«Mıkrobıznes Qyzylorda» jobasy 273 jumys ornyn ashty

«Mıkrobıznes Qyzylorda» jobasy aıasynda búgingi kúnge deıin aýyl turǵyndarynyń jalpy quny 357,5 mln. teńgeni quraıtyn 56 jobasy qarjylandyryldy. Nátıjesinde 273 adam jumyspen qamtylyp otyr. Bul týraly Qyzylorda oblysy kásipkerler palatasy dırektorynyń ekonomıkalyq máseleler jónindegi orynbasarynyń mindetin atqarýshy Baqytjan Ábıev habarlady. Onyń aıtýynsha, búginde qyzylordalyqtar arasynda joǵary suranysqa ıe joba qarjysynyń qaıtarylymy da kóńil qýantady. Máselen, ótken jyly oblys ákimdiginen bólingen qarjynyń búgingi kúnge deıin 71,5 mln. teńgesin nesıe alǵan kásipkerler merziminde qaıtarǵan. Atalmysh soma bıyl jańadan 8 jobany qarjylandyrýǵa múmkindik berip otyr. «Qazirgi tańda Aral aýdanynda 20,3 mln. teńgege – 4 joba, Qazaly aýdanynda 74,3 mln. teńgege – 11 joba, Qarmaqshy aýdanynda 97,7 mln. teńgege – 13 joba, Jalaǵash aýdanynda 27,6 mln. teńgege – 4 joba, Syrdarııa aýdanynda 32,9 mln. teńgege – 5 joba, Shıeli aýdanynda 57 mln. teńgege – 9 joba jáne Jańaqorǵan aýdanynda jalpy quny 11,1 mln. teńgeni quraıtyn 5 joba qarjylandyrylyp, júzege asyrylyp jatyr», – dedi B. Ábıev. Budan bólek, nesıe komıteti 5 jobany qarjylandyrýǵa kelisim berdi. Endi tıisti qujattardy tirkeý jumystary júrgizilýde. Sondaı-aq baqylaýshy keńestiń sońǵy otyrysynda kelisim alǵan ózge jobalar boıynsha qujattar jınaqtalyp jatyr. Taǵy bir aıta ketetin jaıt, bıylǵy jyly «Atameken» UKP men oblys ákimdigi birlese otyryp, «Qyzylorda shaǵyn bıznesi» jobasy sheńberinde aýyldy jerlerdegi kásipkerlikti damytýǵa 660 mln. teńge qarjy bóldi. Aıdar О́RISBAEV