Bul balabaqsha burynǵydan ózgerek...

Jeke kásipker Gúldara Nurymova búldirshinder men ata-analardy qýanyshqa bóledi. Ol Jambyl aýdanynyń Qaraoı aýylynan óz qarjysyna «Nurálim» saýyqtyrý balabaqshasyn salyp berdi. Jańa ǵımarat 280 búldirshinge arnalǵan.   – El Táýelsizdiginiń 25 jyl­­­dy­ǵyna oraı óńirimizde 71 mektep, 21 balabaqsha jáne 600 oryn­­dyq kolledj salynypty. Jambyl aý­danynda 18 balabaqsha jáne 17 sha­ǵyn ortalyq bar eken. Qaraoı aýylynda 5700 ha­lyq tu­rady. Mine, kásipker za­manǵa saı balabaqsha syılap otyr. Osy búldirshinder ósip-ón­ip úl­ken dárejege jetsin. Osy shańyraq balalardyń shat­­tyǵyna tola ber­sin, – deıdi Jam­byl oblysy­nyń ákimi Kárim Kó­ki­rek­baev. Ǵımarattyń jalpy kólemi 3 280,0 sharshy metrdi quraıdy. Al, jo­banyń jalpy quny – 437 mln. teńge. Jańa balabaqsha barlyq za­­­manaýı talapqa saı qural-jabdyqtarmen jabdyqtal­ǵan. Mektepke deıingi bilim be­rý me­­kemesinde mýzyka zaly, sport zaly, oıyn ból­meleri bar. Bala­­­baqshanyń aýmaǵy to­lyǵymen abattandyrylǵan, bó­bek­terdiń densaýlyǵyna paıdaly saıabaq, sport jáne oıyn alańdary bar. Mektepke deıingi bilim berý nysanynda 40-tan asa jańa jumys orny ashylǵan. – Balabaqsha salý týraly uzaq oılanyp júrdim, – deıdi bul jóninde kásipker Gúldara Nu­rymova. – Osynda kelgen, saıyn ata-analardyń óz balalaryn qalaǵa balabaqshaǵa tasyp júrgenin kóretinmin. Oılana kele bóbekjaı salýdy jón kór­dim. Birinshiden, okrýgtegi balalar kóppen birge jaqsy tárbıe alady, ekinshiden, turǵyndar ju­myspen qamtylady. Bilim mekemesi balalar­ǵa mektepke deıingi bilim berý jáne daıyndaýǵa arnalǵan. Sa­ýyqtyrý sharalary da júr­giziledi. Bir aıta keterligi, kúndiz-túni jumys is­teıdi. Ata-analar balalaryn on­laın rejiminde baqylaı alady. Oralhan DÁÝIT, «Egemen Qazaqstan» Jambyl oblysy