Qumarpaz qyz

3 600 000 teńgege utyldy Aqmola oblysynyń polı­seıleri Kókshetaý qalasyndaǵy býkmerlik keńselerdiń biriniń kassır-operatorynyń ústinen qylmystyq is qozǵady. Ol qumar­pazdyq sheńgelinen shyǵa almaı, kompanııaǵa tıesili 3 600 000 teńgege jýyq qarjyny uttyryp qoıypty. Býkmerlik keńse dırek­torynyń shaǵymy boıynsha polısııa qyzmetkerleri tekserý jumystaryn uıymdastyryp, 30 jastaǵy jergilikti turǵyndy ustaǵan. Ol osynda úsh jyl boıy jumys isteıdi eken. Kassırdiń qyzmettik mindetine klıentterdiń aqshasyna ártúrli oıyndarǵa stavka qoıyp, jeńgen jaǵdaıda utystaryn berip otyrý kiredi. 16 shilde kúni saǵat 20.00-de jumysqa kelgen ol áriptesinen kassany qabyldap alǵan. Al, saǵat 21.00-de sport oıynyna 100 000 teńge aqsha tigipti. Biraq utylyp qalady. Qarjyny qaıtarý maqsatymen taǵy da 100 000 teńgeni tigedi. Bul joly da joly bolmaıdy. Qumarpazdyq pen yzanyń jetegindegi qyz ózin-ózi baqylaýdy qoıyp, ústin-ústin 15 (!) stavka jasapty. О́kinishtisi, ol osynyń bárinde utylǵan. Atalǵan derek boıynsha QR QK 195-babynyń 4-bólimimen qylmystyq is qozǵalyp, tergeý amaldary júrgizilýde. Baqbergen AMALBEK, «Egemen Qazaqstan» Aqmola oblysy