Astanadaǵy altyn

Keshe elordada Aq Azıadanyń 1500 metrlik qashyqtyqtaǵy konkımen syrǵanaý sportynan erler men áıelder arasynda ótken jarystyń jeńimpazdary men júldegerleri anyqtaldy. Atalǵan alamanda erler arasynda otandasymyz Denıs Kýzın aldyna qara túsirmeı, Azııa chempıony atanyp, jańa rekord jasady. Jarys syny bastalmaı turyp jınalǵan jergilikti jankúıerler básekeniń ýaqyty belgilengen soń, otandas sportshylardyń tileýin tileýmen otyrdy. Elimiz týy kók­te jelbirep, «Qazaqstan alǵa!» dep urandaǵan jalyndy jastarda tek bir ǵana tilek bolatyn. Ol otan­das­tardyń aty ozsa degen aq peıil-tin. Bul nıet 1500 metr qashyqtyqtaǵy erler synynda qabyl bolǵandaı edi. Azııanyń azýyn aıǵa bilegen has júırikteri jarysqan bul báse­ke qazaqstandyq Denıs Kýzınniń jeńis tuǵyrynyń eń bıik satysy­nan qol bulǵap, el ánuranyn áýe­le­te shyr­qat­qany artynda taqymyn qysyp otyrǵan dúıim jurttyń kóńilin ta­sytyp, mereıin asyrdy. 1 mınót 47,37 sekónt kórsetkishpen qarsy­lastarynyń bárin de qapy qaldy­ryp, qustaı ushqan Denıstiń erligine súısinbegen jan qalmady. О́z jerinde ótip jatqan baıraqty synnyń baıybyn berik sezingen jampozdyń bul oljasy atalǵan sporttyń ózge qashyqtyqtardaǵy jarystarynda ke­tip jatqan eseniń ornyn toltyr­ǵandaı. Saıypqyran sańlaq jarys jolyna shyqqan sátten jattyq­tyrý­shynyń shyqqan jan daýysy kórermenderdi de beıjaı qaratyp otyrǵyza almady. Osy rette jan ushyra aıqaılap, júıke juqartqan jattyqtyrý­shy­lar eńbeginiń ushan-teńiz ekenin aıt­paı kete almaımyz. Qalaı dese­ńiz de tórt jyl boıy tókken terdiń óteýi tarazyǵa saly­nar tus qoı bul. Sondyqtan da muny biz jiti túsinemiz. Endi jeńimpazben márege quı­ryq tistesip kelgen júldeger­ler­ge keleıik. Kýzınge nebári 0,34 sekóntke jol bergen ońtústik-  koreıalyq sańlaq Mo Te Bým Qysqy Azııa oıyndarynyń kúmis júlde­sin jeńip aldy. Al qola medal da Ońtústik Koreıa sportshysyna bu­ıyr­dy. Onyń ıesi – Lı Kıý Hıýk. Áıelder arasyndaǵy syrǵa­naý básekesi de jıylǵan jurtty jelpindirýmen ótti dese bolady. Mun­da da jelpingen jankúıer­ler. Aı­dynǵa qaı eldiń sportshy­sy shyq­sa, sol jerdiń óz jan­kú­ıer­leri jıi­rek dem berip, olar­dyń jarys jolynda barynsha sergek qımyl­daý­laryna jol ashyp otyrýlary saıystyń ajaryn tipten asha tústi desek te bolady. Úkilegen úmit­te­rin Aq Azıadanyń báıgesine qos­qan elder sportshylary arasynda shyn myqtylar top jaryp, jan­kúıer jurtyn sheksiz qýanyshqa bó­ledi. Sonymen  Qysqy Azııa oıyn­darynyń altynyn qytaılyq arý Ýang Feı jeńip alyp, jerlesterine tamasha jeńis syılady. Onyń kór­setkishi – 1 mınót 58,37 sekónt. Al kúmis júlde ońtústikkoreıalyq Noh Seonıeongqa buıyrsa, júlde­gerler úshtigin japondyq jampoz qyz Kodaıra Nao qorytyndylady. Qazaqstan namysyn qorǵaǵan Ekaterına Aıtova qola júldege qol sozym jerde qaldy. Osy tus­ta Katıanyń barynsha jyldam­dyq tanytýǵa baryn salyp, tórtinshi orynǵa turaqtaǵanyn jaqsy kór­setkish dep baǵalar edik. Al osy synda óner kórsetken taǵy bir otandasymyz Tatıana Sokırko jalpy esepte toǵyzynshy orynǵa turaqtady. Iá, bul jarys. Jarys bol­ǵanda da Qazaqstanda ótip jatqan Azııanyń menmin degen dúldúl­deri sheberlikterin synǵa salyp jat­qan dúbirli doda. Sol úshin de júldeden jylystap qalǵan jerlesterimizge bir sát túsinistikpen qaraǵan da jón shyǵar. Ábdirahman QYDYRBEK.

* * *

MUZ AIDYNYNYŃ MAITALMANDARY

Astanada mánerlep syrǵa­naýshylar jarysy bastaldy. Birinshi kúngi sporttyq jup­tar arasyndaǵy týrnırde qys­qa bı, juppen syrǵanaý, erler­diń jalǵyz syrǵanaýy boıynsha jarys ótti. Azıada jarystarynyń bul túri  aqpan aıynyń úshinde bastaldy. Erlerdiń erkin baǵdarlamasy, áıelder arasyndaǵy erkin baǵdar­la­ma, muzda bıleý jáne juptar arasynda erkin baǵdarlamaǵa 4 altyn kózdelip otyr. Bul saıysqa Qazaqstan atynan Abzal Raqymǵa­lıev pen Denıs Ten qatysty. Al­dyn ala tastalǵan jerebe boıyn­sha Denıske 13 sany, ekinshi sport­shy Abzalǵa 6-shy kezek buıyrdy. Ekinshi kezeńge juptar ara­sy­n­­­daǵy qysqa baǵdarlamaly má­ner­lep syrǵanaýǵa 4 jup, barlyǵy segiz úmitker qatysty. Onyń eki ju­byn qytaılyq qarsylastarymyz qurady. Qazaqstandyq máner­lep syrǵanaýshylar Vıktorııa Kýcherenko men Vıktor Avdonev qoldaý kórsetý kezinde kenetten qulap qalyp, jarys barysynda muz aıdynyna shyǵa almady. Oıynnyń úshinshi túri – qysqa bıge bes jup qatysty. Olar Sol­tústik Koreıa, Qazaqstan, Japonııa jáne qytaılyq eki jup. Munda Qazaqstan atynan Vıktor Avdonev pen Vıktorııa Kýcherenko shy­ǵý kerek bolatyn. Alaıda, bul jup muz ústinde joly bol­mady. Qazaq­stannyń mánerlep syrǵa­naýshy jetekshileriniń biri Iýrıı Gýskov Vıktordyń muz aıdy­nyna dene qyzýy 38-ge kóterilip, aýyryp shyq­qandyǵyn aıtty. Nátıjesinde, qysqa bıde kósh­bas­shy bolyp qytaılyq sport­shy­lar Hvan Chınton men Jen Ksýn ta­nyldy. Ekinshi kezekke aǵaly-qa­ryndasty japondyq jup Ketı Rıd pen Krıs Rıd jaıǵasty. Olardyń jattyqtyrýshylarynyń biri ataq­ty reseılik bapker – Nıkolaı Morozov. Juldyz BAIDILDA.

* * *

QURAMAǴA QURMET

Beısenbi kúni Astanadaǵy «Qazaqstan» sport saraıynda hokkeıden erler arasynda oınal­ǵan taǵy bir matchta Azıadadaǵy eń iri esep tirkeldi. Bul kezdesýde Qazaqstan quramasy qytaılyq Taıpeı komandasyn 35:0 esebimen oısyrata utty. Kezdesýde alǵashqy shaıbanyń avtory shabýylshy Maksım Hýdıakov, al matchta qarsylastar qaq­pa­syna eń kóp shaıba soqqan oıyn­shy oń jaq qaptaldaǵy sha­býylshy Va­d­ım Krasnoslabodsev boldy. Ol kezdesýde qaqpany 7 ret dál kóz­dep, úzdik oıynshy atandy. «Ba­rys» komanda­synda oınap, sońǵy kezderi ulttyq qu­ramanyń sapynda kózge túsip júr­gen Talǵat Jaılaýov bolsa, bul joly 3 shaıba soǵyp úlgerdi. Al erteń «Qazaq­stan» sport saraıynda saǵat 14.00-de basta­la­tyn Qazaqstan men Japonııa quramasy­nyń kezdesýinde alań ıeleri taǵy da  jeńiske qınalmaı jetedi dep senemiz. Keshe ulttyq qurama kelesi kez­desýin Ońtústik Koreıa koman­dasymen ótkizdi. Bul matchtaǵy esep 8:1, Taıland pen Mońǵolııa arasyn­daǵy oıyn 7:1  bolyp aıaqtaldy. Araı ÚIRENIShBEKQYZY.