Kópsalaly aýrýhana ashyldy

Jaqynda Taldyqorǵanda qa­la­lyq kópsalaly aýrýhana ashyldy. Aıtýly oqıǵaǵa qala turǵyndary men qonaqtary kóptep jınal­dy. Halyqtyń qýanyshyn bó­lisýge Almaty oblysynyń ákimi Amandyq Batalov arnaıy kelip qatysty. Ma­ńyzdy nysandy sal­ǵan qu­ry­lysshylar qaýymyna alǵys aıtty. Jalpy aýmaǵy 33885,6 sharshy metr jerdi alyp jatqan ǵımarattyń quny 9,3 mlrd teńge. 12 bólim­shede stasıonarlyq joǵary ma­mandandyrylǵan medısınalyq kómek kórsetiledi. Árqaısysy úsh qabattan turatyn 4 korpýsta 300 tósektik oryn bar. О́ńir basshysy dárigerlerge jaýapty mindetterin abyroımen oryndaıtyndaryna senim bil­dirdi. Sondaı-aq, jurtshylyq ókilderi de tilekterin aıtty. Medısına salasynyń ardageri Shaımerden Sadyqov Taldyqorǵanda osyndaı zamanaýı aýrýhananyń ashylǵanyna rıza bolyp, aq batasyn berdi. Qalyptasqan dástúr boıynsha qurylysshylar ókili jańadan salynǵan ǵımarattyń sımvolıkalyq kiltin qalalyq kópsalaly aýrýhananyń dırektory Sáýle Qusmoldanovaǵa tabys­tady. Saltanatty jaǵdaıda oblys ákimi Amandyq Batalov aýrý­ha­nanyń 7 dárigerine páter kiltterin tapsyryp,  jumystaryna sáttilik tiledi. Nurbol ÁLDIBAEV, «Egemen Qazaqstan» TALDYQORǴAN Sýretti túsirgen Jumabaı Musabekov