Shyǵarma arqaýy - sport

Mádenı Azıada

Almatynyń óner qaırat­kerleri Qysqy Azııa oıyndary kezinde osynaý aıtýly sport jarysyna qatysýshylar men qonaqtarǵa ózinshe syı-sııapat ázirledi. Sonyń biri – sýretshi Rashıd Qulbatyrov. Onyń «О́ner» kórkemsýret salonynda «Sálem, Azıada» degen jeke kórmesi ashyldy. Onyń basty ereksheligi – kór­mege qoıylǵan 35 kartına­nyń taqyryptary sportqa qa­tys­ty. Naqtyraq aıtqanda, adam­nyń ishki dúnıesi sport ar­qyly ashylǵan jáne aıryq­sha áserli. Onyń da jóni bar eken. Sýretshi jas sha­ǵynda sportpen shuǵylda­nypty. Keıin óner men sporttyń birin tańdaý qajettigi týǵanda, ónerdi kásip etkenmen, sport báribir shyǵarmalarynyń basty taqy­ryby bolyp, qalyp qoıǵan. Sýretshi Rashıd Qulba­ty­rov­tyń sport taqyry­byn­daǵy kartınalarynda týǵan jerdiń kórinisteri de erekshe oryn ala­dy eken. Ásirese, bul Azııada qonaqtaryna aıryqsha áser qaldyrmaq. Olar ózderi bolǵan Shymbulaq, Medeý sııaqty ta­bıǵattyń tamasha jerlerin sýretshi shyǵarmalarynan da kó­rip, jańa áserge bóleneri sóz­siz. Sporttyń jankúıeri retinde Rashıdtiń ózi de búgingi kúnderi úlken qýanysh ústinde. Azııa oıyndaryn qalt jibermeı qadaǵalaıtyny ańǵaryla­dy. Sirá, bul oıyndardyń kóri­nisteri de keıin onyń shyǵar­malaryna arqaý bolsa kerek. Onyń óziniń aıtýynsha, oǵan shańǵymen tuǵyrdan sekirý erek­she unaıtyn kórinedi. Osy­naý Azıada qarsańynda Alma­tyda boı kótergen Halyqara­lyq shańǵymen tuǵyrdan sekirý keshenin de keıin onyń kartı­nalarynan kóretin bolarmyz.