Jańa «Jibek joly»

boıymen saparǵa shyqqan álemdik avtorallı shabandozdary Qazaqstannyń Qostanaı oblysyna kelip jetti «Jibek joly» rallı avtokólik jarysyna 42 elden qatysqan 60-tan astam komanda Qostanaı kútip aldy. Olardy oblys ákiminiń oryn­basary Marat Júndibaev pen Qostanaı qalasynyń ákimi Ba­zyl Jaqypov quttyqtady. Qonaq­tardyń tynyǵyp alýyna barlyq jaǵdaı jasaldy. Jarysqa jol tańdamaıtyn 23 júk mashınasy, 118 djıp mashınalary qatysyp keledi eken. – «Jibek joly» rallıiniń bul jolǵy sapary óte uzaq, 10800 shaqyrymdy quraıdy. Oǵan bar­lyq qurlyqtan sportshylar qaty­sýda. Álemdi tańǵaldyrǵan ataq­tylardyń barlyǵy osynda. Ejelgi «Jibek joly» men búgin­gi biz júrip ótetin jańa «Jibek joly­nyń» arasynda ýaqyttyń úzil­meıtin tini jatyr. Ol jańa­ryp, el men el, memleketter men memleketter arasyndaǵy eko­no­mıkalyq, mádenı baılanystar­dy nyǵaıta beredi, – dedi «Jibek joly» rallıi jobasynyń dırek­tory Vladımır Chagın. Aty ańyz­ǵa aınalǵan avtoshabandoz Vla­dımır Gennadevıch qazaqstan­dyq­tar týraly da jyly pikirin bildirdi. – Sizderdiń elderińizde rallı reıdi joǵary qarqynmen damyp keledi. Olar qańtarda ótken jarysta jeńimpaz atanǵan bolatyn. Qazaqstandyq avtoshabandozdar sheberlikterin jyldam jetildirip keledi, bul joly da olardyń qarqyny erekshe, – dedi joba je­- tekshisi Vla­dı­mır Chagın. Avtoshabandozdar Qazaqstan jeriniń 3 myń shaqyrymyn basyp ótedi. Jarystyń 15 kezeńiniń 4-ýinde eń kúshti degen kólikter men sportshylardyń kúshi Uly Dalada synalmaq. Qatysýshylar Qazaq eli aımaqtarynyń sulýlyǵy men keńdigine de kýá bolady. Sherý Qostanaıdan Astanaǵa qaraı bet aldy. Názıra JÁRIMBETOVA, «Egemen Qazaqstan» QOSTANAI