Qazaqstan Respýblıkasy Prezıdentiniń jarlyǵy №1145

Qazaqstan Respýblıkasy Prezıdentiniń 2010 jylǵy 4 naýryzdaǵy №932 Jarlyǵyna ózgerister engizý týraly Qaýly etemin: 1. «Qazaqstan Respýblıkasy Almaty qalasynyń óńirlik qarjy ortalyǵynyń qyzmetin retteý agenttigi kórsetetin memlekettik qyzmetter standarttaryn bekitý týraly» Qazaqstan Respýblıkasy Prezıdentiniń 2010 jylǵy 4 naýryzdaǵy №932 Jarlyǵyna (Qa­zaq­stan Respýblıkasynyń PÚAJ-y, 2010 j., №20-21, 151-qujat) mynadaı ózgerister engizilsin: Joǵaryda atalǵan Jarlyqpen bekitilgen «Zańdy tulǵalardy – Almaty qalasynyń óńirlik qarjy or­talyǵynyń qatysýshylaryn memlekettik tirkeý (qaıta tirkeý)», «Almaty qalasynyń óńirlik qarjy or­ta­lyǵynyń qatysýshylaryn akkredıtteý», «Almaty qalasynyń óńirlik qarjy ortalyǵynda qyzmetin jú­zege asyrý úshin Qazaqstan Respýblıkasynyń aýmaǵyna keletin sheteldikter men azamattyǵy joq adamdarǵa vızalar berý týraly ótinishhat berý», «Almaty qalasynyń óńirlik qarjy ortalyǵynyń arnaıy saýda alańyna jiberilgen qarjy quraldary emıtentteriniń aýdıtine jumsalǵan shyǵyndardy óteý», «Almaty qa­lasynyń óńirlik qarjy ortalyǵy qatysý­shylarynyń qujattamasyn qarjy ortalyǵynyń organdaryn qos­paǵanda, memlekettik organdarǵa berý úshin aǵylshyn tilinen memlekettik jáne orys tilderine aýdarý» memlekettik qyzmetter kórsetý standarttary jańa redaksııada jazylsyn. 2. Osy Jarlyq alǵashqy resmı jarııalanǵan kúninen bastap on kúntizbelik kún ótkennen soń qol­danysqa engiziledi. Qazaqstan  Respýblıkasynyń  Prezıdenti N.NAZARBAEV. Astana, Aqorda, 2011 jylǵy qańtardyń 31-i.  №1145 _______________ «Qazaqstan Respýblıkasy Prezıdentiniń 2010 jylǵy 4 naýryzdaǵy №932 Jarlyǵyna ózgerister engizý týraly» Qazaqstan Respýblıkasy Prezıdentiniń 2011 jylǵy 31 qańtardaǵy №1145 Jarlyǵyna túsinikteme 2011 jylǵy 31 qańtarda Memleket basshysy «Qa­zaqstan Respýblıkasy Prezıdentiniń 2010 jylǵy 4 naý­ryzdaǵy №932 Jarlyǵyna ózgerister engizý tý­raly» Jarlyqqa (budan ári – Jarlyq) qol qoıdy. Jarlyq Qazaqstan Respýblıkasy Almaty qa­la­synyń óńirlik qarjy ortalyǵynyń qyzmetin retteý agenttiginiń (budan ári – Agenttik) Almaty qalasynyń álemdik standarttarǵa sáıkes qarjy ortalyǵy retinde da­mýyna yqpal etetin memlekettik qyzmetterdi kór­setý boıynsha qyzmetin jetildirýge baǵyttalǵan. Qazaqstan Respýblıkasy Prezıdentiniń 2010 jyl­ǵy 4 naýryzdaǵy №932 Jarlyǵymen bekitilgen, Agenttik kórsetetin memlekettik qyzmetterdiń standarttary jańa redaksııada mazmundalyp otyr. Memleket basshysynyń bıznestik ahýaldy jaq­sar­tý, bıznesti tirkeý jáne júrgizýmen baılanysty bız­nestiń operasııalyq shyǵyndaryn qysqartý týraly tap­syrmalaryn iske asyrý maqsatynda Agenttikke zańdy tulǵalar usynatyn qujattardyń keıbir dana­larynyń sany azaıtyldy. Sonymen qatar, Qazaqstan Respýblıkasynyń «Memlekettik statıstıka týraly» zańyna sáıkes, «Zańdy tulǵalardy – Almaty qalasynyń óńirlik qarjy ortalyǵynyń qaty­sýshy­la­ryn memlekettik tirkeý (qaıta tirkeý)» jáne «Al­maty qalasynyń óńirlik qarjy ortalyǵynyń qaty­sý­shy­laryn akkredıtteý» memlekettik qyzmet kórsetý stan­darttarynan zańdy tulǵalarǵa statıstıkalyq kartoch­kany resimdeýdi, berýdi retteıtin normalar alynyp tastaldy. Tutastaı alǵanda, Agenttiktiń jańartylǵan memlekettik qyzmet kórsetý standarttary memlekettik qyzmetterdi tutynýshylardyń qajettilikterin qana­ǵat­tandyrýǵa, olardyń quqyqtaryn, bostandyqtaryn qamtamasyz etýge, zańdy múddelerin qorǵaýǵa baǵyttalǵan. Jarlyqtyń tolyq mátini Agenttiktiń www.rfca.gov.kz Internet-resýrsynda ornalastyrylǵan jáne Qa­zaq­stan Respýblıkasy Prezıdenti men Qazaqstan Respýblıkasy Úkimetiniń aktiler jınaǵynda jarııa­lanatyn bolady. Qazaqstan Respýblıkasy Prezıdenti Ákimshiliginiń  Áleýmettik-ekonomıkalyq monıtorıng bólimi.