Talǵardaǵy jańa zaýyt

Tal­ǵar aýdany Kal­hozshy aýy­lynda «Hyundai Mo­tor Kompanı» zaýy­tynyń tu­sa­ýy kesilip, oǵan Premer-Mı­nıs­trdiń birinshi orynbasary О́mir­zaq Shó­keev pen oblys ákimi Serik Úm­betov qatysty. Aýmaǵy 35 myń sharshy metrdi quraıtyn kásiporynda júk kólikteri men «Hyundai» avto­býs­taryn qurastyrý jal­ǵasyn ta­ba­tyn boldy. Qazirdiń ózinde munda elýden astam adam eńbek etse, 2015 jyly olardyń sany 200-den asady dep kú­tilýde. Kásip­oryn qurylysyna 3 mln. AQSh dollary kóleminde ınvestısııa tartylǵan. Kólikti qu­rastyrýǵa qatysty tetikter Koreıadan ákeli­nip, atalǵan za­ýyt­ta jınaqta­la­dy. О́ndiris or­nynyń iske qosy­lýyna Memleket basshysy Nur­sul­tan Na­zarbaevtyń ótken jyl­ǵy sáýir aıyndaǵy Ońtústik Ko­reıa­ǵa res­­mı sapary kezinde júr­gi­zilgen kelissóz nátıjesinde qol jetkizilgenin de atap aıtqan jón. Zaýyttyń ashylý saltana­tyn­­da Vıse-premer atalǵan qundy jobanyń otandyq eko­no­mıkanyń qýatyn arttyrýmen qatar, óndi­risti jetildirýge ar­nal­ǵan memlekettik baǵdarlama­nyń bir bóligi ekendigine toq­taldy. Jáne El­ba­synyń «Qa­zaq­standa jasalǵan» atty pat­rıottyq bastamasyn jú­zege asy­rýdyń negizi ekenin de atap kórsetti. Munda 1,5-ten bastap 15 tonnaǵa deıin júk kóte­re­tin tehnıkalar, júk kótergishter, borttyq fýrgondar, refrıjeratorlar, qoqys, sý tasýshy, manıpýlıator jáne basqa da kom­mý­nal­dyq, aýyl­sharýa­shy­lyq teh­nı­ka­laryn jınastyrý jos­par­lanyp otyr. Bul bas­ta­maǵa elimizdegi «Astana grýpp» kom­pa­nııasynyń iskerlikpen úl­es qo­syp otyr­ǵanyn da aı­ryqsha aıtýǵa bolady. Jalpy, avtomobıl óndi­ri­sin keńeıtýge Úkimet tarapynan naq­ty qoldaý kórsetiletini de sóz boldy. «Hyundai Motor Kompanı» kompanııasynyń vıse-pre­zıdenti Gar­rı Choı Qazaqstanda quras­ty­rylǵan kóliktiń sapasy Ko­reıa­daǵy nusqasynan kem emes­­tigine, kásip­orynda barlyq teh­no­lo­gııalyq talaptar qatań saq­talyp, ónerkásip jáne sapa menedjmenti júıesi iske qo­syl­ǵanyna nazar aýdardy. Son­daı-aq, zaýyttaǵy kóptegen mamandar Koreıada ar­naıy oqý kýrs­ta­rynan ótken. Eki memleket ara­syn­daǵy yntymaq­tas­tyq­ty osy­laısha naq­ty ispen damyta túsýge múm­kindik jasaǵan Qazaqstan Úkime­tine, Indýstrııa jáne jańa tehnologııalar mınıstrligine, Almaty ob­­lysynyń áki­mine alǵys bildirildi. Bıyl zaýytta 500 kólik qu­rastyrylmaqshy. Aldaǵy jyl­da­ry onyń sany 1000-ǵa jetedi dep kútilýde. Avtokólikter eń iri kó­lik satý oryndarynda saý­dala­na­dy. Sonymen qatar, kompanııa elimizdiń iri qala­larynda sapaly da tıimdi baǵamen avtomobıl qyzmetin kórsetpekshi. Osy kúni zaýytta qurasty­rylǵan alǵashqy avtokólik ıesine attandy. Kúmisjan BAIJAN. Almaty oblysy. ––––––––––– Sýrette: zaýyttan shyq­qan alǵashqy kólik.