Hram tóńiregindegi janjal

Taıland pen Kambodja arasynda birneshe kúnnen beri júrip jatqan atys saldarynan kem degende bes adam qaza tapty, dep habarlaıdy Iаkýtııa aqparat agenttigi. Myltyq pen artıllerııalyq qarýlardy paıdalana otyryp bolyp jatqan atys IýNESKO-nyń álemdik mádenı muralar tizimine engen HI ǵasyrdaǵy Prea Vıhear hramy aýdanynda oryn alýda. Qaqtyǵys hram tóńireginde týyndaǵan jarty ǵasyr boıǵy daý-janjaldar saldarynan oryn alyp otyr. 1962 jyly halyq­aralyq sot aýmaqtyq talas-tartysty Kambodjanyń paıdasyna sheshken bolatyn. Hramnyń Kambodja jerinde ornalasyp, oǵan kiretin esiktiń Taıland aýmaǵynda qalýy da daý-janjaldarǵa túrtki bolýda. Avstralııada órt órship tur Elge zor apattar ákelgen sý tasqyny men sıklondardan keıin Avstralııanyń ba­tys betkeıinde tutanǵan órt órshı túsý­de, dep habarlaıdy VVS agenttigi. О́rt són­dirýshiler ottyń taralyp ketpeýi úshin kúresýde. Qazirgi málimetterge qaraǵanda adam shyǵyndary joq, biraq qaýlaǵan ot 20 turǵyn úıdi jalmap ketken kórinedi. Júz qaraly adam qaýipsiz jerlerge kóshirilgen. О́rtke qarsy tikushaqtar qoldaýymen 150 órt sóndirýshi tynymsyz kúres júrgizýde. Sońǵy málimetter boıynsha órt 800 gektar alqapty qamtyǵan. Ýkraınany tóraǵalyqqa daıyndamaq Eýropadaǵy qaýipsizdik jáne yntymaqtastyq uıymynyń tóraǵasy—Lıtvanyń syrtqy ister mınıstri Aýdronıýs Ajýbalıs resmı saparmen Ýkraınaǵa keldi, dep habarlaıdy proUA agenttigi. Sapar barysynda Ajýbalıs Ýkraına prezıdenti Vıktor Iаnýkovıchpen, el premer-mınıstri Nıkolaı Azarovpen, syrtqy ister mınıstri Konstantın Grıshenkomen, Joǵarǵy Rada tóraǵasy Vladımır Lıtvınmen, sol sııaqty saıası partııalar men azamattyq qoǵam ókilderimen kezdespek. Talqylanatyn máseleler qataryn­da Ýkraınany  2013 jylǵy  EQYU tóraǵalyǵyna daıyndaý máselesi de bar.