyzdaǵy ǵımarat ataý­lynyń mańdaıshasyndaǵy she­tel tilindegi ıqy-jıqy qulaq­tandyrýlardan kóz súrinedi. Sonda deımiz-aý, bunymyz jarnama jónindegi qabyldanǵan zańdy belden basqanymyz ba?! Biz biletin kez kelgen jarnama memlekettik til­de berilip baryp, sodan soń ózge til qosarlanatyny um­yt qalyp otyr. Osyny qada­ǵa­laıtyn quzyrly oryndar ne deıdi?  Ersultan MAǴJAN  ALMATY ...tilegin aıtady El yqylasyna bólengen jandar Men biraz buryn naý­qas­tanyp «Oblystyq týberkýlezge qarsy dıspanserlik aýrýhana» memlekettik mekemesinde tórt aı emdeldim. Osy mer­zimde aýrýhana dárigerleri men medbıkeleri em-domyn ýaq­tyly jasap, tikesinen tik turyp qyzmet etti. Bólim meńgerýshisi Erlan Ilııasov pen aǵa medbıke Jeńiskúl Saty­baldıeva sııaqty aq halatty abzal jandardyń óz isterine asqan jaýapkershilikpen qa­rap, naýqastyń kóńilinen shy­ǵýǵa barlyq kúsh-jigerin salatyny kórinip-aq turdy. Tek jalǵyz meniń ǵana emes, bar­lyq naýqastyń babyn taýyp, emin berýge, densaýlyǵyn saýyqtyrýǵa kirshiksiz qyzmet kórsetýi unady. Aýrýhanadan shyqqannan keıin ústimizdegi jyldyń naýryz aıyna deıin esepte turyp, ambýlatorııa­lyq em qabyldadym. Osy kezde de únemi baılanys jasap, emniń durys jasalýyn qadaǵalap otyrdy. Naýqastarǵa týysyn­daı qarap, ár naýqastyń kóńilin aýlap júrgen osy ujym dári­gerleri men medbıkeleri­niń eń­bekteri jemisti bolýyna analyq tilektestigimdi bil­diremin. Aqpatysh QALMEN, ardaqty ana  Aqtóbe oblysy, Mártók aýdany, Qaratoǵaı aýyly ...oı bólisedi        Tyıym salǵany durys Mektep oqýshylary úshin hıdjab pen qysqa balaq­ty shalbarǵa tyıym salynýy durys dep oılaımyn. Áleýmettik jelidegi bir oqyr­man mektepke oramal taǵyp barý kerek, ol Allanyń buı­ryǵy depti. Allanyń haq dinine eshkim de shúbá keltirmeıdi, biraq, mektep oranyp, hıdjab taǵyp baratyn oryn emes! Árkim óz dinı senimderine saı kıinip baryp, bireý qyzyl oramal, bireý sary hıdjab taǵyp barsa naǵyz ala-qulaǵa aınalmaı ma? Mekteptiń sa­lıqaly oqý ordasy ekenin esten shyǵaryp almaý kerek. Úkimet shotlandııalyq beldemshe (kılt) kıgizip qoımaıtyny anyq qoı, demek birkelki for­maǵa, salynǵan tyıym­ǵa túsinistikpen qaraý kerek. Keıbir elimizdegi dinı tú­si­niktermen balanyń mıyn qazbalamaǵan jón. Abaı AIMAǴAMBETOV Almaty oblysy