Táýelsiz eliń bar, el bastar eriń bar!

Keshe Táýelsizdik saraıynda «Nur Otan» halyqtyq-de­mo­­kra­tııalyq partııasynyń HIII sezi bolyp, onda elimizdiń bar­lyq aýmaqtarynan kelgen 600-den astam delegat Qa­zaq­stan Prezıdenti, partııa Tór­aǵa­sy Nursultan Nazar­baev­ty aldaǵy bolatyn saılaýǵa prezıdenttikke kandıdat etip usyn­dy. Sezge delegattardan basqa eki myńnan astam sha­qy­ryl­ǵan qonaqtar kelgen eken. Olardyń ishinde elimizge baryn­sha tany­mal saıasat, qoǵam jáne mádenıet qaırat­ker­leri, sheteldik dıplomatııalyq mıssııalar men partııalar, halyqara­lyq, jas­tar, úkimettik emes uıymdar ókilderi bar. Búgingi kúni «Nur Otan» HDP-ǵa 800 myńnan astam adam múshe. Olar 6 myńnan astam bastaýysh partııa uıym­dary­na biriktirilgen. Bastaýysh uıymdar partııa sheshim­deri­niń jergi­likti jerlerde oryndalýyna kúsh salýda. «Nur Otan» HDP qazir eldegi eń yqpaldy, eń belsendi jáne senimdi saıası kúshke aına­lyp otyr. Saǵat týra 10.00 bolǵanda sezd delegattary men shaqy­ryl­­ǵan qonaqtar Elbasy, partııa Tór­aǵasy Nursultan Nazar­baev­­ty oryndarynan turyp qarsy aldy. Sezd jumy­syn par­tııa Tór­aǵasynyń birinshi orynba­sa­ry Nurlan Nyǵ­ma­tý­lın ashyp, júrgizip otyrdy. Sezdiń jumys organdary, júr­gizilýi men kún tártibi, reglamenti bekitilgennen keıin sheshenderge sóz berile bastady. Sózdi alǵashqy bolyp Shákárim atyndaǵy Semeı memlekettik ýnıversıtetiniń rektory Erlan Sydyqov aldy. Aldymen ol ótken jyldyń sońynda Pre­zıdenttiń ókilettik merzimin 2020 jylǵa deıin uzartý týraly referendým ótkizýge bastama kóte­ril­genine toqtaldy. Onyń atap ótýin­she, elimizdiń kúnshyǵy­sy­nan bastaý alyp, qysqa merzimde búkilhalyqtyq sıpatqa ıe bolǵan bul bastamaǵa saılaýshylardyń teń jartysynan astamy qoldaý kórsetken. Shyn máninde, munyń ózi el men Elbasy enshiles uǵym­dar ekenin dáleldeıdi. Alaıda, Siz Ata Zańǵa adal­dyq pen halyqtyń qalaýy tarazy basyna túskende naǵyz dana bas­shyǵa tán asa parasatty sheshim qabyldadyńyz, dedi osy jaı­yn­da sheshen. Halyqtyń shy­naıy tilegin de eskerip, Kons­tı­tý­sııany da kózdiń qarashy­ǵyn­daı qorǵaı otyryp, ókilet­ti­gi­ńiz­diń eki jyl­ǵa qysqaratynyna qa­ramastan, kezekten tys saılaý ót­kizýge sheshim qabyldadyńyz. Bul tarıhı sheshimińizben bizge de, bolashaq ur­paq­qa da taǵylymdy ónege kórset­ti­ńiz. Osy arqyly biz Sizdiń ke­meń­gerligińizge taǵy bir kýá bolyp otyrmyz. Túptep kel­gende, saılaý men referen­dým­nyń ekeýi de ha­lyq bıligin júzege asyrýdyń zań­dy joly ekeni belgili. Ekeýi de halyqtyń erkin tańdaý jasaýyna múmkindik beredi. Sondyqtan qan­daı jol bolsyn, tańdaý – jalǵyz. Aqıqat – bireý. Qazaqstan halqy óz bolashaǵyn tek Sizben ǵana baı­lanystyrady. Budan keıin delegat eldi jar­qyn bolashaqqa bastaıtyn dań­ǵyl joldy Elbasy kórsetkenin, halyq sol bolashaqtyń irgesin birge qa­la­ǵysy keletinin atady. Nur­sul­tan Ábishulymen birge bolý alda­ǵy kúnge degen úmitimizdi ornyq­tyryp, senimimizdi bekite túspek, – dedi Erlan Sydyqov. Son­dyqtan búgingi sezde dana da dara basshymyz Qazaqstannyń Tuń­ǵysh Prezıdenti Nursultan Na­zar­baevty «Nur Otan» HDP atynan prezıdenttikke kandıdat retinde usynamyz. Taǵ­dyrly sátte tańdaý tarazysynda qatelespeý – bizge sert. Osy usy­nys zalda otyrǵandardyń da, barsha qazaq­standyqtardyń da qyzý qoldaýyna ıe bolatynyna senimdimin. Astana qalasynyń ákimi, «Nur Otan» partııasy qalalyq fılı­aly­nyń tóraǵasy Iman­ǵa­lı Tas­maǵambetov sózin Musta­fa Kemal Atatúriktiń: «Jerim bútin dep halqyn kóbeıtip, memleketin kór­keıt­ken – mine, naǵyz jeńimpaz sol. Al halyq qashanda jeńim­pa­z­dy tańdaıdy», degen ósıetinen bastady. Rasynda, ar­ǵy-bergi zamanda el bılep, halyq esinde qal­ǵan qaı bıleýshiniń de tarıhtaǵy izi osyndaı qyraǵy qaǵıdamen ba­ǵalanady, – dedi qala ákimi. – Ke­zinde qazaqtyń sanyn mıllıonǵa jetkizip, qoı ústine boztorǵaı ju­myrtqalat­qan Qasymnyń handy­ǵy – bú­ginde ańyz. О́z kezeginde, babanyń baı­taq jerin bútindep, shekara­syn bekitken, adamyn 1,5 mıl­lıonǵa arttyryp, alys-jaqyn jaqtaǵan, bereke-birligin saqta­ǵan, salamatty memleket qurǵan Na­zarbaev zamany arman da, ańyz da emes – aıshyqty aqıqat. Osy­naý kemel kezeńniń zańdy da zań­ǵar uranyna, táýelsizdiktiń tuma­ryna aınalǵan Astana da álem aldynda qýatty eldiń juldyzyn jarqyratyp turǵandaı. «Júrek­siz er, julynsyz bel, astanasyz el bolmas». Júrek tánge qan berse, astana elge jan beredi. Endeshe, azat eliniń astanasymen maq­tan­baıtyn qazaq bar ma?! Mun­daı júregim, juldyzym dep eljireıtin astana qashan bolyp edi? Iá, bas qala bolǵanymen, shy­naıy astana bolmady. Tigilgen úı bol­ǵan­men, ol úıde shal­qaıyp qonaq kú­te­tin kúı bol­mady. Al búgin she? Qala basshysynyń toqtalyp ótkenindeı, búginde Astana nebir alpaýyt memleketterdiń basshy­lary aq bosaǵasynan eńkeıip kirip, marqaıyp shyǵyp júr. Ol da bolsa, qyzyǵýshy peıildeske de, qyzǵanýshy tileýleske de qazaqty derbes el retinde tanytyp otyr. Táýelsizdiktiń, Elbasynyń eń ma­ńyzdy jetistigi de, jemisi de  osy. Sondyqtan da sheshen sóz ba­synda kenje qalǵan jurtyn qýat­ty, urpaǵyn saýatty, keleshegin tatý-tátti kúnge jetkizgen Ata­túrik­ti ádeıi atap ótip otyr. Imanǵalı Tasmaǵambetov osy­ǵan baılanysty Ulybrıta­nııa­nyń burynǵy premer-mınıstrleri Lloıd Djordjdyń: «Ǵa­syrlar da­nyshpandy sırek beredi. HH ǵasyrda uly tulǵa túrik ultynan shyqty. Mustafa Ke­mal­dyń da­nysh­pandyǵyna qoldan keler ne bar?» jáne Margaret Tetcherdiń: «Qazaqstannyń bú­gin­gi jeńisterin saralasam, qashanda tań qalamyn. Nazarbaevtyń da­nyshpandyǵy da – osy jeńiske toly jemisti jol­dy jaı ǵana kezekti kezeńge ba­laýyn­da. Sóz joq, Qazaqstannyń baıandy bolashaqqa degen úmiti tek Nazarbaevtyń esimimen baılanys­ty», degen pikirlerin keltirdi. Bul Otanyn qaltqysyz súı­gen, sýyǵyna shydap, ystyǵyna kúı­gen túrki dúnıesiniń qos tar­lanyna álemniń bergen baǵasy ǵana emes, olardyń taǵdyrly oz­myshy, mańdaıyndaǵy jazmyshy, – dedi delegat ári qaraı. Kúni keshe Tuńǵysh Prezıdent retinde Sizdiń ókilettigińizdi uzartý tý­raly referendým ótkizý bas­ta­masy el ishinde eselenip, jalpaq jurtymyzdyń biraýyzdy jasampaz únine aınaldy. Munyń ózi tutas ǵumyryńyzdy el taǵdy­rymen enshilegen ózińizge degen áz halqyńyzdyń ystyq yqylasy, bıik baǵasy. Dál qazir eldiń jan-jaqty damýyn qamtamasyz etetin, maqsat-muratqa jeteleıtin bir-aq tulǵa bar. Ol – Nursultan Ábish­uly Nazarbaev. Erteńgi bir kúndik saılaý – kóp kúndik keleshegimizdi tańdaý bolmaq. Parlament Senatynyń de­pýtaty, «Nur Otan» HDP Saıası keńesiniń múshesi Qýanysh Sul­tanov Memleket basshysy elimiz táýelsizdiginiń alǵashqy sátinen bastap halyqqa bergen antyn qalt­qysyz oryndap kele jatqa­nyna toqtaldy. Prezıdent N.­Á.Na­­zar­baev táýelsiz qazaq memleketiniń irgetasyn qalap, negizin saldy, – dedi senator osy týraly. – Týyn kóterip, ony dú­nıejúzilik qoǵam­dastyqqa tany­typ, moıyndatty, álemdik dáre­jede syılatty. «Nur Otan» par­tııasynyń uıymdasyp, qoǵamnyń yq­paldy kúshine aına­lýy da tikeleı partııa jetek­shi­siniń saıası qyzmetiniń nátıjesi. Elimiz keshendi reformalardan, tú­begeıli ózgeristerden ótti. Adam­nyń, qo­ǵamnyń sanasy ózgerdi. О́mirge jańa urpaq keldi. Táýel­sizdikti qurmetteý, qasterleý, qorǵaý – árbir azamattyń boryshy, pary­zy ekenin qoǵam túsindi. Táýel­­sizdik, onyń qaýipsizdigi – sa­na­myzda ulttyq ıdeıa bolyp qa­lyptasty. Sheshenniń atap ótkenindeı, Ult Kóshbasshysy jáne partııa je­­tekshisi barlyq saıası úderis­terde óziniń naǵyz saıasatker ekendigin kórsetip keledi. О́tken 20 jyl ishinde kóptegen ómirsheń bastamalar dúnıege keldi. Buǵan naqty mysal retinde senator mu­naıdan túsetin tabys jınaqtal­ǵan Ulttyq qordyń qurylýyn jáne jahandyq qarjy daǵdary­syna qatysty 2007 jyly daǵ­darysqa qarsy baǵdarlamanyń qa­byldanýyn keltirdi. Osynyń nátı­jesinde elimizde áleýmettik baǵdarlamalardy júzege asyrý jumystary jalǵasyn tapty, jańa jumys oryndary ashyldy, qoǵamda turaqtylyq qamtamasyz etildi. Memleket basshysy ótken jylǵy jáne bıylǵy joldaý­la­rynda eldi aldaǵy onjyldyqta órkendetýdiń baǵdarlamasyn belgilep berdi. Ásirese, áleýmettik sa­lalarǵa basa nazar aýdarylǵan­dyǵy barlyq qazaqstandyqtar­dyń kóńilinen shyǵyp otyr. Bul is-sharalardyń basynda «Nur Otan» partııasy turǵanyn, ony júzege asyrýǵa belsene aralasa­tyn­dyǵyn partııanyń jergilikti jerlerdegi fılıaldary, sondaı-aq partııa músheleri jaqsy biledi. Tuńǵysh Prezıdentimiz, par­tııa­­myzdyń Tóraǵasy eldi eń qı­yn qaıshylyqtar men tuıyq­tan shyǵardy. Jaqsylyq pen jasam­pazdyqty maqsat etti. Er­te­ńimiz­diń búginnen jaqsy bola­tynyna senim uıalatty. Búgingi Qazaqstan­nyń kelbeti, dep qorytyn­dy­lady sózin sheshen, jańa dáýiri – jarqyraǵan Asta­nasy, asqaqtaǵan Almatysy, qaı­ta túlegen oblys or­talyqtary, saırap jatqan jol­da­ry, ósken órkeni – Táýelsizdik jemisi, El­basynyń eńbegi. Son­dyqtan da Nursultan Ábishuly Na­zar­baev­tyń kandıdatýrasyn «Nur Otan» partııasynyń atynan 3 sáýirde ótetin kezekten tys prezıdenttik saılaýǵa usynamyn. «Nur Otan» HDP Saıası ke­ńesiniń múshesi, «Qazaqmys» kor­porasııasy dırektorlar keńesiniń tóraǵasy Vladımır Kım sózin Elbasynyń «aldymen ekonomıka, odan keıin saıasat» degen sózinen bastady. Onyń atap ótýinshe, Prezıdent N.Á.Nazarbaevtyń bas­shylyǵymen Táýelsiz Qazaq­stan álem kartasynda oıyp tu­ryp oryn aldy. Elimiz memlekettiligin nyǵaıtyp, ekonomıkanyń barlyq salalary qarqyndy da­mydy. Osy­laı degen ol táýel­sizdiktiń al­ǵashqy jyldaryndaǵy qıyndyq­tar­ǵa toqtaldy. Sol kezderi shahterler men metallýrgtar da kóp qıyndyqtardy bastan ót­kerdi,  dedi V.Kım osy jóninde.  Bú­ginde sonyń barlyǵy artta qaldy. Ony biz umytpaımyz. Elimizdiń Tuńǵysh Prezıdenti el ekonomı­kasynyń da­myp, halyq­tyń ál-aýqatynyń jaq­sarýyna barlyq jaǵ­daılar jasady. El­basy bız­nestiń keń qanat jaıý­y­na árdaıym qoldaý kórsetip keldi. Kásipker­ler men bıznesmenderdi sheneýnikterden únemi qor­ǵap otyr­dy. Osynyń arqasynda Qazaq­standa shaǵyn jáne orta bıznes damydy, onymen aına­lysýshylar qatary eselep artty. Vladımır Kım budan keıin ındýstrııalyq-ınnovasııalyq baǵ­darlamalardyń júzege asyry­lý jaıyn ortaǵa saldy. Onyń aı­týynsha, ındýstrııalyq-ınno­va­sııalyq baǵdarlamalardyń oı­daǵydaı iske asyrylýy el da­mýy­nyń bolashaǵy úshin asa qajet. «Qazaqmys» korporasııasy osy baǵdarlama aıasynda birqatar iri jobalardy qarjylandyrýdy qol­ǵa aldy. Onyń kólemi jaqyn tórt-bes jylda 60 mıllıard AQSh dollaryna jetetin bolady. Sonymen qatar, ol «Qazaqmys­tyń» áleýmettik jaýapkershiligine qatysty da aıtyp ótti. Bul kor­porasııanyń basty baǵyt­ta­ry­nyń biri bolyp tabylady. Kor­porasııa áleýmettik baǵdar­la­malarǵa jyl saıyn 40 mıllıon dollarǵa jýyq qarjy jumsap keledi.

Qurmetti Prezıdent, Siz me­tallýrgterdiń jaǵdaıyna basa nazar aýdaryp kelesiz, dedi korporasııa basshysy ári qaraı.  Qaraǵandy men Temirtaý qala­lary­na jıi kelip turasyz. Temirtaý metallýrgııa zaýytynda eńbek jo­lyńyzdy bastap, shynyq­ty­ńyz, shyńdaldyńyz. Bul Sizdiń eń qıyn mindetterdi salıqaly­lyq­pen sheshýińizge negiz qalady. Sol sebepti de metallýrgter, bar­sha qazaqstandyqtar Sizdi erekshe qur­metteıdi. «Nur Otan» par­tııa­synyń Sizdi prezıdenttikke kandıdat etip usyný týraly usynysyn biz metallýrgter jáne korporasııadaǵy 40 myń nurotan­dyqtar da qalaıdy. Biz Sizge árqashanda senimdi tirek bola­tyndyǵymyzdy málimdeımiz. Vladımır Kım sózin belgili saıasattanýshy Aleksandr Prar­dyń: «Prezıdent Nursultan Nazarbaev sóz joq álemdik deń­geı­degi tarıhı tulǵa. Ol – Táýelsiz jańa Qazaqstannyń negizin qa­laýshy», degen sózimen aıaqtady. Qazaqstan halqy Assam­bleıa­synyń múshesi, Almaty oblystyq «Ognı Alataý» gazeti bas redak­torynyń orynbasary Atsalım Idıgov óz sózine negizinen elimizde bekem ornyqqan etnosaralyq tatýlyq pen saıası turaqtylyqty arqaý etti. Bizdiń partııanyń sezi Táýelsiz Qazaqstannyń 20 jyl­dyǵy qarsańynda ótip otyr, dedi ol. Osy jyldar ishinde keń baıtaq qazaq jerinde beıbitshilik pen saıası turaqtylyq, etnosara­lyq kelisim berik ornady. Bizdiń elimiz jan-jaqty damyp, álemdik qoǵamdastyqqa tanyldy. Osynyń barlyǵyna Ult Kóshbasshysy Nur­sultan Nazarbaevtyń kóregen­diginiń arqasynda qol jetkizip otyrmyz. Men tarıhı osy sezde elimizdegi etnomádenı ortalyq­tar­dyń atynan sóz sóılep tur­myn. Men qazaq jerinde óske­nimdi, Qazaqstanda urpaq órbit­kenimdi erekshe maqtan tutamyn. Kópshilik aıtatyndaı, Qazaqstan me­niń ekinshi otanym emes, Qazaq­stan meniń jalǵyz ǵana Otanym. Naǵyz patrıot ol kim? Naǵyz patrıot qandaı bolýy kerek? Ul­tym basqa bolsa da, men qazaq­pyn! Táýelsizbin, azatpyn, myń ólip, myń tirilgen, namysyn bermegen qazaqpyn! Júrekjardy oıyn erekshe tebirenispen osylaısha jetkizgen de­legat patrıotızmge qatysty óziniń suraqtaryna jaýap berip te ótti. Nursultan Ábishuly, dedi ol, shyn júrekten, maqtanysh­pen osy sózderdi aıtatyn adam ulty kim bolsa da, sol naǵyz patrıot. Eldi, jerdi syılap, qur­metteıtin adam naǵyz patrıot. Sol adam bizdiń Prezıdent Nur­sultan Nazarbaev! Delegat, sondaı-aq etnos­aralyq tatýlyqty nyǵaıtýda Qa­zaq­stan halqy Assambleıasy erekshe ról atqaryp kele jatqanyn, Astanada ótken EQYU Sammıti elimizdi búkil álemge tanytqanyn, Astana Deklarasııasyn qabyldaý uzaqqa sozylyp bara jatqanda, barsha qazaqstandyq beı-jaı kúı keshkenin aıta kelip, Astana Dek­larasııasyn qabyldaýda Qazaqstan Prezıdenti Nursultan Nazarbaev erekshe tabandylyq tanytqanyn atap ótti. Elimizdiń ultaralyq tatýlyqtyń qazaqstandyq úlgisine búginde álem jurtshylyǵy qyzy­ǵyp otyr. Qazaqstannyń osy tá­jirıbesine Eýropadaǵy elder de nazar aýdara bastady. Sonymen qatar, ol elimizdegi barlyq etno­má­denı ortalyqtar N.­Á.Na­zar­baevty prezıdenttikke kandıdat etip usyný týraly «Nur Otan» par­tııasynyń usynysyna biraýyzdan qoldaý bildirgenderin jetkizdi. Kelesi sóz Parlament Má­jilisiniń depýtaty, Májilistegi «Nur Otan» HDP fraksııasy jetekshisiniń orynbasary Vladımır Nehoroshevke berildi. Bizdiń barlyǵymyzdyń otanymyz bir. Ol – Qazaqstan, dep bastady sózin delegat. Ult bolashaǵyna bizder jaýaptymyz. Osylaı degen ol «Nur Otan» partııasynyń sezine toqtaldy. Delegattyń habardar etýinshe, partııanyń bul jıyny úlken saıası belsendilik jaǵ­daı­yn­da ótip otyr. О́ıtkeni, qazaq­stan­dyqtardyń basym kóp­shiligi Tuń­ǵysh Prezıdent N.­Á.­Na­zar­baev­qa daýys berýge daıyn ekendigin bildirdi. Táýelsizdik al­ǵannan bergi 20 jyl ishinde Qa­zaq­stannyń qol jetkizgen tabystary Nursultan Nazar­baevtyń asqan kóregendik saıasaty­men tikeleı baılanysty. Partııanyń búgingi sezinde bizder, delegattar partııanyń negizin qalaýshy, Kóshbasshymyz Nur­sul­tan Nazarbaevtyń kandı­datý­rasyn Qazaqstan Respýblı­ka­synyń prezıdenttigine usyný týraly tarıhı máseleni maqsat etip otyrmyz,  dep jalǵastyrdy sózin sheshen. – Bizde resýrs asa mol, hal­qymyz jan-jaqty bilimdi. Bul Ult Kóshbasshysynyń tapsyr­masy­men ázirlengen baǵdarla­ma­lardy, ulttyq ındýstrııalyq-ın­novasııalyq ıdeıalardy júzege asyrýǵa múmkindik jasaıdy. Qa­zaqstannyń 2020 jylǵa deıingi damý strategııasyn iske asyrýǵa negiz bolady. Budan keıin Vladımır Nehoroshev qazirgi kezde ıntegrasııa­lyq bastamalar erekshe mańyzdy bolyp tabylatynyn ortaǵa sal­dy. Onyń aıtýynsha, Keden oda­ǵynyń qurylyp, jumys isteı bastaýy, Qazaqstannyń basqa da ómirsheń bastamalary – Prezıdent N.Á.Nazarbaevtyń jeke eńbegi. Búginde sol bastamalar arqyly ómirge kelgen jumystar óziniń nátıjesin berip otyr. Parlament depýtattary men partııanyń frak­sııasy Tuńǵysh Prezıdenttiń par­tııa aldyna qandaı mindetter júk­tegenin jaqsy biledi. El tur­ǵyndary partııa tapsyrmalary­nyń oryndalýynan tıisti nátıje kútip otyr. Ońtústik Qazaqstan oblysy­nyń Otyrar aýdanyndaǵy «Aq bol» balabaqshasynyń meńgerý­shisi Márııa Belgibaı Táýelsiz­dikten bergi kezeńderde Qazaq­stan­nyń qol jetkizgen tabysta­ry Memleket basshysynyń salı­qaly saıa­satynyń arqasy ekendigine toqtaldy. Táýelsizdik týyn ha­lyqtyń qolyna ustatqan birden-bir dara tulǵa – Tuńǵysh Prezıdentimiz, partııamyzdyń Tóraǵasy Nursultan Ábishuly Nazarbaev,  dedi delegat. Sol sebepti qazaq halqy úshin Táýelsizdik pen Elbasy egiz uǵymǵa aınaldy. Bas-aıaǵy 20 jylda 100 jylǵa tatıtyn tirlikter jasaldy. Qazaqstan El­basynyń kemeńger de syndarly saıasatynyń arqasynda álemdik qoǵamdastyq sanasatyn irgeli mem­leketke aınaldy. Osynyń bári halqy úshin aıanbaı eńbek etken, tún uıqysyn tórt bólgen El­basynyń arqasy. Men bilim berý salasynda 15 jyldan beri qyzmet etip kelemin, – dedi delegat ári qaraı. Jumys barysynda sábılerdiń ata-ana­larymen jıi kezdesip otyramyn. Sizdiń balalarǵa degen aıaly ala­qanyńyz ben jyly júregińizdi, qamqorlyǵyńyzdy olar da sezinýde. Sońǵy jyldary Sizdiń tikeleı tapsyrmańyzben «Balapan» baǵ­dar­lamasy iske asyryla bastady. Ońtústik Qazaqstan oblysynda byltyr 176 mektepke deıingi balalar mekemesi ashylsa, al elimiz boıynsha bulardyń sany 500-ge jýyqtady. Sizdiń joldaýyńyzda osy baǵyt boıynsha naqty josparlar bar ekeni barlyq ata-ana­ny erekshe qýantty. Bes jyldan keıin sábılerimizdiń 74 paıyzy, 2020 jylǵa qaraı 100 paıyzy mektepke deıingi mekemelermen qam­tamasyz etiledi. Mine, bul mem­leketimizde áleýmettik má­se­le­lerge basa nazar aýdaryla­ty­nyn kórsetedi. Bizdiń qalaýymyz – Elbasy, halyqtyń tańdaýy – Elbasy. Budan keıin minberge «Pobeda» JShS dırektory Aleksandr Polıakov kóterildi. Delegat Memleket basshysynyń qoldaý kór­setýimen agroónerkásip kesheninde júzege asyrylyp jatqan ju­mys­tardy ortaǵa saldy. Onyń sózine qaraǵanda, memleket agro­óner­kásip salasyn damytýǵa 140 mıllıard teńge bólgen. Osynyń nátı­jesinde aýyl-selo turǵyndary el táýelsizdiginiń 20 jyldyǵyn laı­yqty qarsy alý úshin kúsh-jiger­lerin jumsaý ústinde. Meniń atam da, ákem de jermen jumys istegen. Men bala kezimnen aýyl sharýashylyǵynda eńbek ettim, dep jalǵastyrdy sózin ol.  Táýelsizdiktiń alǵashqy jyl­da­rynda qandaı qıyndyqtar bolǵanyn bilemin. Eski aýyl­sha­rýashylyq tehnıkalaryna qajetti bosalqy bólshekter izdep sarsyl­ǵanymyz esimizde. Al búgin aýyl eńbekkerleriniń jaǵdaıy jaqsa­ryp, aýylsharýashylyq tehnıka­lary­nyń da túr-túri kóbeıgenin kópshilik jaqsy biledi. Osynyń bar­lyǵy memlekettik agrarlyq saıasattyń durys júrgizilgenin kórsetedi. Sondaı-aq agrarlyq keshendi damytýǵa qatysty zańna­malyq baza da qosa alǵan iri jobalarda júzege asyrylyp jatyr. Sóziniń qorytyndysynda delegat osynyń barlyǵy Tuńǵysh Prezıdenttiń agroónerkásip sala­laryna basa kóńil aýdaryp kele jatqandyǵyn kórsetetindigin atap, elimizdiń agroónerkásip kesheninde eńbek etetinderdiń barlyǵy Elbasynyń kandıdatýrasyn qol­daýǵa daıyn ekendikterin jetkizdi. Jastar atynan sóıleý úshin ke­lesi sóz kezegi «Nazarbaev Ýnı­versıtetiniń» stýdenti Ekaterına Ponomarenkoǵa berildi. Men «Nur Otan» HDP HIII sezi sııaq­ty asa mańyzdy forýmda jastar atynan sóıleý qurmetine ıe bol­ǵanymdy maqtanysh etemin, dep bastady ol óziniń sózin. Odan ári Nursultan Ábishulynyń elimiz táýelsizdigin endi ǵana alyp, áleýmettik jáne ekonomı­kalyq qıynshylyqtarǵa urynyp jatqan kezeńiniń ózinde «Bola­shaq» baǵdarlamasyn qabyldat­qany óte kóregen sheshim bolǵa­nyn atap ótti. Sonyń arqasynda myńdaǵan qazaqstandyq jas álem­niń eń úzdik ýnıversıtetterinen bilim alyp kelip, osy kúnderi Otanymyzdyń jarqyn bolashaǵy úshin eńbek etýde. Osy árekettiń ózi Sizdiń bolashaǵy zor, tabysty Qazaqstandy qurýǵa beldi bekem býǵandyǵyńyzdy kórsetip berdi, dedi E.Ponomarenko. Odan ári ol ózi oqıtyn «Nazarbaev Ýnıversıtetiniń» jaı-kúıine toqtaldy. Bul Sizdiń stra­te­gııalyq josparyńyzdyń ekinshi kezeńi boldy. Bizdiń oqý ornymyz qatardaǵy ýnıversıtet emes, ol – Siz Joldaýyńyzda atap ótkendeı, joǵary oqý oryndarynyń ın­no­va­sııalyq jańa úlgisin jaraqtaı­tyn, buryn bolyp kórmegen ult­tyq joba. Sonyń arqasynda bú­gingi kúni qazaqstandyq daryndy jastar, eshqandaı alys jerge barmaı-aq álemdik standarttarǵa sáıkes bolatyn tamasha bilim alý­ǵa elimizdiń ózinde-aq qol jetkizdi. Solardyń qatarynan tabyl­ǵan­dyǵym úshin men ózimdi baqyt­ty sanaımyn jáne munyń úlken jaýapkershilik ekenin de túsine­min. О́zimniń sheteldik qurby­lary­mmen, oqytýshy jáne tálim­gerlerimmen aralasqanda olar bizdiń jap-jas elimizdiń osy za­man­ǵy úzdik ǵylymı keshenge qa­laı tez arada qol jetkizgenine tańyrqaıtynyn baıqap júrmiz. Men «Nazarbaev Ýnıversıtetiniń» jaqyn bolashaqta Garvard, Sorbonna nemese Oksford ýnıversıtetteri sekildi elimizdiń brendine aınalatynyna senimdimin, dedi. Bizder – barlyq jańarýlar men uly kóshti bastan keship, kó­zimizben kórgen táýelsizdiktiń qur­dastarymyz. Bizdiń baǵyty­myz aıqyn. Ol Qazaqstannyń uzaq merzimdi damý strategııasy. Bul – Elbasy strategııasy. Bul – bizdiń strategııamyz. Sondyqtan, bizder jastar bar bilimimiz ben qaırat-jigerimizdi týǵan el úshin jum­saýǵa daıynbyz. Bul muratqa biz tek Prezıdentimiz Nursultan Na­zarbaevtyń basshylyǵymen jete alamyz. Sondyqtan Qazaqstan jas­tary biraýyzdan Elbasyn qol­daıdy, dep sheshen sózin memlekettik tilde aıaqtady. Quttyqtaý aıtý úshin sóz kezegi «Edınaıa Rossııa» búkilreseılik saıası partııasynyń Memlekettik dýmadaǵy fraksııasy tóraǵasy­nyń birinshi orynbasary Vladımır Pehtınge berildi. Ol óziniń sózinde «Edınaıa Rossııa» partııa­synyń tóraǵasy Vladımır Pý­tın­niń quttyqtaýyn oqyp berdi. Meniń «Nur Otan» HDP HIII sezine degen eń ystyq sálemimdi qa­byl alyńyzdar, dep bastalyp­ty quttyqtaý. Partııanyń bul sezi Qazaqstandy odan ári da­mytýǵa baǵyttalǵan jáne onyń aldaǵy ýaqytta jańa saıası kók­jıekterdi ashýǵa múmkindik beretin aıtýly kezeń bolaryna senimdimin. Qazaqstannyń EQYU tór­aǵalyǵyn tabysty atqaryp shyq­qan­dyǵy – eldiń halyqaralyq be­deliniń úzdiksiz ósip kele jat­qandyǵynyń aıǵaǵy. Men Qazaq­stannnyń IKU-ǵa tóraǵalyq etýi de sonshalyqty tabysty bola­ryna senemin, deı kelip odan ári V.Pýtın Qazaqstan men Reseı Federasııasy dostyǵy men tatý­lyǵynyń tamyry tereńde ekendigine toqtalyp ótipti. Munyń ózi bizdiń elderimizdiń halyqtarynyń múdde­si­ne saı keledi. О́zara yq­pal­das­tyqtyń tereńdeı túsýine Kedendik odaq pen Biryńǵaı eko­no­mıkalyq keńistik qurylýy úl­ken úles qo­sady. Odan ári «Edınaıa Rossııa» partııasynyń tóraǵa­sy «Nur Otanmen» dostyqty joǵary baǵalaı­tynyn atap ótipti. Sóziniń sońynda tóraǵa sezdiń tabysty ótýin, al Qazaqstan Respýblıkasyna beıbit ómir men jasampazdyq tilegen. Quttyqtaýdy oqyp bergen V.Pehtın ózi tarapynan da bir aýyz sóz aıtqysy keletinin jetkizdi. Búgin Qazaqstan óziniń odan arǵy damý jolyn belgilegeli tur. Biz Qazaqstan Prezıdentiniń saı­lanýyna yqpal ete almaımyz, biraq biz Nursultan Nazarbaevtyń saı­lan­ǵanyn qalaımyz, dedi ol. Eger bizde múmkindik bolatyn bol­sa, bar­lyq «Edınaıa Rossııa» par­tııasynyń músheleri zamany­myz­dyń eń dúldúl qaıratkeri Nursultan Ábishuly Nazarbaevqa daýys bergen bolar edik, dep aǵy­nan jaryldy. Sóz kezegi Qytaı Halyq Res­pýblıkasy Kommýnıstik partııasy Ortalyq komıtetiniń Halyqara­lyq bólimi meńgerýshisiniń orynbasary Chen Fensıanǵa berildi. Ol Qytaı Kommýnıstik par­tııasy Ortalyq komıtetiniń Bas hatshysy, QHR Tóraǵasy Hý Szın­taonyń quttyqtaý hatyn oqyp berdi. Men Qytaı Kommýnıstik partııasy Ortalyq komı­tetiniń jáne jeke óz atymnan Nur­sultan Ábishuly, Sizdi jáne «Nur Otan» partııasy seziniń delegattaryn HIII sezdiń ashy­lýymen quttyqtaımyn jáne onyń jumysyna úlken tabys tileımin, delinipti quttyqtaý hatta. Odan ári biz «Nur Otan» HDP Prezıdent N.Nazarbaevtyń basqarýy­men eldegi áleýmettik-ekonomı­kalyq damýdyń uıytqysy bolǵan zor kúshke aınalǵanyn jáne ol halyqtyń senimine ıe bolǵanyn qýanyshpen ataǵymyz keledi delingen. Biz «Nur Otan» HDP Qazaqstandy odan ári órkendetip, qýatty elge aınaldyrý jolynda budan da úlken tabystarǵa jetetinine senemiz. Qytaı men Qazaqstan arasyn­daǵy dıplomatııalyq qatynastar, halyqaralyq jaǵdaılardyń ózge­rip turǵanyna qaramastan, 19 jyl­dyń ishinde tek turaqty damý jolynda boldy. Taraptar tatý kór­shilik jáne dostyq baıla­nys­tardy qoldaı otyryp, strate­gııalyq ózara senimdi, tıimdi yntymaqtastyqty tereńdete tústi jáne halyqaralyq, aımaqtyq máse­lelerde bir-birine qoldaý kórsetip keledi. Qytaı-Qazaqstan qatynastaryn syrtqy saıasattaǵy basym baǵyttardyń biri dep únemi sanap kelgen Qytaı Kompartııasy men úkimeti bolashaqta Qazaq­stan­nyń halyqaralyq jáne aımaqtyq isterdegi róliniń artýyn qol­daıdy. Odan ári sheshen Qytaı Kom­par­tııasy men «Nur Otannyń» ara­syndaǵy dostyq pen ynty­maq­tastyqtyń jaqsy qarqynmen da­myp kele jatqanyn atap ótti. Uzaq jyldardan beri eki partııa­nyń arasyndaǵy ózara túsinistik pen ózara senim Qytaı-Qazaqstan qatynastaryndaǵy strategııalyq áriptestiktiń mazmunyn baıyta tústi. Bul bizdiń halyqtary­myz­dyń túpki maqsatyna sáıkes keledi, dedi ol. Quttyqtaýdyń so­ńyn­da Hý Szıntao Qytaı Kom­par­tııa­sy men «Nur Otan» HDP ara­syn­daǵy ózara dostyq yqpal­dastyqty táýelsizdik, teńdik, syılastyq jáne ishki isterge aralas­paý qaǵıdatynyń negizinde odan ári tereńdete túsýge yqylas­ty ekenin jetkize kelip, Prezıdent pen Qazaqstan halqyna jaq­sy tilekter arnapty. Sóz kezegi Lıtvanyń «Lıtva­nyń halyq odaǵy» partııasynyń tóraıymy Kazımıre Prýnskenege berildi. Lıtva táýelsizdiginiń basynda bolǵan aıtýly qaırat­kerlerdiń biri K.Prýnskene óziniń sózin osydan 20 jyldan artyq buryn bolǵan KSRO-daǵy alǵash­qy demokratııalyq qadamdardy, halyq depýtattary seziniń ju­mysyn eske alýdan bastady. Sol kezde Siz, Nursultan Ábishuly, Ortalyq Azııa respýblıkalary basshylarynyń arasynan birinshi bolyp bizdiń KSRO-dan ekonomı­kalyq táýelsizdik alýǵa umtylǵan bastamalarymyzdy qoldaǵan edi­ńiz, sol úshin Sizge rızashyly­ǵymdy bildiremin. Artynan, Reseıdegi demokratııalyq kúshter­men birlese otyryp, biz aqyry óz táýelsizdigimizge qol jetkizdik. Bizden úlgi alǵan basqa respýblıkalar da táýelsizdigin aldy, sonyń biri Qazaqstan boldy, dedi. Odan ári K.Prýnskene Qazaqstan­nyń 20 jylda joǵary ekonomı­kalyq tabystar men áleýmettik jetistikterge jetkenin aýyzǵa aldy. Prezıdent N.Nazarbaevtyń sońǵy Joldaýyna toqtalyp, onda eldi júıeli jańǵyrtýdyń aıqyn beldeýi kórsetilgenin atap ótti. Joldaýda memlekettiń áleýmettik jaýapkershiligi men ekonomıka­nyń áleýmettik baǵdary aıqyn­dalǵan. Bul jarqyn bolashaqqa kepildik beretin jol, dedi ol. Odan ári sheshen Qazaqstannyń halyqaralyq saıasattaǵy tabysta­ryna toqtalyp, osy baǵyttaǵy oń isterge rızashylyǵyn bildirdi. Siz búgin álemdik aýqymdaǵy tanyl­ǵan kóshbasshy bolyp otyrsyz, dedi N.Nazarbaevqa qarap. Ege­men­diktiń joǵary qundylyq­ta­ryn qasterleı otyryp, Qazaqstan búgin jahandyq ıntegrasııalaný bastamalaryn da belsendi túrde kóterip keledi. Sonyń aıǵaǵy – Qazaqstannyń EQYU-ǵa tóraǵa­lyq etýi jáne onyń 11 jyl boıy ótpegen sammıtin Astanada ót­ki­zý­ge qol jetkizýi. Astana Sammıti Uıymnyń damýyna jańa serpin men qarqyn berdi. Qazir Uıym­nyń tóraǵalyǵy Lıtvaǵa kóshti jáne ol Qazaqstan kóterip ketken joǵary ólshemdi ári qaraı jal­ǵastyrý nıetinde. Sóziniń sońyn­da K.Prýnskene qazir álemde energoresýrstardyń, azyq-túlik­tiń qat ekenin aıtty. Biraq, dedi ol, biz turaqtylyqqa, túsinistikke zárý ekenimizdi umytpaıyq. Son­dyqtan da Nursultan Nazarbaev sekildi tulǵalardyń el bas­qarǵany asa qajet. Kelesi sóz Azııalyq saıası partııalar halyqaralyq konfedera­sııa­synyń tóraǵasy Hose de Venesıaǵa (Fılıppınder) berildi. О́ziniń sózin ol konfede­ra­sııanyń jumysymen tanystyrý­dan bastady. Odan ári Astana qalasynyń kórkine, onyń damý qarqynynyń joǵarylyǵyna tań­ǵa­lysyn bildirdi. Bul – Qazaqstan lıderiniń zor eńbeginiń jemisi ekendigi aıqyn. Qazaqstan Kósh­bas­shysy eldegi ǵana emes, osy aı­maqtaǵy turaqtylyq pen ty­nyshtyqqa úlken eńbek sińirip otyr­ǵan lıder. Onyń ústine Qa­zaqstan Eýrazııa qurlyǵynyń or­tasynda ornalasqan. Sondyqtan ondaǵy beıbitshilik pen turaq­ty­lyqtyń mańyzy zor. Beıbitshilik – árqashan da álemdik problema. Sizdiń beıbitshilikti saqtaý jo­lyndaǵy bastamalaryńyz álemdik qoǵamdastyq tarapynan áli óziniń baǵasyn alady, dedi. Ol sondaı-aq N.Nazarbaevtyń birqatar bastamalaryn, sonyń ishinde ıadrolyq qarýdan óz erkimen bas tartqandyǵyn atap, jo­ǵary baǵa berdi. Álem halyqtary men memleketteriniń ekonomıka­lary bir-birimen tyǵyz baılanys­ta. Olardyń bireýinde bolǵan problema basqa jerge de jaıylady. Sondyqtan da biz Sizdiń bastama­laryńyzdy joǵary baǵalaımyz, deı kelip, Hose de Venesıa Azııa saıası partııalary halyqaralyq konfederasııasynyń atynan Nur­sultan Nazarbaevqa «Kórnekti jetistigi men adamzatqa qyzmeti úshin» atty ózderiniń joǵary nagradasyn tapsyrdy. Osydan keıin sezd jumysyn júrgizip otyrǵan partııa Tór­aǵa­synyń birinshi orynbasary Nur­lan Nyǵmatýlın partııa Kóshbas­shy­sy Nursultan Nazarbaevtyń atyna HIII sezdiń ótýine baıla­nysty kelgen quttyqtaýlardy oqyp berdi. Quttyqtaýlar Ázir­baı­jan Respýblıkasynyń prezıdenti, «Enı Azerbaıjan» partııa­synyń tóraǵasy Ilham Álıev­ten, Túrik Respýblıkasynyń Premer-mınıstri, «Ádilettik jáne damý» partııasynyń tóraǵasy Redjep Erdoǵannan, Italııa Premer-mınıstri, «Halyq bostan­dyǵy» partııasynyń kóshbasshysy Sılvıo Berlýskonıden jáne basqa da Eýropa men Azııa el­deriniń birqatar basshylary men saıası partııalarynyń lıderlerinen kelgen eken. Osydan keıin jı­nalys tóraǵasy sezd jumy­sy­na 20 mınóttik úzilis jarııalady. Úzilisten keıin birinshi bolyp VII Qysqy Azııa oıyndarynyń jeńimpazy, shaıbaly hokkeıden Qazaqstan qurama komandasynyń kapıtany Talǵat Jaılaýov sóz sóıledi. О́ziniń sózin Azıadany tyńǵylyqty uıymdastyra bilgen basshylardyń eńbegi men jeńis týyn kótergen sportshylardyń erligin eske alýdan bastaǵan ol búgingi kúni bizdiń elimizdiń álem­dik jańalyqtardyń ortalyǵyna aınalǵanyn maqtanysh etetinin atap ótti. Azııa oıyndary – bizdiń búkilhalyqtyq jeńisimiz boldy, ol bizdiń halqymyzdyń uıysýyn odan ári tereńdete tústi, dedi ol. Odan ári qazaqstandyq sport­shy­lardyń budan da joǵary shyń­dar­dy baǵyndyrýǵa múmkindigi bar ekenin aıta kelip, óziniń sporttyq jolyn endi bastaǵan jastarǵa qyzyǵatynyn jetkizdi. Olarǵa bar­lyq múmkindikter jasalǵan, álem­dik sporttyq standarttarǵa saı jab­dyqtar men quraldar, sport mektepteri, basseınder, hokkeı qo­rapshalary – bár-bárine de qol­je­timdi. Mundaı jaǵdaılar sport­shy­lardyń sheberligin shyń­daı túsýine mol múmkindik beredi, dedi ol. Odan ári, birde ózi quramynda oınaıtyn «Barys» komandasynyń Chelıabiniń «Traktor» koman­da­sy­men oınaǵanyn eske aldy. Sol oı­ynda jeńilip jatqan edik, sol kezde Siz kelip, bizge jankúıer bol­dyńyz. Bul qamqorlyǵyńyz bizdi qatty jigerlendirdi, qorytyn­dy­synda chelıabilikterdi jeńip kettik. Osynyń ózinen biz Sizben birge bir komanda ekenimizdi sezindik, dedi T.Jaılaýov. Odan ári «Altyn sapa» belgisin alardaǵy Sizdiń: «Chempıondar bosańsy­maýy kerek», degen sózińizdi esh­qashan umytpaımyn. Bizdiń Qa­zaq­stan da kóshbasshy, ony da chempıon deýge bolady, endeshe, Qazaq­stanǵa bosańsymaý kerek. Árıne, Siz basqarsańyz bizdiń el eshqa­shan bo­sańsymaıdy. Siz bizdi jańa je­ńisterge jigerlendirip, jańa bıikterge jetkizesiz, dep sózin aıaqtady. Sońǵy bolyp Aýǵanstan soǵy­sy ardagerleriniń uıymdary as­so­sıasııasynyń tóraǵasy Ba­qytbek Smaǵul sóıledi. Táýel­siz­digimizdiń túndiginde, týǵan eli­mizdiń kindiginde, berik shańy­ra­ǵymyzdyń birliginde Alty Alash­tyń aıbaryna, tatýlyqtyń qaıma­ǵyna aınalǵan «Nur Otan» se­zine jınalǵan qaýym, búgin yn­ty­maǵy jarasqan, búkil álem sanas­qan, Táýelsiz el retinde sheka­ra­syn taspen emes, dospen qorsha­ǵan qýatty memleketke aınalýy­myz Elbasymyzdyń kóregendi­gi­niń arqasy, dep ol óziniń sózin ádemi bastady. Sondyqtan da Elbasy, partııamyzdyń Tóraǵasy Nursultan Nazarbaevtyń prezıdenttikten úmitker retinde usy­ny­lýyn barsha qazaqstandyqtar qoldaıdy. Táýelsizdigimizdiń tu­raq­tylyǵyn, árbir otbasymyzdyń shýaqtyly­ǵyn tileıtin, óz elin súıetin árbir patrıot Elbasyn shyn júrekten qoldaıdy dep senemin. Odan ári óziniń basqa otan­dastarynan jalǵyz ereksheligi – Aýǵanstandaǵy soǵysty kórgen­di­gi ekenin aıtty. Snarıad jarylǵan kezde joldastarymyzdyń dene qal­dyqtaryn ár butanyń túbinen jınap alǵan kezderimiz de boldy. Sondyqtan biz beıbit ómir men turaqtylyqtyń qadir-qasıetin jaqsy túsinemiz, dedi ol. Odan ári sheshen álemdik prob­lemalarǵa toqtalyp, qazirgi kezde bas kótere bastaǵan ultshyldyq, dinı, násildik kemsitýshilikter qap­taǵan qıyn zamandarda eldi jahandyq ózgeristerge jedel beıimdeýge daryny, qarym-qabileti emin-erkin jetetin bizdiń Elba­symyzǵa rahmet aıtýymyz kerek ekenin málimdedi. Odan ári N.Na­zarbaevtyń qazaq halqynyń jú­regindegi azattyqqa, táýelsizdikke degen úmittiń eshqashan sónbegenin aıtqan sózderinen dáıeksózder kel­tire otyryp, olardyń Elba­sy­nyń ózine ǵana tán dana tujy­rym­dary ekenin atap ótti. Sóziniń sońynda bizdiń baqytymyz da, artyqshylyǵymyz da sol – bizdiń bir ǵana dara, bir ǵana dana bas­shymyz bar. Osyndaı Prezı­dentimizdiń mańaıyna tyǵyz toptasa bileıik, deı kelip, Elba­sy­nyń prezıdenttikke kandıdat­ty­ǵyn qoldaýǵa shaqyrdy. Osydan keıin jaryssózder toq­tatylyp, sóz Elbasy, partııa Tóraǵasy Nursultan Nazar­baev­qa berildi (Prezıdenttiń sózi bólek berilip otyr). Elbasy sózinen keıin jınalys tóraǵasynyń usynysy boıynsha Nursultan Nazarbaevty aldaǵy bolatyn saılaýǵa «Nur Otan» HDP atynan úmitker etip saılaý týraly qaýly qabyldandy. So­ny­men birge, «Nur Otan» HDP-nyń 2020 jylǵa deıingi jańa baǵ­darlamasy bekitildi. Partııanyń aldaǵy 10 jyldyq damýynyń negizgi baǵyttaryn belgilegen bul qu­jat Elbasy, partııa Tóraǵasy Nursultan Nazarbaevtyń tapsyr­masyna sáıkes elimizdiń 2020 jylǵa deıingi strategııalyq damý josparyn negizge ala otyryp ázirlengen eken. Sezd jumysynyń sońynda bekitilgen kún tártibine sáıkes «Nur Otan» HDP Saıası keńesi men Ortalyq baqylaý-tekserý komıssııasynyń jańa quramdary saılandy. Sondaı-aq Saıası keńes bıýrosynyń jańa quramy saı­lan­dy. Sezd jumysy «Nur Otan» HDP ánuranymen aıaqtaldy. Qatysýshylar lebizi Ýálıhan QALIJANOV, Parlament Májilisiniń depýtaty: – «Nur Otan» halyqtyq- demokratııalyq partııa­sy­nyń HIII sezinde aldaǵy ótetin prezıdenttik saı­laýǵa Elbasy  Nursultan Nazarbaev kandıdatýrasynyń biraýyzdan qoldaý taýyp jatýy zańdy da. Halyq sana­synda «Qazaqstan – Nursultan!» degen egiz uǵym ábden qalyptasty dep oılaımyn. El erimen, er elimen maqtanatyn sát te kelip jetti. Partııa quryltaıynda Nur­sultan Nazarbaevtyń aldaǵy ótetin prezıdenttik saılaýǵa kandıdatýrasynyń bir­aýyz­dan qoldaý taýyp jatýy osynyń jar­qyn kórinisi dep aıtýǵa bolady. Arǵysyn aıt­pa­ǵannyń ózinde, keshegi EQYU Sam­mıti­niń Astanada dúrkirep ótýi, 7-shi Qys­qy Azııa oıyndarynyń aıshyqty kórinis tabýy Prezıdent bedeliniń arqasynda sátimen júzege asty. Mundaı halyqaralyq shara­lar­dyń nátıjeliligi elimiz úshin úlken abyroı, bıik mártebe. Qazaqta: «Yrys aldy – yntymaq» degen qanatty sóz bar. Eldiń yntymaǵyn jaras­tyryp, ózge az ulttar ókilderine barynsha qamqorshy retinde tanylǵan Nursultan Ábishuly olardyń da qoldaýyna ıe. О́zge ult ókilderine syılastyqpen qaraı oty­ryp, Elbasy sheteldegi qandas­ta­ry­myz­dyń kóshin atamekenge burý jaıyn únemi nazarda ustap keledi. Budan biz daraboz saıa­satkerdiń arydan oılastyra biletin erekshe qabiletin kóremiz. Mine, osy qasıetimen ol elge syıly bola otyryp, ózgelerdi moıyndata bildi. Sondyqtan da, el basshysyna senedi, saılaýda qoldap daýys beredi degen oıdamyn. Nurtaı Sabılıanov, Parlament Májilisiniń depýtaty: – Prezıdenttik saılaýda «Nur Otan» halyqtyq-de­mo­kratııalyq partııasy aty­nan kandıdat bolyp El­basy Nur­sultan Nazar­baev­tyń túsetini óte oryndy. О́ıtkeni, partııa Tóraǵasyn el biledi,  halyq qashanda óz Prezıdentine únemi qoldaý bildirip keledi. «Nur Otan» HDP-nyń aldaǵy on jylǵa arnalǵan baǵdarlamasy partııa quryltaıy barysynda qaraldy. Ol partııanyń aldaǵy on jylǵa deıingi basymdylyǵy men mindetterin aıqyndap beredi. Onyń bir ereksheligi sol, Qazaqstandaǵy 2020 jylǵa deıingi stra­tegııalyq damý josparymen barynsha úıles­ti­rilgen. Iаǵnı, baǵdarlama tek ekonom