Anany ardaqtaǵan halyq edik...

Toǵyz aı qursaǵynda kóterip, jaryq ómir syılaıtyn, óskenshe mápeleıtin anadan asyl jan bolar ma, sirá? Alaıda, aramyzda bar meıirimin tókken aıaýly anasyn qurmettemeıtin jetesizder de kezdesip jatady. Máselen, Mahambet aýdanynda jan degende jalǵyz ulynan qaıyr kórmeı, ábden sharasy taýsylǵan ana alıment óndirý úshin sotqa júginýge bekinipti. О́ıtkeni, onyń uly tabys tabady. Biraq tabysyn tek óz qajetine ǵana jumsap, anasyna bir tıynyn da bermegen. Tipti, kekirik atqan ul anasynyń jáne óziniń atyna alynǵan nesıeni tóleýge de qulyq tanytpapty. «Aıta, aıta Altaıdy...» degendeı, ulyna alaqanyn jaıyp, kómek suraýdan sharshaǵan ananyń alıment óndirýden basqa amaly bar ma? Sóıtip, aq samaıyn qyraý shalǵan, azdaǵan aqshasyn ne nesıeni tóleýge, ne kúndelikti azyq-túligine jetkize almaǵan qaıran ana sottan ulyn aı saıyn 60 000 teńgeden alıment tóleýge mindetteýdi surapty. Aldyn ala sot otyrysynda taraptar bul daýdy medıasııa tártibimen sheshýge kelisim jasady. Sol kelisimsharttary boıynsha anasyna osy kezge deıin kómektespegen ul endi ómir boıyna aı saıyn 40 000 teńgeden alıment tóleýdi mindetine aldy. Jáne alımentti ómir boıyna tóleıtin boldy. Anasynyń júregine zil batpan júk salǵan jetesizdiń biri Isataı aýdanynda da bar bolyp shyqty. Munda 25 jastaǵy tepse temir úzetin jigit dostarymen tún ortasynda da anasyna maza bermegen. Aqymaq ul aýlada turǵan kólikti tarsyldata uryp, anasynyń tún uıqysy tórt bólgen. Tózimi taýsylǵan ana ulynan aýladan aýlaq ketýin ótingen. Alaıda, anasynyń sózin tyńdamaq túgili qurmetteýdi de umytqan jetesiz ul ne istedi deısiz ǵoı? Dostarynyń kózinshe anasyn balaǵattaǵany azdaı, qolyn qaıyryp, saraıǵa qamap tas­tapty. Aqymaq ulynyń qamaýynan retin taýyp shyqqan ana polısııaǵa shaǵym túsirgen... Alaıda, is sotqa jetkende eki ana da uldaryna keshirim berdi. Shaǵymdaryn qaıtaryp aldy. Sirá, uldarynyń jaýapqa tartylyp, isti bolǵanyn qalamaǵan shyǵar. Biraq, taý qoparardaı bula kúshi bar bul jigitterdiń aqymaqtyq isi analarynyń júre­gine qanjardaı qadalǵanyn uǵa aldy ma? Búgingi zamannyń urpa­ǵy nege qatygezdenip barady? Tegin­de, biz ardaqty analardy aıala­ǵan, qurmettegen ult emes pe edik? Muny túsinetin ul bolsa, qanekı? Joldasbek ShО́PEǴUL, «Egemen Qazaqstan» ATYRAÝ