Qarasaılyqtar qýanyshy

Jalpy tirshiliktegi qýanysh­tyń túri kóp. Al bir kúnde birneshe jan túgel mereılense, nur ústine nur. Máselen, qańtardyń sońǵy kúni qarasaılyqtar úshin tipti qýanyshty bolyp, muǵa­limder men dárigerler jáne jas mamandar bas­panaly boldy. Memlekettik tur­ǵyn úı baǵdar­lamasy boıynsha sa­lynǵan jańa nesıelik páter kiltterin aýdan ákimi Lázzat Turlashev 48 otba­syna tapsyryp, qýanysh­tary­na ortaqtasty. Baspanaly bolǵandar ara­synda Jumabekovter otbasy da bar. Olar onshaqty jyl kútken baspana­lary­na qol jetkizipti. Buǵan deıin pá­ter jaldap, kóp qıyndyq kórgenin aıtady. Ustaz Janna Jumabekova al­ǵash ata-enesimen birge tursa, keıin otbasy kóbeıgende jeke shyǵypty. «Úıge ıe bolǵanym óńim be, túsim be», deıdi qýa­nyshtan aryla almaǵan ol. Ýnıversıtetten keıin Elba­synyń «Dıplommen – aýylǵa!» bastamasymen Mereı aýylyna jol­­damamen kelgen dáriger-tera­pevt Gúlnár Edilbaeva da páter kiltin aldy. Jas maman memleket tarapynan jasalǵan qamqor­lyqqa dán rıza. Jas ma­mandarǵa kórse­tilgen senimdi aqtaýǵa kásibı bilimim men kúsh-jigerimdi aıamaımyn. Elbasyna rahmet, dedi adam janynyń arashashysy umytylmas sátti kóppen bólisip. «Altyn aýyl» shaǵyn aýda­nynyń irgesi 2005 jyly qalan­ǵan. Munda turǵyn úı quryly­sy áli de jalǵasýda. Jyl ótken saıyn bul meken kórkeıip, sha­harlyqtardyń mereıin tasytyp keledi. Endi aldaǵy mamyr aıynda memlekettik qyzmet­ker­ler taǵy da qonys toıyn toı­lamaqshy. О́ıtkeni kóp qabatty taǵy bir turǵyn úı qurylysy bitýge jaqyndapty. Kúmisjan BAIJAN. Almaty oblysy, Qarasaı aýdany.