Azıadaǵa arnalyp otyr

Taıaýda ár toqsan saıyn shyǵyp turýdy úrdiske aınaldyra bastaǵan «The Astana times» (www.astanatimes.kz) basy­lymynyń kezekti nómiri jaryq kórdi. Basta­mashysy – Syrtqy ister mınıstrligi, al shyǵarý­shylary – «Kazahstanskaıa pravda» jáne «Egemen Qazaqstan» gazetteriniń jýrnalısteri bolyp taby­latyn aptalyq aǵylshyn tilinde ázir­lengen. Kólemi 16 bettik, túrli-tústi sýrettermen ásem bezendirilgen onyń alǵashqy nómiri byltyrǵy jylǵy 1-2 jeltoqsanda jaryq kórgen-tin. Ol Astanada ótken EQYU Sammıtine arnalyp edi. Al myna nómir elimizde tuńǵysh ret ótip jatqan ÚII Qysqy Azııa oıyndaryna arnalyp otyr. Munda Halyqaralyq Olımpıada komıtetiniń prezıdenti Jak Roggemen suhbat bar. Sodan keıin Astana jáne Almaty qalalarynyń ákimderi Imanǵalı Tasmaǵambetov pen Ahmetjan Esimovtiń gazet tilshilerimen áńgimeleri berilgen. Azıadaǵa kelgen sheteldik qonaqtar men týrıster sondaı-aq osy aptalyqtan halqymyzdyń salt-dástúrinen habar beretin etno­graf S.Kenjeahmetulynyń «Dala dastarqany» maqalasymen,  respýblıkamyzdyń ásem tabıǵaty týral­y aıtylǵan tilshilerdiń «Ánshi qum», «Sharyn shatqaly», «Baıqońyr» jáne  «Kendirli» sııaqty kóp­tegen qyzyqty materıaldarymen tanysa alady. Dastan KENJALIN.