Memleket múddesi qashanda joǵary

Elbasymyzdyń dástúrli Qa­zaqstan halqyna Joldaýynyń elimiz táýelsizdiginiń 20 jyl­dyǵy jyly salmaǵy arta túse­tini anyq. Elbasymyzdyń syn­darly saıasatynyń arqasynda 20 jyl ishinde Qazaqstan álem­degi damýshy memleketter qata­ryna qosyldy. Bıylǵy Joldaý halyqtyń ál-aýqatyn jaq­sar­týǵa, áleýmettik-ekonomıkalyq damýǵa arnalyp otyr. Qazaq­stannyń damyǵan 50 elder qataryna qosylý  baǵdar­lama­sy júzege asyp  qazirgi ýaqytta bıznes klımaty joǵary 183 memlekettiń arasynda 59 oryn­ǵa turaqtady.  Búgingi elimiz­diń ındýstrııalandyrý baǵdar­lamasy boıynsha  elimizde shıkizat óndiretin kóptegen zaýyt­tar salyndy.  Bıznes salasy onyń ishinde kásipkerlikti da­my­tý, shaǵyn jáne orta bıznesti qoldaýdy júzege asyrý sharasy boıynsha da kóptegen naqty mindettemeler  belgilendi. Men «Nur Otan» partııasy­nyń múshe­si retinde Elbasy­myz­dyń aldy­myzǵa qoıǵan barlyq mindettemelerin sapaly ári ýaq­tyly oryn­daýǵa bar kúsh-jige­rimdi sala­myn. Barsha áriptes­terimdi kemel keleshekti qurý jo­lyndaǵy keleli jospardy oryn­daýǵa atsa­lysýǵa shaqyramyn. Elbasymyz óz Joldaýynda shaǵyn kásipkerlikti nesıelendirý barysynda ásirese aýyldy jerlerde mal sharýashylyǵyn damytýǵa basa nazar aýdarýdy tapsyrdy. Aýyldyq jerlerdegi turǵyndardyń bizdiń mekememizden mal sharýashylyǵyn damy­týǵa nesıeler alýyna bar múm­kindikti jasaıtyn bolamyz. Aýyl – eldiń altyn besigi. Mal satyp alý arqyly óziniń ál-aýqatyn, turmys deńgeıin jaq­sartyp alýǵa bul taptyr­mas múmkindik ekendigi shyn­dyq. Elbasymyzdyń dara saıa­sa­ty, dana basshylyǵy arqa­synda elimiz 2010 jyly to­laǵaı tabystarǵa jetti. Astana tórinde EQYU Sammıtin ótkizip, álem elderiniń al­dyn­da Qazaq­stannyń bereke men birlikti súıetin bola­shaǵy kemel, boljamdy, baǵ­darly, saıası turaqty memleket ekendigine kózderin jetkizdi. «Biz Elbasymen birgemiz» urany jalpy qazaq­standyqtardyń basty urany bolýy kerek. Sonymen qatar, Elbasymyz­ben birge táýelsiz­digimizdiń 20 jyldyǵyn, odan keıingi mereıtoılaryn da qarsy alýymyz kerek dep esepteımin. Barsha jerlesterimdi Elbasymyzdyń merziminen buryn saılaý ótkizý týraly sheshimin qoldaýǵa jáne daýys berýge shaqyramyn. Bul kemel keleshekti, jarqyn ómirdi tańdaý bolyp tabylady. Maqsatbaı SERIKBAEV, «Nur Otan» HDP Aqmola oblystyq fılıaly saıası keńesiniń múshesi, Egindikól aýdandyq kásipkerler assosıasııasynyń tóraǵasy, «Egindikól ekspress-kredıt» ShNU dırektory.