Erkin eldiń erteńi úshin

Qazir elimiz zor ózgerister jolynda, ár kún saıyn jańa­lyq, bizder de sol jaqsy­lyq habarlardyń kýási bolyp, alda­ǵy­ kúnderge úlken úmitpen qa­raı­myz. Eldiktiń, egemendiktiń óz jerimizde saltanat qurǵanyna táýbe dep táýelsizdik degen ulyq uǵymdy qadirlep, ony máń­gilik saqtap qalýǵa árqaı­sy­myz Elbasy sekildi úles qosýy­myz mindet, paryzymyz dep bilemin. Kúni keshe ǵana Astanada ótken «Nur Otan» halyqtyq-demokratııalyq partııasy XIII seziniń jumys barysyn, kún tártibine usynylǵan alty máseleniń biraýyzdan qabyldan­ǵanyn teledıdar arqyly kórdim. Biz jańa memleket, jańa qoǵam qurdyq, jahandyq álemde ómir súre alatyn jańa urpaq tárbıeledik, – dedi Elbasy. Qan­daı dál aıtylǵan sózder, shy­nynda da, qazir biz elimizdiń keleshek irgesin nyqtaıtyn jańa jas býyn tárbıelep jatyrmyz. О́ńirdegi balalardyń quqyqtary men zańdy múddelerin qorǵaý jónindegi mindetterdi iske asy­rý maqsatynda balalardyń qu­qyqtaryn qorǵaý departamenti óz qyzmetin «Kereký-Ertis óńiri­niń balalary – elimizdiń balalary», «О́ńir balalary sandar men faktilerde», «Balalar­dyń quqyqtary týraly shyn­dyq», «Balalyq shaqty qorǵaý», «Balalar – XXI ǵasyr baılyǵy» atty tórt joba arqyly jumys jasaı­myz. Departament quryl­ǵan eki jyl ishinde bilim berý, densaýlyq saqtaý, áleýmettik qor­­ǵaý sala­syn­daǵy ókildermen birlesip, balalar úılerine ba­ryp kez­desýler ótkizip kelemiz. Elba­s­y saıasaty­nyń arqasynda týǵan ata-anasy­nan jylylyq kórmegen balalar úıindegi jetim sábıler, ınternat tárbılený­shileri búginde memleket qamqor­lyǵynda. Sezde Prezıdent al­daǵy saılaýǵa túsý­ge, eli úshin qyzmet jasaýǵa kelisimin berdi. Nursultan Nazarbaev­tyń halyq úshin, árıne, orny bólek, már­tebesi bıik. Al, bala­lary­myz­dyń bolashaǵy úshin bizge ty­nysh­­tyq, saıası turaqtylyq, aýyz­­bir­shilik árqashanda kerek. Sol úshin men saılaýda óz daýy­symdy Elbasynyń jeńisi úshin beremin. Gúlbaram NAÝRYZBAEVA, balalardyń quqyǵyn qorǵaý oblystyq departamentiniń dırektory. Pavlodar oblysy.