1500 metr bıiktiktegi stadıon

Azıada týraly aıtqanda, myna bir jaıdy eskerý kerek sııaqty. Resmı turǵydan osynaý jarystar Astana men Almatyda ótedi dep eseptelgenimen, shań­ǵymen júgirý, bıatlon jáne qys­qy sporttyq baǵdarlaý sııaqty sport túrleri­niń medaldary Almaty oblysy­nyń aýmaǵynda, Talǵardyń ja­nyn­daǵy tabıǵaty kórkem Soldat- saıynda sarapqa salynýda. Mine, «Aqbulaq» sporttyq-saýyq­tyrý keshenine kórshi qonǵan, «Medeý» men «Shymbulaq», «Taba­ǵandaryńyzdyń» sporttyq dás­túrin jalǵaǵan osy ǵajabyńyz «Shań­ǵy-bıatlon stadıondary» kesheni dep atalyp, qulaqqa Azıada kezinde jaǵymdy estiletin bolyp barady. Stadıonnyń bas josparynyń nobaıyn FIS-tiń norvegııalyq sa­rapshysy Hermýd Borkestol ataq­ty konsaltıngilik kompanııamen bir­likte oryndap, sol nobaı ju­mys jobasynyń ázirlenimine negiz bo­lyp alynǵan eken. Osynaý qu­ry­lys­tyń dırektory Sergeı Petrovıch Shahoves Soldatsaıyn­daǵy shań­ǵy-bıatlon stadıondary ke­she­ni­niń qurylysy 2008 jyldyń jel­toqsanynda bastalyp, 2010 jyl­dyń jeltoqsanynda aıaqtal­ǵanyn tilge tıek etti. Álemdegi osyndaı turǵydaǵy tórtinshi keshen sanala­tyn ol asa iri qurylys bolyp ta­bylady. Keshenniń ózi shańǵy jáne bıatlon stadıon­da­rynan quralǵan. Eki stadıonnyń birikken biregeıligi birden kózge túsedi. Árbir sta­dıonnyń minberi 3 myńnan astam kórermenge arnal­ǵan. Dırektordyń aıtýynsha,  jal­py qurylys alańy 27 gektar jerdi alyp jatyr. Munda tikeleı nysan­dar ornalasqan. Odan basqa, Ile Alataýy ulttyq qory­ǵynyń jerine suǵynǵan 50 gek­tardy 4400 metrlik bıatlon jáne on shaqyrymdyq shańǵy trassalary sharlap ketken. Biz osy arada VII qysqy Azııa oıyndaryndaǵy bıatlon boıynsha sport menedjeri, respýblıkanyń eńbek sińirgen jattyqtyrýshysy Pa­vel Georgevıch Semenovpen jo­lyq­tyq. Onyń aıtýynsha, osynaý shań­ǵy-bıatlon stadıondarynyń ǵa­jaıyptyǵy sonda, onyń 1500 metr bıiktikte jatqandyǵynda. Tip­ti, dál osyndaı jer bederi, tabı­ǵa­ty túgel kelisken stadıon Azııa men Eýropada joq kórinedi. Keshendi ádipteı kómkergen susty taýlardyń tap mynadaı sulýlyǵy da basqa jerlerden tabyla qoımaıdy. Osy­naý qoınaýda ár ýaqyt kúnshýaq, jelsiz tymyq joǵary nátıjelerge jeteleıtindeı. Stadıonda úsh márte sy­namalyq mańyzdy jarys­tar ót­ki­zilip úlgergen. Soǵan sáıkes sportshylardyń da, halyqaralyq shańǵy sporty federasııasy ókil­deriniń de keshenge bergen baǵasy joǵary. Mundaǵy trassalar asa kúr­deli bolyp tabylady. Ári álem­dik standarttarǵa saı keledi. Son­dyqtan, oǵan 2018 jylǵa deıingi sáıkestik sertıfıkaty berilipti. Demek, bul trassalar men sta­dıondardy halyqaralyq deń­geı­degi jarystar ótkizý úshin paı­dalanýǵa ábden bolady. Osyn­daı joǵary deńgeıdegi alǵashqy jarys Azıada bolyp tur. Bıyl­ǵy Azıada ótetin qys qarǵa sarań­dyǵyn baıqatty. Bul olqylyqtyń ornyn qar jasap atqylaıtyn zeń­birekter toltyrýda. Al endi qos qanatty ǵımaratqa keler bolsaq, onyń tórtinshi qaba­tynda túgeldeı kommentatorlyq kabınalar jaıǵasqan. Tóreshi­ler­diń orynjaılary da osy arada. Úshin­shi qabattyń bıiginen jarys­tardy «olım­­pııalyq otbasy» mú­she­leri, ıaǵ­nı Azıadanyń mártebeli vıb-qo­naq­tary tamashalaı alady. Ekinshi qa­ba­tymyzda ári minber, ári fotosýretshilerge, jýrnalısterge arnal­ǵan oryn­jaılar. Baspasóz or­taly­ǵy da osy qabatqa orna­las­qan. Birinshi qabaty – galereıa. Eń tómengi qabatta sportshylardyń kıim aýys­tyratyn bólmeleri, shań­ǵylaryn bap­tap maılaıtyn oryn­dar. Dári­ger­lerdiń bólmeleri de osynda. Al ǵı­ma­rat­tyń tóbesindegi 700 sharshy metrlik alań da utym­dy paıdala­nylyp, onda qosymsha kabınalar qo­ıylǵan. Jýrnalıster de, jaı kó­rer­mender de ol jerden stadıon­daǵy jarysty alaqan­daǵy­daı kóredi. Satyp alynǵan jerlerdi, qury­lys jumystaryn, jabdyqtardyń bárin qosa eseptegende, osynaý shań­ǵy jáne bıatlon stadıony keshenine 20 mıllıard teńgeden astam qarjy jumsalypty. Álbette, Azıa­da arqy­ly alatyn abyroıymyz bul shyǵyn­dy artyǵymen aqtaıdy dep oılaı­myz. Al, Azıadadan keıin bul keshen elimizdiń shańǵy-bıatlon sportyn damytýǵa septigin tıgize bermek, hal­qymyzdyń taǵy bir ıgiligine aınalmaq. Qorǵanbek AMANJOL. _______________________ Sýretterdi túsirgen Bersinbek SÁRSENOV.