1992
* 22 mamyrda Qazaqstan Respýblıkasy IýNESKO-ǵa múshe bolyp qabyldandy;
* 25 mamyrda Máskeýde Qazaqstan Respýblıkasynyń Prezıdenti N.Á.Nazarbaev pen Reseı Federasııasynyń Prezıdenti B.N.Elsın eki el arasyndaǵy Dostyq, yntymaqtastyq jáne ózara kómek týraly Shartqa qol qoıdy;
* 1 maýsymda Joǵarǵy Keńestiń segizinshi sessııasynda Prezıdent, Konstıtýsııalyq komıssııanyń tóraǵasy N.Á.Nazarbaev «Qazaqstan Respýblıkasy Konstıtýsııasynyń jobasy týraly» baıandama jasady. О́z baıandamasynyń sońynda Elbasy bolashaq Konstıtýsııa «Qoǵam ómirine aıqyndyq engizip, azamattardyń quqyqtary men mindetterin jiti belgileıdi, ókimet ınstıtýttaryna, ákimshilik jáne sot organdaryna senimdi áreket etýge múmkindik beredi. Qysqasy, qoǵam men memleket ómirinde bizdiń árqaısymyzdyń quqyǵymyz ben bostandyǵymyzdy qorǵaý úshin, qazaqstandyqtardyń jaqsy ómiri jolynda respýblıkada júrgizilip otyrǵan túbegeıli reformalardyń tabysty bolýy úshin qajetti tártip ornatýǵa múmkindik beredi», dep atap ótti;
* 4 maýsymda Qazaqstan óziniń memlekettik rámizderin anyqtady. Dáliregi, Prezıdent «Qazaqstan Respýblıkasynyń Memlekettik jalaýy týraly», «Qazaqstan Respýblıkasynyń Memlekettik eltańbasy týraly», «Qazaqstan Respýblıkasy Memlekettik ánuranynyń mýzykalyq redaksııasy týraly» zańdarǵa qol qoıdy. Gımnniń sózine jarııalanǵan konkýrsty odan ári jalǵastyra túsýge sheshim qabyldandy;
* 6 maýsymda Joǵarǵy Keńes sessııasynda elimizdiń jańa memlekettik rámizderin resmı túrde tanystyrý sharasy uıymdastyryldy. Rásim sátinde Elbasy N.Á.Nazarbaev: «Biz táýelsizdikke ańsap, zaryǵyp jettik. Endi sol táýelsizdiktiń qasıetti belgilerin de erekshe qadirleýimiz, qasterleýimiz kerek. Árbir azamat Qazaqstannyń Jalaýyn, Eltańbasyn, Ánuranyn tumardaı qasıet tutýy qajet. Eldigimizdiń synalatyn bir tusy osy», – dedi. Osylaısha, Prezıdent rezıdensııasy men Parlament úıiniń tóbesinde Kók týymyz alǵash ret jelbiredi;
* 16 maýsymda Almatyda Elbasy BUU delegasııasyn qabyldaýy sátinde atalǵan halyqaralyq uıymnyń Qazaqstandaǵy О́kildigin ashý jóninde kelisim jasaldy;
* 22 maýsymda Memleket basshysynyń Jarlyǵymen Qazaqstan Respýblıkasynyń Mınıstrler Kabıneti janyndaǵy Ulttyq patent vedomstvosy quryldy. Qurylymnyń negizgi maqsaty – ónerkásiptik menshik obektilerin qorǵaý salasynda memlekettik saıasat júrgizý, birtutas patent júıesin qurý, ónertabystarǵa, ónerkásiptik úlgilerge, taýar belgilerine jáne ónerkásiptik menshiktiń basqa da obektilerine qorǵaý qujattaryn berý, kásipkerlikti damytýda ozyq tehnologııany, taýarlar men kórsetiletin qyzmetti taratýda kedergilerdi joıý. Sondaı-aq, osy kúni Qazaqstannyń BUU janyndaǵy Turaqty ókili Aqmaral Arystanbekova BUU Bas hatshysy Býtros Ǵalıge qyzmetke kirisý ókilettigin tapsyrdy;
* 23 maýsymda Mınıstrler Kabıneti Memleket basshysynyń «Semeı ıadrolyq synaq polıgonyn jabý týraly» Jarlyǵyn júzege asyrý boıynsha qosymsha sharalar jóninde qaýly qabyldady. Sonyń nátıjesinde Semeı oblysynyń barlyq aýdandary, Semeı jáne Kýrchatov qalalary, Shyǵys Qazaqstan oblysynyń Glýbokoe, Zaısan, Tavrııa, Tarbaǵataı, Ulan, Shemonaıha aýdandary jáne О́skemen qalasy, Qaraǵandy oblysynyń Egindibulaq jáne Qarqaraly aýdandary, Pavlodar oblysynyń Baıanaýyl, Lebıaji jáne Maı aýdandary ekologııalyq apat aımaǵy dep jarııalandy. Bul máselede radıasııalyq jaǵdaı, syrtqy sáýleniń ótýinen túsetin aýyrtpalyq shamasy týraly derekter, halyqtyń syrqattanýy men qazaǵa ushyraýynyń demografııalyq kórsetkishteri negizge alyndy;
* 24 maýsymda Túrkistan qalasynda Qazaqstan Respýblıkasy men О́zbekstan Respýblıkasynyń arasyndaǵy Dostyq, yntymaqtastyq jáne ózara kómek týraly shartqa qol qoıyldy. Osy aıtýly sharada Elbasy bul tarıhı oqıǵanyń kıeli Túrkistanda, eki halyqqa da qasterli Qoja Ahmet Iаsaýı kesenesiniń irgesinde uıymdastyrylýynda úlken maǵyna bar ekenin atap ótti;
*29 maýsymda Almatyda patshalyq Reseıdiń otarshyldyǵyna qarsy kúresken halyq batyry Syrym Datulynyń týǵanyna 250 jyl tolýyna arnalǵan ǵylymı konferensııa uıymdastyryldy. Jıyn barysynda Syrym Datulynyń esimin Jympıty aýdanyna berý týraly másele kóterildi. Keıin jurtshylyq tilegi qabyl bolyp, Jympıty aýdanyna Syrym batyrdyń esimi berildi;
* 30 maýsymda Elbasy N.Á.Nazarbaevtyń «1992 jyly egin oraǵyn, aýylsharýashylyq daqyldary ónimin saqtaý men utymdy paıdalanýdy jáne jemshóp daıyndaýdy qamtamasyz etý jónindegi sharalar týraly» Jarlyǵy shyqty. Bul elimizdiń óz astyǵyn alǵash ret basqalardyń qatysýynsyz óz kúshimen jınap alýǵa bet burǵanyn bildiredi. Buǵan deıin el astyǵy Keńes Odaǵynyń túkpir-túkpirinen keletin azamattardyń kómegimen jınalyp, nátıjesinde alynǵan ónimniń ózindik quny ósip ketetin;
*1 shildede Almatydaǵy Dostyq úıinde Qarashyǵanaq ken ornyn óndiristik paıdalanýǵa nıet hattamasyna qol qoıyldy. Aıta keteıik, osydan tórt aı buryn Úkimet Batys Qazaqstandaǵy biregeı munaı-gaz kondensaty ken ornyn ıgerýge halyqaralyq konkýrs jarııalaǵan bolatyn. Konkýrstyń qorytyndysy boıynsha «Brıtısh Gaz» ben «Adjıp» jeńiske jetken-di. Osy oqıǵanyń mańyzdylyǵy eskerile otyryp, bul rásimge Elbasynyń ózi qatysty;
* 2 shildede Joǵarǵy Keńestiń «Qazaqstan Respýblıkasynyń Konstıtýsııalyq sotyn saılaý týraly» qaýlysy qabyldandy. Akademık Murat Baımahanov Qazaqstan Respýblıkasy Konstıtýsııalyq sotynyń tóraǵasy bolyp saılandy;
* 6 shildede Joǵarǵy Keńestiń qaýlysyna sáıkes Oral oblysy – Batys Qazaqstan oblysy, Selınograd oblysy – Aqmola oblysy, Shymkent oblysy – Ońtústik Qazaqstan oblysy, Selınograd qalasy – Aqmola qalasy bolyp ózgertildi;
* 7 shildede «Qazaqstan Respýblıkasynyń ulttyq qaýipsizdik organdary týraly» Zań baspasózde jarııalandy;
* 13 shildede Prezıdent Jarlyǵymen Memlekettik qaýipsizdik komıteti Ulttyq qaýipsizdik komıteti bolyp qaıta quryldy. Komıtet tóraǵasy Mınıstrler Kabınetiniń quramynan shyǵaryldy, sóıtip ol tikeleı Elbasyna baǵynysty bolyp belgilendi;
*15 shildede Aqmola qalasynda umyt qalyp bara jatqan ulttyq meıramdardyń biri – «Qymyzmuryndyq» uıymdastyryldy. Qalanyń tarıhı ataýynyń qaıtarylýyna oraı ótkizilgen mereke jaıynda «Egemendi Qazaqstan» gazetinde «Qazaqtyń qymyzmuryndyq meıramy» taqyrybymen maqala shyqty;
*16 shildede Reseı parlamenti Reseı Federasııasy men Qazaqstan Respýblıkasynyń arasyndaǵy Dostyq, yntymaqtastyq jáne ózara kómek týraly shartty bekitti;
* 31 shildede belgili balýan Dáýlet Turlyhanov Barselonada ótken HHV Jazǵy Olımpıadada qola medal ıelendi. Ol 1988 jylǵy Seýl Olımpıadasynda kúmis medal jeńip alǵan bolatyn. Buǵan deıin eki birdeı Olımpıadada qatarynan júldeger atanǵan qazaq sportshysy bolǵan emes.
