Egıpettegi eki aptaǵa sozylǵan prezıdent Hosnı Múbáraktiń ketýin talap etken qarsylyq sherýiniń qyzýy osy aptada basylatyn sııaqty. О́ıtkeni, jeksenbi kúni el úkimeti alǵash ret oppozısııa ókilderin kezdesýge shaqyryp, kelissóz júrgizdi.
Kelissózde úkimet tarabyna vıse-prezıdent Omar Súleımen basshylyq etti. Ol ókimet pen oppozısııa arasynda kelisim komıssııasyn quryp, zańdylyqtarǵa engiziletin ózgeristerdi ázirleý týraly kelisimge qol jetkizdi. Kelisim komıssııasy óz jumysyn naýryz aıynda bastamaq. Sóıtip, otqa maı quıýshy jaqtar qansha úrlep baqsa da «Egıpet revolıýsııasy» óz sheshimin tabýǵa bet alǵan syńaıly. Kúrdeli kezde eldi ıesiz tastamaǵan H.Múbáraktiń áreketin qazir birjaqty baǵalaý da qıyn.
Katyn oqıǵasy umytylmaıdy
Polshanyń qazirgi Prezıdenti Bronıslav Komorovskı sáýir aıynda NKVD qanisherleri jazyqsyz atyp óltirgen polıak ofıserleriniń rýhyna bas ııý úshin Smolensk oblysyndaǵy Katynǵa baramyn dep sheship otyr.
Byltyr osy oqıǵanyń 70 jyldyǵyn atap ótýge barǵan Polsha prezıdenti Leh Kachınskıdiń qaıǵyly apatqa ushyraǵany belgili. «Ofıserlerdiń rýhyna bas ııý sharasy osy apattyń tasasynda qalyp qoıdy, endi 71 jyldyǵynda sol olqylyqty túzetýimiz kerek», deıdi qazirgi prezıdent.
Ne derin bilmeı qalǵan syńaıly
Jýyrda Ońtústik Koreıanyń Sary teńizdegi Enphondo aralyna jeńil kememen aýyp barǵan soltústikkoreıalyq balyqshylardy BAQ saıası baspana suraý úshin qashyp kelgender dep jarııalap úlgergen-tin.
Biraq 31 balyqshynyń birde-biri saıası baspana suramaq túgil, ózderin elderine tezirek qaıtarýdy ótinip otyr eken. KHDR-di orynsyz qaralaýǵa syltaý taba almaı júrgender bul ótinishten keıin ne derin bilmeı otyrǵan syńaıly.
Ushaq urlyǵynyń jańa túri
Venesýelada kólik aıdap ketýdiń jańa túri shyǵypty. Osyndaǵy Sıýdaý-Bolıvar qalasyndaǵy áýejaıdyń aýmaǵyna kirgen qarýly adamdar onyń angarynan eki birdeı jeńil motorly ushaqty qýyp ketken.
Betterine betperde jamylǵan olar aldymen kúzetshini soqqyǵa jyqqan. Sosyn angarda turǵan Sessna-U206 markaly eki jeńil ushaqty dalaǵa ıterip shyǵaryp, ekeýine de ot aldyryp, belgisiz jaqqa ushyp ketken. Biletin adamdardyń aıtýyna qaraǵanda, bul iske osynda qyzmet etetinderdiń qatysy bar sııaqty. О́ıtkeni, urlanǵan bir ushaqtyń aqaýy bolǵan eken, urylar soǵan qaramaı oǵan ot aldyrǵan.
Qysqa qaıyryp aıtqanda:
*Meksıkada sońǵy 50 jylda bolmaǵan aıaz tur. Aýanyń temperatýrasy mınýs 18-21 gradýsqa jetken, sonyń saldarynan elektrstansalary isten shyqqan. Ázirge 6 adamnyń úsip ólgeni belgili bolyp otyr.
*Qyrǵyzstanda bıyl tumaýdyń qarqyny qatty. Sońǵy aptada oǵan alty myńnan artyq adam ushyrap otyr. Eldiń medısına oryndary qoldarynan kelgenshe jantalasyp áreket etýde.
*Máskeý túbindegi temir jol stansalarynda keshqurym áıelderge shabýyl jasap, tonaýmen aınalysqandar ustalǵan. Olar О́zbekstannyń eki azamaty bolyp shyqqan.
*Ataqty «Sýdzýkı» avtozaýytynyń 2010 jyldyń aıaǵyndaǵy taza tabysy 31 paıyzǵa ósipti. Bul jetistikke ol Azııaǵa avtomobıl satýdyń artýy arqasynda jetip otyr eken.
Internet materıaldary negizinde ázirlendi.
