Qaırat qaıraıdy

Ult Kóshbasshysynyń jyl saıynǵy halyqqa dástúrli Jol­daýy­nan jurtshylyqtyń úlken úmit kútetindigi, damýdyń jańa ke­zeńine senim kúsheıtetindigi kúmánsiz. Elbasynyń bıylǵy jyl­ǵa alǵa qoıǵan mindetter men tapsyrmalardy ynta qoıyp tyńdaǵan «Fıtohımııa» halyqaralyq ǵylymı-óndiristik holdıngi ǵalymdary men mamandary sondaı áserge bólendi. Atal­ǵan ortalyqtyń jetekshisi, UǴA akademıgi, professor, Memlekettik syılyqtyń laýreaty Serǵazy ÁDEKENOVTEN   Joldaý jóninde oıyn bildirýdi sol sátinde ótingen edik. – Prezıdentimizdiń jańa Jol­­daýy Qazaqstannyń  alǵa qa­ryshty qadam jasaýdyń bet­bu­rysty  kezeńinde ekenin aı­qyn­dap berdi. Jarqyn bolasha­ǵy­myz­ǵa, ósip-órkendeýimizdiń jań­ǵyrýyna taǵy bir nyq senim uıalatty. О́mirdiń qaı býy­nyn­daǵy bolmasyn baǵyt-baǵ­dar tereń ekshelenip, jasampaz ister salıqaly saralanǵan qu­jat­tan týyndaıtyn mindetter údesinen shyǵý qaı-qaı­sy­myz­dyń da abyroıly boryshymyz bolý kerek dep bilemin. Álbette, biz aldymen óz is-qyzmetimizge qatysty baǵdar­la­malyq máselelerge basa qu­laq túrdik. Ǵylym men medı­sı­nany damytýǵa baılanysty atap kórsetilgen  jaılar boı­yn­sha arnaıy jospar  jasalý­ǵa búginnen bastap tapsyrma berildi. Ǵylymı izdenisterdiń sapalyq dengeıin kóterý, adamdar densaýlyǵyn qorǵaý, jaq­sartý jolyndaǵy kúrestiń bel ortasynan tabylýǵa kúsh sa­ly­na­dy. Joldaýda ǵylymı kadr­lar­dy qaǵıdatty turǵydan ja­ńa negizde  daıarlaýdy uıym­das­ty­rý kerektigi, teorııalyq daıyn­dyqty  naqty iste shyńdaý, paı­da­ly zertteýlermen ushtastyrý qajettigi aıtyldy. Ǵylymǵa kan­dı­dattyq jáne doktorlyq dıssertasııalar qorǵaýshylardan  ba­ratyndar sany tómendigi sy­nal­dy. Bul qatty oılandyratyn má­sele. О́ndiristik sehtarymyzda, zerthanalarymyzda jyl saıyn 300-den astam stýdent, magıstrant, doktorant oqý, dıp­lom­dyq, óndiristik tájirıbeden óte­di. Solardyń ishinen talaptaryn ta­nyta alýshylarǵa qushaq ashyla túsedi. О́z izdenisteriniń nátı­je­sin ortaq ıgilikke aınaldyra alýlaryna qamqorlyq aıanbaıdy. Sóz oraıynda aıta ketkende bú­ginde jetistikteri alysqa ta­nymal ǵylymı-óndiristik orta­ly­ǵymyz­dyń qalyptasyp, qa­damy nyǵaıýy­na Tuńǵysh Prezıdent N.­Á.Na­zar­baev­tyń  tikeleı qoldaýy úlken yq­pal etken bolatyn. Osydan on bes jyl buryn alǵash ret is-izde­ni­si­mizben tanysqannan beri aıaq alysymyz udaıy nazarda.So­nyń arqasynda osy ýaqyt ara­ly­ǵyn­da qundy farmako­lo­gııa­lyq qa­sıet­terge ıe jańa biregeı fıto­pre­parattardy jasaý jáne olar­dy  farmasevtı­ka­lyq óndiriske, tájirıbelik me­dı­sınaǵa engizýdegi eńbegimiz janyp keledi. Elimizde dári-dármekterge su­ranys áli kúnge deıin syrt jerlerden jetkiziletin túrleri arqy­ly ótelip júrgeni jasy­ryn syr emes. Osyndaı jaǵ­daı­dan ary­lý­ǵa qazir múmkin­digimiz bar. Ju­mys isteýge kirisken farmasev­tı­kalyq ke­shen­niń birinshi jáne ekin­shi kezekteri asa mańyzdy dárilik pre­parattar óndirisi kóle­min edáýir arttyrdy. Elbasy Jol­daýynda ǵylym jetistik­teri­niń negizinde ınnovasııalyq tehnologııalar arqyly óndiristi da­my­tý basty mindettiń biri bolyp ta­bylatyndyǵy ataldy. Keshen­niń úshinshi kezegin mejeli merzimde iske qosyp, qajetti ónim­men ishki tutynýdy qamta­masyz etý­men birge eksportqa shyǵarýǵa da jol keńeıtý soǵan sáıkes maqsat. Jergilikti tabıǵı ósimdik­terden otandyq dári-dármekti jasaýdy jáne molynan shy­ǵarýdy kózdeýshi  ortalyǵymyz zor  ǵylymı kúsh-qabiletke ıe. Elbasy Joldaýy osy mereıli maqsatqa qaırat qaıraıdy. Jazyp alǵan  Aıqyn NESIPBAI. Qaraǵandy.