Ǵalymdardyń alǵy shebi

Elbasymyzdyń Qazaqstan halqyna arnaǵan «Bolashaqtyń irgesin birge qalaımyz» atty Joldaýyn Almatydaǵy ekono­mıka ınstıtýtynyń ǵalym­dary «dóńgelek ústel» basyna jınalyp talqylady. Ulttyq ǵylym akademııasynyń akademıgi, ınstıtýt dırektory Ora­zaly Sábden Joldaý mátinine qysqasha sholý jasap ótti. Ǵalymdarǵa ásirese unaǵan bir jaı sol, Prezıdent Jol­daýyn­da naqty mindetter qoıylady, ǵalymdardyń nazaryn naqty máselelerge aýdaryp, naqty tapsyrmalar beredi. Joldaý aıasynda ǵalymdardyń is-qı­myly úshin meılinshe keń óris ashylǵan. Aıtalyq, energııa tıimdili­gi­niń keshendi josparyn jasaýdyń mańyzy orasan zor. Osyǵan baılanysty 2012 jyly ótetin BUU-nyń Búkilálemdik kongresinde Qazaqstan Prezıdentiniń sóz sóıleýi josparlanǵan. Mine, ınstıtýt ǵalymdary osy másele boıynsha óz usynystaryn ázir­leýde. Elbasy Joldaýynda óńir­ler­diń damý baǵdarlamasyn ázirlep, bekitý jóninde de nusqaý berildi. Osyǵan oraı ınstıtýt ujymy oılastyrǵan, bir júıege keltirilgen ázirlenimder bar. Joldaý júgi muny da tezirek júzege asy­rýdy talap etedi. Ǵalymdar odaǵynyń ótken má­jilisinde halyqty sapaly aýyz sýmen qamtamasyz etý máselesi qaralypty. Osy rette jerasty sý kózderin paıdalaný oraıynda gıdrologııa ıns­tıtýtynyń ujymy úlken joba daıyndaǵan. Bul joba júzege assa, Astana, Qaraǵan­dy qalalary jáne basqa óńirler taza sýmen qamtamasyz etilmek. Sondaı-aq, Joldaýda ýnıversıtettik bilim men ǵylym damýyn jańa deńgeıge kóterý qajettigi óte oryndy aıtyl­dy. El Parlamentinde taıaý arada «Ǵylym týraly» jańa Zań qaralyp, qabyldanatyn bolýy da kóńilge mol úmit uıalatady. Ǵylymdy qarjy­landyrýdyń, josparlaý men uıymdastyrýdyń jańa qaǵıdat­tary iske qosylmaq. Soǵan oraı qabyldanatyn qujattar joba­syna ǵalymdar da óz usy­nystaryn engizdi. Osy jaılardy aıta kele, O.Sábden Elbasynyń merziminen buryn prezıdenttik saılaý ótkizý jónindegi sheshimin birden-bir ádil ári durys sheshim dep baǵa­lap, qoldaýyn bildirdi. Budan soń sóz alǵan akademıkter A.Qo­sha­nov, S.Qırabaev, M.Asylbekov, О́.Baımuratov jáne basqalar Joldaýda alǵa tartylǵan mindetterge oraı salıqaly oı bólisip, naqty pikirler aıtty. Ǵalym­darymyzdyń el ómiriniń alǵy shebinde ekendigi kórinip turdy. Qorǵanbek AMANJOL. Almaty.