Keri baılanys kóńil ósirdi

«Jaýyngerlik januıadaı uıysqan Ulttyq ulan – eli men halqyna qorǵan!» atty aksııa aıasynda áskerı-patrıottyq baǵyttaǵy kóptegen is-sharalar ótkizilýde. Sonyń biri – Ulttyq ulan basshylyǵy men áskerı bólim jetekshileriniń sarbaz ata-analarymen kezdesýi jáne olarǵa balalarynyń áskerı boryshyn qandaı jaǵdaıda ótkerip jatqandyǵyn óz kózderimen kórýge jasalǵan múmkindik der edik. Elimizdiń kúsh qurylymdarynda tuńǵysh ret ótkizilip otyrǵan taǵylymdyq shara Kókshetaýdaǵy №5510 áskerı bóliminen bastaý aldy. Ulttyq ulan bas qolbasshy­synyń tárbıe jáne áleýmettik-quqyqtyq jumystar jónin­degi orynbasary general-maıor Muha­metqalı Satov 300-den as­tam ata-ana qatysqan kezdesýde sóz sóı­lep, sarbazdardyń jaýyn­ger­lik qyzmeti men atqaratyn min­­detteri jaıly túsindirip, kóp­­shiliktiń kókeıinde júrgen saýal­daryna jaýap beredi. Son­daı-aq, qonaqtardyń nazaryna balalarynyń sálemdemesi jol­danǵan beınejazbalar usy­ny­lyp, perzentteri qyzmet atqa­ryp jatqan áskerı bólimnen ti­ke­leı baılanysta habarlasýǵa múm­kindik týdy. Taǵy bir aıta keter­ligi, sharada Ulttyq ulan­nyń áskerı bólimderindegi Áıelder keńesiniń qurylǵany málim boldy. Endigi jerde ata-analar ul­dary­nyń qyzmeti qalaı ótip jat­­qanyn bilý úshin tikeleı baı­lanysqa shyǵa alady. Aıta keterligi, sońǵy eki sha­qy­rylymda Aqmola oblysynyń 714 azamaty Ulttyq ulan qataryn tolyqtyrǵan eken. Búgingi kúni olar respýblıkamyzdyń ərtúrli aımaǵyndaǵy on əskerı bólimde mindetin adal oryndaýda. Kez­desý­ge jınalǵandar elimizdiń bas­qa óńirlerinde paryzyn ótep júrgen balalarymen onlaın-rejiminde baılanysqa shyqty. Altyn alqaly ájeı Rym­jan Joldybaeva Qaraǵandyda qyz­met atqaryp júrgen nemeresi Maq­­satpen tildesip máre-sáre bol­­dy. Kókshetaýlyq Bıǵash Ev­chen­ko Almatydaǵy 5571 áske­r­ı bólimindegi uly Seriktiń hal-jaǵdaıyn bilip, ystyq yqy­lasty sálemin joldap jatty. Kók­shetaý qalasynyń turǵyny Baqytgúl Bıkenova  Pavlodar qa­la­synda Otan aldyndaǵy boryshyn ótep júrgen Dáýren balasymen qaýyshqandaı bolyp, kózi­ne jas aldy. Al Bek deıtin azamat inisi Qýanysh Qaıratulynyń 5506 áskerı bólimine alynǵandyǵyn, biraq, odan bir aı boıy habar joq­tyǵyn aıtqan bolatyn. Bul ótinish boıynsha qolma-qol baılanys or­natyldy. Qýanysh din aman, qyz­me­tin oıdaǵydaı atqaryp júr eken. Árıne, tikeleı baılanysqa dál osy sátte áskerı qyzmetten bos sar­baz­dardyń qatysqandyǵy belgili. Kókshetaýdaǵy áskerı bólim­de áskerı jáne arnaıy teh­nı­ka­lardyń kórmesi uıym­das­tyrylyp, sarbazdardyń qyzmet biliktiligi kórsetildi. Ata-analar ashananyń, kazarmalardyń, kitaphananyń, tipti, lazarettiń jumysymen tanysyp, qolaıly jaǵdaılar jasalǵandyǵyna rızashylyǵyn aıtty. Biz «AGS-17» qarýyn qolyna ustap turǵan Ádil Táshimdi sózge tarttyq. Ol bıyl orta mektepti bitirgen eken. Aǵasy Baqtııar Al­maty oblysyndaǵy Ulttyq ulan­nyń Qarakemer áskerı bóliminde óz boryshyn ótep júr eken. Kú­resten sport sheberi ataǵy bar ol da Ulttyq ulanda qyzmet etkisi keletindigin bildirdi. Áskerı ómirde sarbazdardyń ata-analaryna joldanatyn eń baǵa­ly marapat – «Elge hat» alǵysy. Bas qolbasshynyń orynbasary bul joly 19 otbasynyń ókiline osyndaı iltıpat hatyn tapsyrdy. Kezdesý sońynda ata-analar­dyń suraqtaryna «Ortalyq» aımaqtyq qolbasshysynyń oryn­­basary polkovnık Murat Atı­beev, Aqmola olystyq IID bas­tyǵynyń orynbasary Beıbit Ádil­hanov, qorǵanys isteri depar­ta­menti bastyǵynyń orynbasary Erkesh Bekbaev, Petropavl gar­nızonynyń aǵa prokýrory Aby­laı Igembaev tııanaqty jaýaptar qaıtaryp, tıisti keńester berdi. Sol kúni Qazaqstan Res­pýb­lıka­sy Ulttyq ulany qolbas­shysynyń orynbasary general-maıor Muhametqalı Satov «Dostyq» úıinde Ulttyq ulan bir januıa. Biz halqymyzdy qorǵaı­myz!» atty erlik sabaǵyn ótkiz­di. Atalmysh sharaǵa Kókshetaý qalasy əkimdiginiń ókilderi, qu­qyq qorǵaý organdarynyń qyz­­met­kerleri, №5510 əskerı bóli­­mi­niń ardagerleri men jeke quramy qatysty. Baqbergen AMALBEK, «Egemen Qazaqstan» Aqmola oblysy