Biliktilikti shyńdaýdyń taptyrmas úlgisi

Jaqynda Qyzylorda qalasynda «Qazgermunaı» BK» JShS bazasynda «QazMunaıGaz» Barlaý О́ndirý» AQ kompanııalar tobyndaǵy jas mamandardyń IV forýmy bolyp ótti. Sharaǵa qatysýshylar denin «QazMunaıGaz» Barlaý О́ndirý» AQ enshiles kompanııa­lary – «Qazgermunaı» BK» JShS, «О́zenmunaıgaz» AQ, «Embimunaıgaz» AQ, «Qarajanbasmunaı» AQ, «TulparMunaıServıs» JShS, «KRÝZ» JShS, «Jóndeý» JShS jáne QMG BО́-niń jumyskerleri qurady. Esterińizge sala ketsek, jas mamandar keńesteri «QazMunaıGaz» Barlaý О́ndirý» AQ ortalyq apparaty men kompanııanyń 12 enshiles uıymynda 2012 jyldan bastap jumys isteıdi. Keńestiń basty maqsaty – jastardy kompanııa jumysyna, onyń óndiristik jáne strategııalyq máselelerdi sheshý isterine belsene qatysýǵa yntalandyrý, mamandardyń ká­sibı deńgeılerin arttyrý úshin jaǵdaı jasaý, korporatıvti qun­dylyqtar túsinigin qalyp­tastyrý, ǵylym salasynda kór­setken shy­ǵar­mashylyq múm­kindikterin ashyp, damytý bolatyn. Osyǵan oraı bul jolǵy forýmda da ınnovasııalyq jobalar saıysy uıymdastyryldy. Sa­ıysqa 35 jas maman óndiristi damytýǵa, kompanııa qyzmetiniń ekonomıkalyq tıimdiligin art­tyrýǵa baǵyttalǵan óz jobalaryn usyndy. – Biz bul saıysty kompanııa­myzdaǵy eń belsendi jáne daryndy jumysshylardy anyqtaý úshin ótkizemiz. Jumysshylardyń usynǵan jańa tehnologııalary men jańasha kózqarastaryn paıdalanyp, óndiristiń keıbir úrdisterin ońtaılandyryp, jumys tıim­diligin arttyrýdy maqsat ete­miz. О́tken jyldarda saıysta jeńiske jetkenderdiń jobalary óndiriske engizilip, jumysynyń oń nátıjesin berip jatyr, – deıdi «Qaz­MunaıGaz» Barlaý О́ndirý» AQ apparat basshysy Baýyrjan Asqarov. Jobalar saıystyń alty sek­sııasy boıynsha usynylyp baǵalandy. Geologııa, geofızıka jáne ıgerý seksııasynda «KMG-Manager. Mobıldi basqarý» atty jobasymen «Qaz­germunaı» BK» JShS ken oryndaryn modeldeý qyzmetiniń 1-shi dárejeli ın­jeneri Narıman Ábjanov jáne «Munaı qyrtysyna sý jiberý jumysyn modeldeý» jobasymen «Embimunaıgaz» AQ «Jylyoımunaıgaz» mu­naı-gaz óndirý basqarmasy zertteý jumystary sehynyń uńǵy­malaryn zertteý jónindegi operatory Samat Bekov jeńimpaz atandy. Munaı men gaz óndirýdiń tehnıkasy men tehnologııasy seksııasy salasynda «QazMunaıGaz» Barlaý О́ndirý» AQ geologııa jáne ken oryndaryn ıgerý de­par­tamentiniń aǵa ınjeneri Damır Shyraqbaev marapattaldy. Usynylǵan joba «О́zenmunaıgaz» AQ ken oryndarynda shtangalyq tereń sorǵylardy paıdalaný kezindegi zııandy faktorlardan qorǵanýdyń ońtaıly tásilderi. Gaz faktorlarynyń áseri», dep atalady. Uńǵymalardy jerasty jóndeý, uńǵymalardy kúrdeli jóndeý jáne burǵylaý ýaqytynda kezekti jóndeýden ótkizýdiń tehnologııalary seksııasy boıynsha «О́zenmunaıgaz» AQ jobany basqarý departamentiniń aǵa ınjeneri Aqjigit Túıeshıevtiń «Rolıktik qarnaqty jerasty qu­rylǵylarynyń qajalýyna qar­sy qoldaný» jobasy úzdik dep tanyldy. Munaı óndirýdiń teh­nologııalyq úrdisi men betkeılik qysymdy turaqtaý jumysyndaǵy hımııalandyrý, energetıka já­ne avtomattandyrý seksııasy bóliginde «О́zenmunaıgaz» AQ avtomattandyrý jáne telekommýnıkasııa basqarmasynyń baqylaý-ól­sheý quraldar jáne avtomatıka jónindegi 6-shy dáreje­li sle­sari Jarylǵap О́teshevtiń «VGÝ-200 sý qyzdyrý qondyrǵysy­nan arnaıy tehnıkalarǵa sý quıýdy qashyqtyqtan basqarý jáne avtomattandyrý» atty jobasy je­ńimpaz atandy. Ekonomıka jáne qarjy seksııa baǵytynda «QazMunaıGaz» Barlaý О́n­dirý» AQ bıýdjettik josparlaý jáne ekonomıkalyq taldaý departamentiniń aǵa eko­nomısi Arman Bataev pen osy departamenttiń jetekshi ekonomısi Bolatbek Oralovtyń birlesip usynǵan «Uńǵymalardy jeras­ty jóndeýdiń basym­dylyǵyn arttyra otyryp shyǵyn­dardy ońtaılandyrý» jobasy saıysta jeńip shyqty. Saıystan ózge forýmǵa qa­tysýshylar «Qazgermunaı» BK» JShS ıgerip jatqan Aq­sha­bulaq jáne Nuraly ken oryndaryna baryp, Ońtústik Torǵaı basseınindegi óndiristiń erekshelikterimen tanysty. So­nymen qatar, forým aıasynda «QazMunaıGaz» Barlaý О́n­dirý» AQ bas dırektory, Ál-Fa­­rabı atyndaǵy Memlekettik syı­lyq­tyń laýreaty Qurmanǵazy Es­qazıevtyń jas mamandarmen kezdesýi ótti. – Bizdiń kompanııa úshin ın­­novasııalyq jobalardy engizý eń ózekti máselelerdiń biri bolyp tabylady. Sebebi, kenish­terdiń kópshiligi búginde ón­diristiń sharyqtaý kezeńinen ótken oryndar. Munaı jáne gaz naryǵynda qalyptasqan qıyn kezeńge qara­mastan, atalmysh salanyń jáne onda isteıtin bilikti mamandardyń keleshegi zor bolatynyna kúmánim joq. Bolashaq kóshbasshylar óz jolyn osy forým­nan bastaıdy, – dedi kompanııa basshysy. Marat AQQUL, «Egemen Qazaqstan»