Qazaqstan tarıhynyń jarqyn beti

Jeksenbi kúni Almatydaǵy Balýan Sholaq atyndaǵy sport saraıynda 7-shi Qysqy Azııa oı­yn­dary saltanatty túrde jabyldy. Onda Elbasy Nursultan Ábishuly Nazarbaev sóz sóıledi. Qurmetti meımandar! Qymbatty sportshylar! Qadirli otandastar! Búgin Astana men Almatynyń arasyn sporttyq dýmanǵa bóle­gen 7-shi Qysqy Azııa oıyndary óz máresine jetti. Jarys jeńimpazdary men júl­degerlerdi osy mereıli sátpen quttyqtaımyn! Ádildik pen sheberlik astas­qan dúbirli doda naǵyz myqty­lardy anyqtap berdi. Azıada barysynda dostyqtyń izgi jalaýy jelbirep, qurlyq el­deriniń ánurandary shyrqaldy. Bul sport merekesi táýelsiz Qazaqstan tarı­hynyń jarqyn betterine aınalady dep senemin. Azıadany joǵary deńgeıde ót­kizýge úles qosqan barsha ma­man­darǵa, sportshylarǵa rızashy­lyǵymdy bildiremin. Baıraqty básekede Qazaqstan namysyn qorǵaǵan sportshylarǵa da aıryqsha alǵys aıtamyn. Bizdiń atletterimiz joǵary je­tistikterine qol jetkizip, el táýelsizdiginiń 20 jyldyǵyna tamasha tartý jasady. Astanada jaǵylǵan Azıada alaý­ynyń jylýy ár júrekte uzaq saqtalady dep senemin. Barshańyzǵa Qazaqstanǵa degen ystyq yqylas­taryńyz úshin shynaıy alǵysymdy bildiremin. Kelesi qysqy Azıadany ót­ki­zý mártebesi Ja­ponııaǵa berilip otyr. Azııa sportynyń juldyzy jarqyraı bersin! Qymbatty oıynǵa qatysý­shy­lar! Qymbatty qazaqstandyqtar, sheteldik qonaqtar! 7-shi Qysqy Azııa oıynda­ry­nyń sońǵy kúni tarıhqa enip bara jatyr! Olar halyqaralyq ómirdiń aý­qymdy oqıǵala­ryna aınaldy. Astana men Almatynyń sport alańdarynda jıyrma jeti memleketten kelgen úzdik atletter ádil kúreste bas qosty. Alǵash ret 69 medaldar jı­yn­tyǵy sarapqa sa­lyndy. Bul – qysqy Azıada úshin rekord. Komandalyq esepte bizdiń sportshylar tamasha nátıjelerge jetkenine men qýanyshtymyn. Qazaqstan osyndaı joǵary deńgeıdegi jarys­tardy ótkizýge qabiletti qurlyqtyq derjavalar qataryna qosyldy. Azııada kúshtiń, ádemiliktiń jáne qaıyrym­dy­lyqtyń naǵyz saltanatyna aınaldy. Biz sport merekesin beıbitshilik pen dos­tyqtyń da merekesine aınaldyra aldyq. Osynaý kúnderde ár elden kel­gen myńdaǵan adam bir-biri­men kezdesip, áńgimelesti, ózara bilisti. Kóptegen adamdar Qazaq­stan­da jańa dostar tapty. Bizdiń barlyǵymyz da, ár túrli halyqtardyń ókilderi rýhanı turǵyda baıı tústik, janymyz jomarttana tústi. Biz bir-birimizdi jaqsyraq tanı tústik. Azıadanyń eń basty jetistigi dep shyn máninde osyny aıtý kerektigine senimdimin. Qymbatty dostar! Qazir biz 7-shi Qysqy Azııa oı­yndarymen rıza­shylyqpen qosh­tasyp otyrmyz. Olar bizge keremet te umy­tylmas sátter syılady. Bul erekshe oıyndar boldy. Ashylýy Astanada, Azıada­nyń eń soltús­tiktegi elorda­syn­da ótti. Bizdiń qonaqtarymyz álemdegi eń bıik taýdaǵy muz aıdyny – «Medeýdi» kórdi. Bizdiń oıyndarymyzda alǵash ret Qazaq­stannyń 20 qalasyn aınalyp ótken Olımpııa­lyq alaý estafetasy boldy. Azııanyń Olımpııalyq keńesi estafetany júıeli etýge sheshim qabyldady. Azıadanyń qaıyrymdy sım­vo­ly – bizdiń qazaqstandyq ba­rys – jurttyń bárine jaqyn ári birge týǵandaı boldy. Barlyqtaryńyzdy 7-shi Qys­qy Azııa oıynda­rynyń aıaq­ta­lýy­men quttyqtaımyn, men sizderge: «Jańa kezdesýlerge deıin!» deımin. Qadirli meımandar! Qymbatty otandastar! Osymen 7-shi Qysqy Azııa oı­yndaryn saltanat­ty túrde ja­byq dep jarııalaımyn!