Qazaqstanda qurastyrylǵan kólikter qanshalyqty ótimdi?

Qazaqstandyq avtokólik bıznesi Assosıasııasy (QABA) taıaýda ótken jyldyń qorytyndysyn ja­sa­dy. Elimizdegi resmı avtodılerler 2010 jyly 22 409 kólik ótkiz­gen. Iаǵnı, satylym 2009 jylmen salystyr­ǵanda 14,5 paıyz­ǵa artyq. Qalaı desek te, bul elimizdegi avtokólik deldaldary­nyń 2010 jylǵa jasaǵan josparynan ál­deqaıda joǵary. – Qazaqstandyq avtokólik naryǵy sońǵy jyldary turaqty ósip keledi. Bul naryqtyń daǵ­da­rystan shyqqanyn kórsetedi. Sa­tyl­ǵan kólikterdiń basym bóligi Qazaqstanda qurastyrylǵan mashı­na­larǵa tıesili, – dedi QABA prezıdenti Arsenıı Sıdorov. 2010 jyly satylym kólemi boıynsha úsh birinshi oryndy Lada, Toyota jáne Uz-DAEWOO brendteri bólisken. Qazaqstanda jáne Reseıde qurastyrylǵan Lada av­tokó­likteri baıyrǵydaı kóshbas­shylyq tanytyp otyr – 2009 jyl­men salystyrǵanda satylym ósimi 28 paıyz jáne 5 125 mashınany quraıdy. Ekinshi oryn­dy japondyq Toyota brendi berik ustandy. Alaıda Toyota kólikteriniń aldyńǵy jylmen salystyrǵanda satylymy 5 paıyzǵa tómendedi. Tizim boıynsha kelesi orynda turǵan Uz-DAEWOO satylymy 2009 jylmen salystyrǵanda 39 paıyzǵa artty. Tizimdegi tórtinshi oryndy satylymdary 2009 jylmen salystyrǵanda 15,7 paıyzǵa azaıyp, 1 430 birlikti quraǵan reseılik ÝAZ brendi ıelenip otyr. Reıtıngtiń ondyǵyn 576 avtokólik satqan, Qazaq­standa qurastyrylǵan Shevrolet brendi qorytyn­dylaıdy. 2009 jylmen salystyrǵanda Shevrolet óziniń satylymdaryn 27 paıyzǵa arttyrǵan. 2010 jyly 8 364 avtokólikti satyp ótkizgen «BIPEK AVTO» kompanııasy dılerler arasynda Qazaqstan naryǵynyń kóshbasshysy atandy. Ekinshi oryndy aýyr jáne jeńil júk tehnıkasyn qosa eseptegende 3 804 birlikti ótkizgen «Vıraj» kompanııasy, úshinshi oryndy 3183 avtokólik ótkizgen «MERCUR Auto LTD» kompanııasy ıelenip otyr. Tórtinshi orynda satylymdary 2564 mashınadan turatyn «Astana Motors» QMK tur. Besinshi orynǵa 2010 jyly 960 kólik satqan «Allur Auto» kompanııasy jaıǵasty. QABA málimdegendeı, 2010 jyl otandyq avtoqurastyrýshy óndiristerdiń paıda bolýymen erekshelenedi. Qostanaı qalasynda «Agromashholdıng Qazaqstan» AQ negizinde Ońtústik Koreıalyq jol talǵamas SsangYong kólikteriniń óndirisi iske qosyldy. Onyń alǵashqy ónerkásiptik toptamasy óz tutynýshylaryn Qazaqstannan jyldam tapqan. Oǵan qosa Almatyda japondyq «Isusu» jáne «Itochu» kompanııalary, sonymen qatar «SVS» qazaqstandyq toppen uıymdastyrylǵan Isusu júk kólikterin qurastyrý boıynsha avtomekeme quryldy. – О́tken jyl Qazaqstannyń búkil avtobıznesi úshin jemisti boldy, elimizdiń qarqyndy ın­dýs­trıaldy damýynyń memlekettik baǵdarlamasy sheń­berinde ekonomıkanyń alýan túrli salalarynda birqatar avto­qurastyrýshy óndirister iske qosyldy. Avtokólikterdi Qazaqstanda jasaý olardyń tutynýshylar úshin baǵa­syn tómendetýge jáne qosymsha jumys oryndarymen qamtamasyz etýge múmkindik beredi. Sonymen qatar jańa joǵary tehnologııalyq óndirister otandyq ekono­mı­kanyń ındýstrıaldy áleýetin arttyrý baǵdarla­ma­sy­na eleýli úles qosady. – dep atap kórsetti «Allur Auto» avtokompanııalar tobynyń bas dırektory Andreı Lavrentev. Avtokólik deldaldary Qazaqstanda qurastyryl­ǵan kólikterdi nesıeleı 4-5 paıyzǵa jeńil ekendigin aıtady. 1 shildeden bastap Kedendik odaq kúshine engen kezde Reseıdegi belgili brendter bizdiń rynokqa enetin bolady. Degenmen, jergilikti avtokólik dılerlerine Qazaqstan da tarlyq etedi. Sondyqtan olar da Reseı naryǵyna shyǵýdy kózdep otyr. Baspasóz máslıhatynda korporatıvtik satylym­dardyń da ulǵaıǵany sóz boldy. – Bul da ekonomıkalyq ahýaldyń turaqtalyp kele jatqanyn aıǵaqtaıdy. Qazaqstandyq kompanııalar men mekemelerdiń ózderine qyzmet kólikterin satyp alýǵa áleýeti jetedi, – deıdi avtokólik satýmen aınalysatyn kompanııa ókilderi. Aınash ESALI. Almaty.