Keńes jaýapkershiligi joǵary

Keshe Qazaqstan Respýblıkasynyń Memlekettik hatshysy – Syrtqy ister mınıstri Q.Saýdabaev Azııadaǵy ózara is-qımyl jáne senim sharalary jónindegi keńestiń (AО́SShK) Atqarýshy dırektory elshi Chınar Aldemırmen kezdesti, dep habarlady QR SIM-iniń baspasóz qyzmeti. Kezdesý barysynda AО́SShK jaýapkershilik aımaǵynda qaýip­siz­­dik­ti qamtamasyz etý, Azııa el­deriniń yntymaqtastyǵyn úıles­tirý, atap aıtqanda, gýmanıtarlyq jáne eko­nomıkalyq ólshemderdegi másele­ler talqyǵa salyndy. AО́SShK-niń yrǵaqty damýy­na, onyń ınstıtýttyq resimdelýine jáne qatysýshylarynyń kó­beıýi­ne baıla­nysty QR Prezı­dentiniń 1992 jyly BUU qabyr­ǵasynda usynyp, qaty­sý­shy memleketter tarapynan da jáne ál­emdik qaýymdastyq ta­rapynan da qoldaý men túsinistik tapqan bas­ta­­masynyń jemistiligi men ózek­tiligi erekshe ataldy. Bú­gingi tańda AО́SShK 3 mlrd. halqy bar 22 mem­leketti qamtyp otyrǵan úlken kóp­jaqty dıplomatııalyq fo­rým­ǵa aı­naldy. Osyǵan oraı, Qazaq­stan syrtqy saıasat vedom­stvo­sy­nyń bas­shy­sy jańa múshe­lerdiń áleýetin AО́SShK qyz­metin belsendilendirýge, ózara únqa­ty­sýdy ári qaraı nyǵaıtýǵa jáne damy­tý­ǵa paıdalaný qajettigin atap ótti. Áńgime barysynda Qazaqstan men Túrkııanyń AО́SShK aıasyn­daǵy ózara yqpaldastyq máselesi qarastyryldy. Eki eldiń keń aý­qymdy baǵyttardaǵy yntymaq­tas­tyǵyn ataı otyryp, taraptar ekijaqty baılanysty ny­ǵaı­týǵa baǵyttalǵan jumystardy jal­ǵas­tyra berýge nıet bildirdi. Q.Saýdabaev Ankara qoldaýyn jo­ǵary baǵalady jáne ekijaqty qarym-qatynas deńgeıin, túrik ta­rapynyń halyqaralyq jáne aı­maq­tyq birlestikterdegi jumys tájirıbesin eskere otyryp, Túr­kııa tóraǵalyǵy Azııa Keńesi qyz­metin jańa deńgeıge shy­ǵa­ra­tynyna senim artty. Kezdesýde Aýǵanstan máselesi de qozǵaldy.