Aýdan ákimi Jangeldi Rahmetqalıevtiń aıtýynsha, ótken jyly Inderde 1 mıllıard 326 mıllıon teńgeniń ónerkásiptik ónimi óndirilipti. Bul aldyńǵy jylmen salystyrǵanda, 217 mıllıon teńgege artyq. «BIAS TECH» JShS kásipornynda 500 tonna gıps, 2192 tonna gıps sylaǵy, 517 tonna gıps negizinde jikke arnalǵan quram jáne 97 tonna gıpsten alynǵan jeli ónimderi óndirilgen. Qazir zaýytta 78 adam turaqty jumyspen qamtylyp otyr eken.
Joldasbek ShО́PEǴUL, Atyraý oblysy.
2718 О́ńirde bir dáriger osynshama balanyń densaýlyǵyna jaýapty. Sońǵy 10 jylda Qyzylorda oblysynda demografııalyq ósim joǵarylaǵan. Máselen, 2000 jyly týý kórsetkishi 20,1 paıyz bolsa, 2010 jyly 28,9 paıyzdy quraǵan. Oblysta demografııalyq kórsetkish joǵary bolǵanymen, medısına mamandarynyń jetispeýshiligi baıqalady. Búginde aımaqta 129 akýsher-gınekolog jumys isteıdi. Bul – bir bala dárigeri 2718 náresteniń densaýlyǵyna jaýapty degen sóz. Al zań boıynsha bir dáriger tek 800 balany ǵana emdeýi kerek. Desek te, ana men bala ólimin boldyrmaý maqsatynda kóptegen ister qolǵa alyndy. 2009 jyly aýrýhanalarǵa 163,0 mln. teńgege medısınalyq jabdyqtar jetkizilse, 2010 jyly tórt ólshemdi ÝZI apparattary, taǵy da basqa qural-jabdyqtarmen tolyqqan.
Erjan BAITILES, Qyzylorda oblysy.
350 Bul – Batys Qazaqstan oblysynda tirkelgen úkimettik emes uıymdar sany. Onyń júzden astamy 13 áleýmettik baǵyt boıynsha belsendi qyzmet atqaryp keledi. Oblystaǵy úkimettik emes sektor bılik pen halyq arasyndaǵy baılanys qyzmetin atqaratyn, ári kópshiliktiń talap-tilekterin joǵaryǵa jetkize alatyn irgeli uıymǵa aınalyp otyr. Aqjaıyq aýmaǵynda júrgizilgen saýaldama qorytyndysyna súıener bolsaq, respondentterdiń 63,6 paıyzy men turǵyndardyń 48,2 paıyzy ÚEU qyzmeti qajet dep sanaıdy. Muny bılik te anyq sezinedi. Aıtalyq, osydan tórt jyl buryn oblysta ÚEU-ny damytýǵa bólingen qarjy tek 4 mıllıon teńgeni ǵana qurasa, bıyl 22 mıllıon 500 myń teńgege jetip otyr.
Temir QUSAIYN, Oral.
