25-shi kater

El Táýelsizdiginiń 25 jyl­dyǵy qarsańynda Oral qalasyndaǵy «Zenıt» zaýytynda jasalǵan jańa kater sýǵa túsirildi. Atalǵan rásimge Qorǵanys mınıstrligi Áskerı-teńiz kúsh­teri bas qolbasshysynyń orynbasary, birinshi rangaly kapıtan Serik Borambaev, Qarýly kúshter ardagerleri, jergilikti sala basshylary jáne zaýyttyń jumysshy-qyzmetkerleri qatysty. Jańa katerdiń uzyndyǵy – 13 metr, eni – 3,5 metr, sý yǵystyrǵyshtyǵy – 12 tonna. Bul keme Jaıyq ózeni arqyly Kaspıı teńizine qaraı baǵyt alyp otyr. «Zenıttiń» jańa ónimi teńiz­degi ekonomıkalyq qyz­met nysandary úshin óte tıim­di bolmaq. Bul port aımaǵyndaǵy nysandardy baqylaý men qadaǵalaý úshin de óte yńǵaıly. Sý asty dı­­versııalyq qaýipterden qor­ǵaýdy qamtamasyz ete ala­tyn quraldarmen jab­dyqtalǵan. Ol óziniń serııasyndaǵy al­ǵashqy model. Buǵan deıin zaýytta qurastyrylǵan óz­ge kemelermen salystyra qaraǵanda, taıyz jerlermen júzý múmkindigi joǵary. Sý astyn zertteý quraldary qazirgi talaptarǵa tolyq sáı­kes keledi. Sonymen qatar, jańa keme lańkestikke qarsy barlaý jumystaryn júrgize alady. Ekıpajy tórt adamnan turady. Keme zamanaýı baılanys jáne navıgasııa qural­darymen jabdyqtalǵan. Kaspııge jetkizilgennen keıin kater qajetti qabyldaý synaqtarynan ótpek. Aıymgúl TО́LEÝǴALI, jýrnalıst ORAL