Aq marjandy alqapta qaýyrt qımyl bastaldy

Sonaý kóktemnen bastalǵan sharýanyń tynymsyz eńbegi aqtalatyn sátke taıady. Beli búgilip, ketpeni kúnmen shaǵylysyp eńbek etken dıqan qaýymy eginge oraq saldy. Nápaqasyn jerden aıyryp, eldiń ıgiligi úshin jumys istep jatqan jandardyń baraqatty kezi bul. Rızyq-nesibelerin shashpaı-tókpeı jınap alyp, qambaǵa quıyp, jurttyń paıdasyna asyrsa, odan asqan baqyt joq. О́tken aptada aımaq basshysy Qyrymbek Kósherbaev Syrdarııa aýdanyna ju­mys saparymen bardy. Al­dy­men «Aqjarma» sharýa qojalyǵynda bolǵan oblys ákimi eginge oraq salý rásimine qatysyp, syrdarııalyq dı­qan­dardyń qýanyshyna or­taqtasty. Dıqandar eńbe­giniń jemisin kóretin aıtýly sharada Sosıalıstik Eńbek Eri Sálıma Jumabekova bata berip, eginge oraq salý rási­miniń lentasyn qıdy. Bıyl «Aqjarma» sharýa qojalyǵy boıynsha 2300 gektar jerge kúrish, 151 gek­tar jerge aralas bıdaı jáne 189 gektarǵa jońyshqa egilgen. Sharýashylyq basshysy Marat Bısenov eginniń bitik shyqqanyna qarap, dıqandardyń eńbegi eselenip qaıtady dep senim artýda. Bıyldyń ózinde 151 gektar jerge egilgen bıdaıdyń ár gektarynan 20 sentnerden ónim aldy. Sharýashylyqtyń óndiristik qýatyn arttyrý maqsatynda 2012-2016 jyldar aralyǵynda 574 mıllıon 25 myń teńge qarajatqa tehnıkalar alynǵan. Materıaldyq-tehnıkalyq bazasy jaqsarǵan sharýashylyq búginde egin jınaý naýqanyna 100 paıyz daıyn. Eginshilikpen qa­tar sharýashylyqta mal ósi­rý jumystary da qolǵa alyn­ǵan. Búginde 260 bas asyl tuqymdy iri qara kútimge alynyp, táýligine 400 lıtr sút óndirilýde. Osy jyly sha­rýashylyq mal bordaqylaý alańynda 9235 tonna et óndirildi. Irgeli sharýashylyqtyń qýanyshyna ortaqtasqan Qyrymbek Eleýuly munan soń «Dala kúni-2016» ob­lystyq semınar-keńestiń plenaralyq májilisine qa­tysty. Aımaqtyń bar­lyq aýdandarynan aýyl sha­rýashylyǵy salasynyń mamandary egistiktiń basynda ótken semınar-keńeske jınalyp, tájirıbe almasty. Jıynda óńir basshysy barsha sharýalardy egin jınaý naýqanynyń bastalýymen quttyqtady. – Bıyl oblys boıynsha barlyǵy 168,5 myń gektar jerge dán egildi. Búgingi tańda bıdaı, jońyshqa jınalyp boldy. Atalǵan daqyldardan ótken jylǵa qaraǵanda mol ónim aldyq. Bıyl kúrishten de gektarynan 55 sentnerden ónim alamyz dep josparlaýdamyz. Kúzdik bıdaıdyń ár gektarynan – 15,7 sentnerden, kóktemgi bıdaıdyń ár gektarynan – 14,9 sentnerden, al jońyshqanyń ár gektarynan – 14,7 sentnerden ónim jınaldy. Munyń barlyǵy ala jazdaıǵy sharýalardyń eńbeginiń jemisi, – dedi oblys ákimi. Basqosýda oblystyq aýyl sharýashylyǵy bas­qar­ma­synyń basshysy Baqyt Jahanov aǵymdaǵy jyly aýyl sharýashylyǵy boıyn­sha óńirde atqarylǵan ju­mystarǵa toqtaldy. Son­daı-aq, Syrdarııa, Shıeli, Qazaly aýdanynyń ákimderi egin jınaý naý­qanyna daı­yndyq barysy týraly baıan­dady. Aıta keteıik, bıyl aı­maqta kúrish egý kólemi ótken jylmen salystyrǵanda 4,4 myń gektarǵa kemigenimen, basqa  daqyldardy egý kólemi artyp otyr. Aǵymdaǵy jyly 79,6 myń gektar jerge egilgen kúrishtiń 60,5 myń gektary jaqsy, al 16,7 myń gektary ortasha dep baǵalandy. Qazirgi tańda barlyq kú­rish alqaptary ónimdi jı­naýǵa daıyn. Jıynda «Agro­holdıng Baıqońyr» JShS dırektory Samurat Kópeshov qaıta qurylǵan Jalaǵash elevatoryn keńeıtý jáne qalpyna keltirý ju­mystarynyń aıaqtalýǵa ja­qyn ekenin jetkizdi. Atal­ǵan nysanǵa kúrdeli jón­deý jumystaryn júrgizý, astyq tazalaıtyn agregattar men mashınalar jáne jańartý qural-jabdyqtaryn satyp alý maqsatynda 232 mıllıon 912 myń teńge qarajat berilip, ıgerildi. Sonymen qatar, oblystaǵy 27 sharýashylyqpen jalpy quny 1 mıllıard 300 mıllıon 215 myń teńgeni quraıtyn 22076 tonna kúrish salysyn satý jáne satyp alý kelisimsharttary jasaldy. Búginniń ózinde astyq tapsyrýǵa birqatar aýdandardan usynys kelip otyr. Semınar sońynda oblys ákimi egin jınaý naýqanymen qatar, kelesi jylǵy egin egýdiń daıyndyq jumystaryn nazardan tys qaldyrmaý kerek ekenin jetkizdi. Sondaı-aq, jıynda aımaq basshysy egin jınaý jumystaryn qyrkúıek aıynyń sońyna deıin, al 2017 jyldyń aýyl sharýashylyǵy daqyldaryn ornalastyrý syzbasyn 1 qarashaǵa deıin aıaqtaýdy tapsyrdy. Semınar-keńesten keıin «Aqjarma jáne K» sharýa qojalyǵynyń kúrish aqtaý zaýytyn aralaǵan Qy­­rym­­­bek Eleýuly onyń jumy­syna joǵary baǵa berdi. Dál osy kúni Aqjarma aýyl­dyq okrýginde kúrishshi, qo­ǵam qaıratkeri Bolat Nurseıitov­tiń atyna alań ashylyp, aýyl­da merekelik shara uıymdas­tyryldy. Kúrishshiler brıgadasyn basqarǵan ol 15 jyl qa­t­arynan mol ónim jınap, aı­maqtyń aýyl sharýa­shyly­ǵyn damytýǵa zor úles qosqan edi. Erjan BAITILES, «Egemen Qazaqstan» Qyzylorda oblysy