101 jastaǵy aqsaqal

ota jasaǵannan keıin óz aıaǵymen júretin dárejege jetti Qaraǵandydaǵy Maqajanov atyndaǵy oblystyq travmatologııa jáne ortopedııa ortalyǵynda jasy 101-den asqan Sháýkeı Juqanuly degen aqsaqalǵa ota jasaldy. Kári kisi úıinde jazataıym qulap, jambasynyń basyn syndyryp alǵan eken. «Buryn jambasynyń basy synǵan kári adamdar jarty jyldan keıin jaraqaty asqynyp, o dúnıege attanyp ketetin. Qazir memlekettiń kómeginiń arqasynda biz sheteldiń tehnologııasyn paıdalana otyryp, naýqastarǵa sátti ota jasap júrmiz», – deıdi ortalyq dırektorynyń emdeý isi jónindegi orynbasary Berik Tóleýbaev. Aıtsa aıtqandaı, Aqsý-Aıýly eldi mekeninen kelgen aqsaqalǵa endoprotez tásili qoldanylypty. Naýqas ota jasalǵannan keıin eki kún ótkende qolarbaǵa súıenip, óz aıaǵymen júretin halge jetken. Sháýkeı aqsaqaldyń 70-tegi uly Janat Juqanov ákesi týraly bylaı deıdi: – Qarııa búgingi kúnde 101 jastan asty. Ol kisi ómiri shylym shegip, «ashy sýdan» tatyp kórgen adam emes. Kóp qımyldaıdy. Eń bastysy, áke­mizdiń adam balasymen sózge kelgenin kórgen emespiz. Sabyrly qal­py­nan aınyǵan emes. Múmkin, uzaq jasaýy­nyń bir syry osynda jatqan shyǵar... Juqanovtar otbasy aqarly-sha­qarly eken. Sháýkeı aqsaqaldyń baýyrynan 8 bala órbigen. Búgingi kúnde áýlette 23 nemere, 27 shóbere jáne 1 shópshek bar. Aqsaqal balalarynyń bárin el qatarly oqytyp, jaqsy azamat etip tárbıelep ósirgen. Qaırat ÁBILDINOV, «Egemen Qazaqstan» QARAǴANDY