Azamatqa alǵysym sheksiz

Men joǵary bilimdi, jalpy tehnıkalyq pán­der mamanymyn. 16 jyl pedagogıkalyq ótilim bar. Eńbek etken jerlerimnen alǵan maqtaý, alǵys qaǵazdarym da jeterlik. Biraq, soǵan qaramastan, 2005 jyly shtat qysqartý kezinde jumystan bosatyldym. Sodan bergi alty jyl ishinde ba­symnan ótken qıyndyqty dushpanyma da tilemes edim. О́zim jumyssyz, asyraýymda bala bar. Kún­kóris úshin tirliktiń qandaıynan bolsyn qash­qa­nym joq. Saqyldaǵan sary aıazda dalada turyp she­mishke de sattym. Jumys izdep barmaǵan jerim, shyqpaǵan taýym qalmady. Tipti bir balanyń zańdy qam­qorshysy ekenimdi de eshkim elep, eskermedi. Qaladaǵy qazaqsha mektepterdiń keıbirinen oryn tabylǵanymen, baspanaly bolý qııamettiń zory eken. «Endi basymyzdaǵy panadan aırylýǵa bolmas» dep týǵan jerim Tarbaǵataı aýdany, Aqjar aýylynan uzap eshqaıda kete almaı, mektep bas­shylaryn jaǵalap júrgende arada alty jyldyń óte shyqqanyn baıqamappyn. Sodan beri qansha ákimniń, qansha basshynyń aldyna barma­dym deseńizshi, bireýi qaıyrylmady. Sóıtip, men sııaqty jalǵyz-jarymnyń muń-muqtajyn tyńdaıtyn adamdy izdep sharq uryp júrgenimde, Shyǵys Qazaqstan oblysy, Tarba­ǵa­taı aýdanynyń ákimi bolyp Manarbek Sapar­ǵalıev degen azamat keldi. Qaıda barmaǵan basym, ol kisiniń de qabyldaýynda bolyp, jylap-eńirep jaǵdaıymdy aıttym. Ol kisi birden maǵan kómek qolyn sozyp, Tarbaǵataı aýdany, Aqjar aýy­lyndaǵy M.Áýezov atyndaǵy mektepke jumysqa ornalastyrdy. Bárinen kúderimdi úzgen shaqta halyqtyń qamyn oılaıtyn adam kezdeskenine Allaǵa shúkirshilik aıttym. Al Áýezov mektebiniń basshysy Ádil Eginbaev degen kisi oqýshylardyń sapaly bilim alyp, sanaly azamat bolýy jolynda jan aıamaı, ýaqytpen sanaspaı eńbektenetin jan eken. Qaınaǵan eńbektiń ortasyna kelgen men ju­myssyz júrgen jyldarymda talaı jaıdan kenjelep qalǵanymdy sezdim. Qazir «esem ketse de, osyndaı myqty kóshke ileser kúshim ketpesin» dep jumys istep júrgen jaıym bar. Meni os­yn­daı eńbekshil ujymnyń ortasyna qosyp, ju­mys­qa ornalastyrǵan, sónýge aınalǵan úmitim­di qaıta jaǵyp, úlken adamgershilik tanytqan Tarbaǵataı aýdanynyń ákimine aıtar alǵysym sheksiz. Aıgúl MUSAIPOVA. Shyǵys Qazaqstan oblysy, Tarbaǵataı aýdany, Aqjar aýyly.