Salyq tóleý tártibi jeńildedi

Qarjy mınıstrligi Memlekettik kirister komıteti kórsetiletin qyzmet túrleriniń tutynýshylar úshin jeńildetilgenin jáne aldaǵy ýaqytta bul jumys odan ári jetildire túsetinin habarlady. Atalǵan komıtettiń Memlekettik qyzmet kórsetý basqarmasynyń basshysy Nurlan Rahymǵalıev brıfıngte atap ótkendeı, ásirese, salyq tóleý tártibi burynǵymen salystyrǵanda aıtarlyqtaı ońaılaǵan.   Qazirgi tańda qosymsha qun salyǵyn tóleýshiniń kýáligin alý rásimi elektrondy júıe arqyly júrgiziledi. Sonymen qatar, salyq tóleýshilerdiń túrli mekemelerge qaryzy joq ekendigi týraly anyqtama berý týraly mindetin zańdy túrde alyp tastaǵan. Qajet bolǵan jaǵdaıda salyq tóleýshi emes, memlekettik organnyń ózi elektrondy saýal joldaý arqyly komıtettiń saıtynan bereshek týraly tıisti málimetti alady. «Biz úshin salyq tóleýshilermen arada keri baılanys ornatý óte mańyzdy. Biz olardyń talap-tilekterin árdaıym nazarda us­taımyz. Sol úshin arnaıy dóń­gelek ústelder, semınarlar ótki­zemiz. Salyq tóleýshilerdiń usy­nystaryn qabyldap, taldaý ja­saımyz», dedi N.Rahymǵalıev. Taǵy bir aıta keterligi, Mem­lekettik kiris komıteti salyq tóleýshilerdiń usynystaryn, talap-tilekteri men shaǵymdaryn Komıtettiń web saıty men Whatsapp mobıldi qosymshasy arqyly da qabyldaıdy. Sondaı-aq, tıisti saýaldaryn komıtettiń áleýmettik jelidegi arnaıy paraq­sha­­syna nemese komıtet tóraǵasy­nyń jeke blogyna da joldaı alady. Komıtettiń salyq tóleý tártibin odan ári ońtaılandyrýǵa baǵyttalǵan jańashyl qadamy – shaǵyn bızneske shuǵyl kómek. Bul qanatqaqty joba dál qazir tek komıtettiń resmı portalynda ǵana iske asyrylǵan. Shaǵyn bıznes ókilderi portalda onlaın testileýge qatysyp, tıisti salyq eseptiligi syndy aqparattardy ala alady. Arnur ASQAROV, «Egemen Qazaqstan»