Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №367

  2015 jylǵy 21 mamyr, Astana qalasy Áleýmettik máni bar aýrýlardyń jáne aınaladaǵylar úshin qaýip tóndiretin aýrýlardyń tizbesin bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 89) tarmaqshasyna sáıkes buıyramyn: 1. Osy buıryqqa qosymshaǵa sáıkes Áleýmettik máni bar aýrýlardyń jáne aınaladaǵylar úshin qaýip tóndiretin aýrýlardyń tizbesi bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kúnniń ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA «KELISILGEN» Qazaqstan Respýblıkasynyń Ulttyq ekonomıka mınıstri E. Dosaev__________________ 2015 jylǵy 29 mamyr Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 21 mamyrdaǵy № 367 buıryǵymen bekitilgen Áleýmettik máni bar aýrýlardyń jáne aınaladaǵylar úshin qaýip tóndiretin aýrýlardyń tizbesi 1. Áleýmettik máni bar aýrýlar 1. Týberkýlez 2. Adamnyń ımmýnıtet tapshylyǵy vırýsy qozdy­ratyn aýrý jáne adamnyń ımmýnıtet tapshylyǵy vırýsyn tasymaldaýshylar 3. V, S vırýsty gepatıti 4. Qaterli isikter 5. Qant dıabeti 6. Psıhıkalyq aýytqýlar jáne minez-qulyq aýytqýlary 7. Balalardyń serebraldi sal aýrýy 8. Júrek talmasy (alǵashqy alty aı) 9. Revmatızm 10. Dáneker tinniń júıeli zaqymdanýy 11. Ortalyq nerv júıesiniń tuqym qýalaıtyn degeneratıvtik aýrýlary 12. Ortalyq nerv júıesiniń demıelınılengen aýrýlary 2. Aınaladaǵylar úshin qaýip tóndiretin aýrýlar 13. Adamnyń ımmýnıtet tapshylyǵy vırýsy qozdyratyn aýrý jáne adamnyń ımmýnıtet tapshylyǵy vırýsyn tasymaldaýshylar 14. Gemorragııalyq qyzba 15. Dıfterııa 16. Menıngokokk ınfeksııasy 17. Polıomıelıt 18. Negizinen jynystyq jolmen beriletin ınfeksııalar 19. Alapes 20. Bezgek 21. Kúıdirgi (ókpelik túri) 22. Týberkýlez 23. Tyrysqaq 24. Oba 25. Ish súzegi 26. A vırýsty gepatıti 27. Psıhıkalyq buzylýlar jáne minez-qulyq buzylýlary Buıryq Qazaqstan Respýblıkasynyń Ádilet mınıstrliginde 2015 jylǵy 30 maýsymda Norma­tıvtik quqyqtyq kesimderdi memlekettik tirkeýdiń tizilimine №11512 bolyp engizildi.