Qazaqstan Respýblıkasy Ishki ister mınıstrliginiń buıryǵy № 319

  2015 jylǵy 8 sáýir, Astana qalasy Azamattyq pırotehnıkalyq zattardy jáne olar qoldanylyp jasalǵan buıymdardy saqtaý, esepke alý, paıdalaný, tasymaldaý, joıý, ákelý, áketý qaǵıdalaryn bekitý týraly «Qazaqstan Respýblıkasynyń ishki ister organdary týraly» 2014 jylǵy 23 sáýirdegi Qazaqstan Respýblıkasynyń Zańy 11-babynyń 25) tarmaqshasyna sáıkes buıyramyn: 1. Qosa berilip otyrǵan «Azamattyq pırotehnıkalyq zattardy jáne olar qoldanylyp jasalǵan buıymdardy saqtaý, esepke alý, paıdalaný, tasymaldaý, joıý, ákelý, áketý qaǵıdalaryn bekitý týraly» qaǵıdalary bekitilsin. 2. Qazaqstan Respýblıkasy Ishki ister mınıstrliginiń Ákimshilik polısııa komıteti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda resmı jarııalaýǵa joldaýdy; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy qamtamasyz etsin. 3. Oblystardyń, Astana jáne Almaty qalalarynyń ishki ister departamentteriniń bastyqtary osy buıryqty tıisti qyzmetter qyzmetkerleriniń zerdeleýin uıymdastyrsyn jáne onyń múltiksiz oryndalýyn qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa general-maıory E.Z. Týrgýmbaevqa jáne Qazaqstan Respýblıkasy Ishki ister mınıstrligi Ákimshilik polısııa komıtetine (I.V. Lepeha) júktelsin. 5. Osy buıryq alǵashqy resmı jarııalanǵan kúninen keıin kúntizbelik jyrma bir kún ótken soń qoldanysqa engiziledi. Ishki ister mınıstri polısııa general-leıtenanty Q. Qasymov «KELISILDI» «KELISILDI» Qazaqstan Respýblıkasynyń Qazaqstan Respýblıkasy Investısııalar jáne damý mınıstri Ulttyq ekonomıka mınıstri _________________Á. Isekeshev _________________ E. Dosaev 2015 jylǵy « » ___________ 2015 jylǵy « » ___________ Qazaqstan Respýblıkasy Ishki ister mınıstriniń 2015 jylǵy 8 sáýirdegi № 319 buıryǵymen bekitilgen Azamattyq pırotehnıkalyq zattar men olar qoldanylyp jasalǵan buıymdardy saqtaý, esepke alý, paıdalaný, tasymaldaý, joıý, ákelý, áketý qaǵıdalary 1. Jalpy erejeler 1. Osy Azamattyq pırotehnıkalyq zattar men olar qoldanylyp jasalǵan buıymdardy saqtaý, esepke alý, paıdalaný, tasymaldaý, joıý, ákelý, áketý qaǵıdalary (budan ári – Qaǵıdalar) Qazaqstan Respýblıkasynyń «Qazaqstan Respýblıkasynyń ishki ister organdary týraly» 2014 jylǵy 23 sáýirdegi, «Ruqsattar jáne habarlamalar týraly» 2014 jylǵy 16 mamyrdaǵy zańdaryna sáıkes azamattyq pırotehnıkalyq zattar men olar qoldanylyp jasalǵan buıymdardy (budan ári – pırotehnıkalyq zattar men buıymdar) saqtaý, esepke alý, paıdalaný, tasymaldaý, joıý, ákelý, áketý tártibin aıqyndaıdy. 2. Osy Qaǵıdalar kez kelgen qaýiptilik dárejesindegi óndiristik pırotehnıkalyq zattar men buıymdarǵa qolda­nylmaıdy. 3. Pırotehnıkalyq zattar men buıymdardy qoldaný kezinde áleýetti qaýiptiligi dárejesine qaraı 5 synypqa bólinedi: 1) I synyp – qaýipti faktorlar qatarynda soqqy beretin tolqyndar men jarylys kezinde jan-jaqqa ushatyn jaryqshaqtary joq, kınetıkalyq qozǵalys energııasy 0,5 Dj-dan aspaıtyn, buıymnan 0,25 m qashyqtyqtaǵy akýstıkalyq sáýlelenýi 125 DsB-dan aspaıtyn, al qalǵan faktorlar boıynsha qaýipti aımaq radıýsy 0,5 m-den artyq emes buıymdar; 2) II synyp – qaýipti faktorlar qatarynda soqqy beretin tolqyndar men jarylys kezinde jan-jaqqa ushatyn jaryqshaqtary joq, kınetıkalyq qozǵalys energııasy 5 Dj-dan aspaıtyn, buıymnan 2,5 m qashyqtyqtaǵy akýstıkalyq sáýlelenýi 140 dB-dan aspaıtyn, al qalǵan faktorlar boıynsha qaýipti aımaq radıýsy 5 m-den artyq emes buıymdar; 3) III synyp – qaýipti faktor qatarynda soqqy beretin tolqyndar men jarylys kezinde jan-jaqqa ushatyn jaryqshaqtary joq, baǵyttalǵan qozǵalys kezindegi kınetıkalyq energııasy 5 Dj-dan astam, baǵyttalmaǵan qozǵalys kezinde 20 Dj-dan aspaıtyn, buıymnan 5 m qashyqtyqtaǵy akýstıkalyq sáýlelenýi 140 dB-dan artyq emes, al qalǵan faktorlar boıynsha qaýipti aımaq radıýsy III synyptyń 30 m-den artyq emes jáne IIIa tómengi synyby úshin 20 m-den aspaıtyn buıymdar; 4) IV synyp – qaýipti faktorlar qatarynda soqqy beretin tolqyndar joq, al qaýipti aımaq radıýsy qalǵan faktorlardyń eń az degende bireýi boıynsha 30 m-den astamdy quraıtyn buıymdar; 5) V synyp – I-IV synyptarǵa kirmegen ózge de pırotehnıkalyq zattar men buıymdar. Azamattyq pırotehnıkalyq zattar men buıymdar maqsaty boıynsha pırotehnıkalyq zattar jáne turmystyq maqsattaǵy buıymdar (I-III synyptar) men pırotehnıkalyq zattar jáne tehnıkalyq maqsattaǵy buıymdar (IV-V synyptar) bolyp bólinedi. 2. Azamattyq pırotehnıkalyq zattar men buıymdardy saqtaý jáne esepke alý tártibi 4. Azamattyq pırotehnıkalyq zattar men buıymdardy saqtaý ishki ister organdarynyń ruqsaty negizinde júzege asyrylady. 5. Pırotehnıkalyq zattar men buıymdardy saqtaýǵa ruqsat berý úshin qoıma qyzmet kórsetetin aýmaǵynda ornalasqan ishki ister organyna zańdy tulǵa: 1) saqtaýǵa jatatyn pırotehnıkalyq zattar men buıymdardyń ataýy men sanyn (salmaǵyn, ólshemin), saqtaý úshin jaýapty adamnyń tegin, atyn, ákesiniń atyn, jeke kýáliginiń nemese pasportynyń serııasy men nómirin kórsete otyryp, qoldaýhatty; 2) órtke qarsy qaýipsizdigi qaǵıdalarynyń talaptaryna sáıkes keletin jáne esepke alynǵan ónimniń saqtalýyn, esepke alýdy jáne bar-joǵyn tekserý múmkindigin qamtamasyz etetin daıyn pırotehnıkalyq ónimdi satýǵa arnalǵan úı-jaılar men olardy ótkizýge arnalǵan qoımalardyń menshik quqyǵyn rastaıtyn qujattyń kóshirmesin usynady. Pırotehnıkalyq zattar men buıymdardy saqtaý úshin menshik qoıma bolmaǵan jaǵdaıda, úshinshi tulǵadan saqtaýǵa ne qoımany (qoımalardy) jalǵa alýǵa arnalǵan sharttyń (sharttardyń) kóshirmesin usynady. 6. Pırotehnıkalyq zattar men buıymdardyń saqtaýǵa arnalǵan ruqsatty aýmaqtyq ishki ister organdary: 1) zańdy tulǵa ótinish bildirgen kezde ony qaraý úshin ózge sýbektilerden, laýazymdy adamdardan aqparat alý ne sol jerge shyǵa otyryp, tekserý talap etilmegen kezde kúntizbelik on bes kún; 2) zańdy tulǵa ótinish bildirgen, ony qaraý úshin ózge sýbektilerden, laýazymdy adamdardan aqparat alý ne sol jerge shyǵa otyryp, tekserý talap etilgen kezde kúntizbelik otyz kún ishinde beredi. 7. Pırotehnıkalyq zattar men buıymdardy saqtaýǵa arnalǵan ruqsat úsh jyldyq merzimge beriledi. Ruqsat berýden dálelýi bas tartý ruqsat berý úshin belgilengen merzimde júzege asyrylady. Mynadaı: 1) eger osy Qaǵıdalardyń 5-tarmaǵynyń talaptaryna sáıkes qujattar usynylmaǵan; 2) saqtaý orny osy Qaǵıdalardyń 10-34-tarmaqtarynyń talaptaryna sáıkes kelmegen jaǵdaılarda ruqsat berýden bas tartylady. 8. Pırotehnıkalyq zattar men buıymdardy saqtaýǵa arnalǵan ruqsattyń merzimi aıaqtalǵan kezde ol uzartýǵa jatpaıdy. Pırotehnıkalyq zattar men buıymdardy saqtaýǵa arnalǵan ruqsatty joǵaltqan, búldirgen kezde ruqsat ıesi ruqsattyń telnusqasyn alýǵa quqyǵy bar. Pırotehnıkalyq zattar men buıymdardy saqtaýǵa arnalǵan ruqsattyń joǵalǵan, búlingen blankileri ishki ister organdary joǵalǵany nemese búlingeni týraly ótinishti alǵan kúnnen bastap jaramsyz dep esepteledi. Ishki ister organdary ótinishti bergen kúnnen bastap eki jumys kún ishinde joǵary oń jaq buryshynda «telnusqa» degen jazbalarmen jáne ruqsatty bastapqy bergen kúnin jáne telnusqany bergen kúnin kórsete otyryp, pırotehnıkalyq zattar men buıymdardy saqtaýǵa arnalǵan ruqsatynyń telnusqasyn berýdi júrgizedi. 9. Pırotehnıkalyq zattar men buıymdardy saqtaý paıdalaný qujattamasynyń talaptary men órt (óndiristik) qaýipsizdigi qaǵıdalaryna sáıkes júrgiziledi jáne pırotehnıkalyq buıymdary bar oramdarǵa kún sáýlesiniń jáne atmosferalyq jaýyn-shashynnyń tikeleı túsýine jol berilmeıdi. 10. Tek arnaıy bólingen oryndarda jáne eskertý aqparaty bolǵan kezde ǵana jaramsyz bolǵan (aqaýǵa jatqyzylǵan) pırotehnıkalyq zattar men buıymdardy qoımalarda ýaqytsha saqtaýǵa ruqsat etiledi. 11. Azamattardyń jeke paıdalaný úshin satyp alynǵan, salmaǵy boıynsha 333 kg brýtto aspaıtyn turmystyq maqsattaǵy pırotehnıka zattar men buıymdar órt qaýipsizdigin qamtamasyz ete otyryp jáne tıisti pırotehnıkalyq zattar men buıymdardy qoldaný jónindegi nusqaýlyq boıynsha saqtalady. 12. Pırotehnıkalyq zattar men buıymdardy saqtaý kóterme, shyǵys qoımalarynda jáne bólshek saýda jelileriniń qoımalarynda shtabelder (tósemelerde nemese aǵash tósemderde) jáne stellajdarda júzege asyrylady. Pırotehnıkalyq zattar men buıymdardy jabdyqtalǵan kólik quraldarynda nemese júrgiziletin jumystyń tehnologııalyq sıkli sheginde paıdalaný oryndarynda ýaqytsha saqtaýǵa ruqsat etiledi. 13. Turmystyq maqsattaǵy pırotehnıkalyq zattar men buıymdardyń bólshek saýdasy, oǵan tikeleı kún sáýlesiniń jáne atmosferalyq jaýyn-shashynnyń túsýin boldyrmaı ónimniń saqtalýyn qamtamasyz etetin dúkenderde, dúkenderdiń bólimderi men seksııalarynda, pavılondar men dúńgirshekterde júrgiziledi. Saýda úı-jaılaryn pırotehnıkalyq zattarmen jáne buıymdarmen toltyrýdyń tikeleı normasy saýda úı-jaıynyń árbir 25 sharshy metrine brýtto boıynsha 1200 kg pırotehnıkalyq buıymdar men zattarǵa eseptelip belgilenedi. 333 kg aspaıtyn turmystyq pırotehnıkalyq zattar men buıymdardy 25 sharshy metrden az saýda úı-jaılarynda saqtaýdy jáne satýdy birýaqytta júrgizýge bolady. 14. Turmystyq maqsattaǵy pırotehnıkalyq zattar men buıymdardy satý júzege asyrylatyn úı-jaılar shtattan tys jaǵdaılar kezinde adamdardy shyǵarý úshin kedergi keltirmeıtin orynda ornalastyrylady. Turmystyq maqsattaǵy pırotehnıkalyq zattar men buıymdardy satýǵa arnalǵan saýda úı-jaılary órt sıgnalızasııasymen jáne órt sóndirýdiń bastapqy quraldarymen jabdyqtalady. 15. Saýda úı-jaılaryndaǵy turmystyq maqsattaǵy pırotehnıkalyq zattardyń úlgileri bar sóreler satyp alýshynyń pırotehnıkalyq zattar men buıymdardyń jazbalarymen tanysý múmkindigin qamtamasyz etedi jáne satyp alýshylardyń buıymdy syrttaı kózben sholýynan basqa kez kelgen is-áreketterin boldyrmaıdy. 16. Turmystyq maqsattaǵy pırotehnıkalyq zattar men buıymdar jylytý júıesi aspaptarynan 0,5 m qashyqtyqta ornalasady. Turmystyq pırotehnıkalyq zattar men buıymdar bar úı-jaılarda mehanıkalyq jáne (nemese) jylý áreketterimen jasalatyn jumystarǵa jol berilmeıdi. 17. О́zine-ózi qyzmet kórsetý dúkenderiniń saýda úı-jaılarynda turmystyq pırotehnıkalyq zattar men buıymdardy satýdy tek mamandandyrylǵan seksııalarda satýshy-konsýltant júrgizedi, satyp alýshylarǵa turmystyq maqsattaǵy pırotehnıkalyq buıymdardy tikeleı ustaýǵa bolmaıdy. 18. Pırotehnıkalyq zattar men buıymdardy saqtaýǵa arnalǵan úı-jaıdyń eki jıyntyq kilti bolýy tıis. Kilttiń bir jıntyǵy únemi buıydardyń saqtalýyna jaýapty adamda, ekinshisi - saqtaýǵa ruqsat berilgen uıym basshysynda mór qoıylǵan penalda bolady. Azamattyq pırotehnıkalyq zattar men buıymdardy saqtaýǵa arnalǵan úı-jaıdyń kiltterin bógde adamdarǵa qoljetimdi jerlerde qaldyrýǵa bolmaıdy. 19. Tehnıkalyq maqsattaǵy qaýiptiligi IV synyptyq azamattyq pırotehnıkalyq zattar men buıymdardy saqtaý qoımalary olardyń maqsatyna baılanysty turaqty (bazıstik), shyǵys jáne jyljymaly qoımalar bolyp bólinedi: 1) bazıstik qoımalar - buıymdy uzaq ýaqyt saqtaý úshin qyzmet etedi; 2) shyǵys qoımalary - buıymmen aǵymdaǵy qajettilikti qanaǵattandyrý úshin qyzmet etedi; 3) jyljymaly qoımalar - buıymdy qysqa ýaqyt saqtaý úshin qyzmet etedi. Pırotehnıkalyq zattar men buıymdardy saqtaý úshin jarylǵysh materıaldardyń jumys istep turǵan qoımalaryn paıdalanýǵa bolady. 20. Qaýiptiligi IV synyptyq pırotehnıkalyq zattar men buıymdar Astana jáne Almaty qalalarynyń, oblystardyń jáne Kóliktegi ishki ister departamentteri (budan ári - IID, KIID) aýmaqtylyǵy boıynsha bergen basqa da zańdy tulǵalarǵa olardy saqtaý orny boıynsha qoımalardan satylady. 21. Azamattyq pırotehnıkalyq zattar men olar qoldanylyp jasalǵan buıymdardy tolyqtyrý normasy: 1) bazıstik qoımalar úshin - 200 000 kg-nan; 2) shyǵys qoımalary úshin - 5 000 kg-nan; 3) saýda uıymdarynyń (dúkenderdiń) qoıma úı-jaılary úshin - 5 000 kg-nan aspaýy tıis. 22. Saqtaý oryndaryn jeldetý úshin qulyppen jabylatyn torly metall esikter, al terezeler men jeldetkish qaqpaqtaryna metall torlar men torshalar ornatylady. Torly esikter men torlardyń kózderi kólemi 150 mm h 150 mm aspaýy, tor shybyǵynyń qalyńdyǵy 10 mm kem bolmaýy tıis. 23. Árbir saqtaý qoımalarynda pırotehnıkalyq zattar men buıymdardy saqtaýǵa aýmaqtyq ishki ister organdary bergen ruqsat etilgen sanynan aspaıtyn mólsherde saqtaýǵa ruqsat etiledi. Árbir bazıstik jáne shyǵys qoımalarynyń pasporty bolady. 24. Barlyq qoımalar buıymnyń túri men tolyqtyrý normasyna baılanysty qaýipsiz ara qashyqtyqta ornalasady. Qoımalardyń arasyndaǵy jeke ǵımarattardyń qaýipsiz ara qashyqtyǵy qulamaǵan kúıde 100 metrden (budan ári - m), qulaǵan kúıde 50 m kem bolmaýy tıis. Bazıstik qoımalardyń jekelegen saqtaý oryndarynyń arasyndaǵy ara qashyqtyq qulaǵan kúıde 200 m. kem bolmaýy tıis. Shyǵys qoımalary turǵyn úılerden, feıerverk kórsetetin alańdardan jáne adamdardyń kóp jınalatyn oryndarynan qaýipsiz ara qashyqtyqta, biraq 100 metrden jaqyn emes aralyqta ornalasýy tıis. Barlyq qoımalar: 1) aýdandyq mańyzdan tómen emes tas joldan, keme júzetin ózender men arnalardan, turǵyn úı qurylystarynan jeke turǵan qoımaǵa aparatyn joldardy qospaǵanda, temir jolǵa bólingen jolaqtar shekarasynan - 400 m; 2) stansııalyq ǵımarattarǵa, qoımalar men basqa da stansııalyq qurylystarǵa bólingen jolaqtar shekarasynan - 1000 m; 3) halqynyń sany 10000-ǵa deıin jáne 10000 adamnan asatyn kentter men basqa da eldi mekender aýmaqtary shekarasynan - tıisinshe 800 m jáne 1000 m; 4) qoımaǵa tıesili emes basqa óndiristik ǵımarattar men qurylystardan 1500 m kem emes qashyqtyqta ornalasýy qajet. 25. Turaqty jáne shyǵys qoımalardyń aýmaǵy bıiktigi 2,5 m kem emes tikenekti symmen qorshalady. 26. Barlyq saqtaý oryndary janbaıtyn materıaldan jasalǵan, bir qabatty, jylytylmaıtyn bolýy tıis. Saqtaý oryndarynyń qabyrǵalary men tóbesi aqtalǵan bolýy tıis. Qoımalardyń edenderi óndiristik ǵımarattardyń eden qurylǵylaryna arnalǵan tehnıkalyq sharttarǵa sáıkes ushqyn shyǵarýdy boldyrmaıtyn, janbaıtyn materıaldan jasalady. 27. Saqtaý oryndarynyń kólemine qaraı eki shyǵatyn esigi bolady. Uzyndyǵy 10 m kem qoımanyń bir shyǵatyn esigi bolady. Saqtaý ornyna kiretin esikter syrtqa qaraı ashylýy tıis. Kún jaqqa qaraıtyn terezeniń áınekteri kúńgirt bolýy nemese aq boıaýmen boıalady. Jasandy jaryqtandyrý syrtta bolýy tıis. Qoıma úı-jaılarynda kezekshi jaryqtandyrý, sondaı-aq gaz plıtalaryn, elektrlik-qyzdyrǵysh aspaptardy paıdalaný jáne shtepseldi qosqyshtardy ornatýǵa bolmaıdy. 28. Qoımalarda elektr jabdyqtar qoldaný aıaqtalǵannan keıin, táýliktiń túngi ýaqytynda toqtan ajyratylady. Elektr qýat kózin óshirýge arnalǵan apparattar qoıma úı-jaıynan tys jerde, órtenbeıtin materıaldan jasalǵan qabyrǵada nemese jeke turǵan tireýishtegi shkafta nemese plombalaý jáne qulyppen jabý úshin ıkemdelgen qurylǵysy bar oıyqshada ornalasady. 29. Bir saqtaý ornynda pırotehnıkalyq zattar men buıymdardyń birneshe túrin saqtaý kezinde saqtaý orny janbaıtyn bólgishtermen bólingen seksııalarǵa bólinedi. Buıym oramalary shtabelderde nemese stellajdarda saqtalady. Shtabelderde jáne stellajdarda feıerverk buıymdary bar jáshikterdi saqtaý kezinde olar partııalarmen qoıylady. Shtabelderde saqtaýǵa arnalǵan buıymdary bar aǵash jáshikter sórelerde biriniń ústine biri qaqpaqtaryn joǵary qaratyp qoıylady, tómengi qatarlardyń astyna aýa almasýdy qamtamasyz etý úshin taqtaılardan tósem jasalady. Ár shtabelde jáne stellajdyń sórelernde buıym ataýy nemese ındeksi, partııa nómiri, oryndar sany, kelip túsken kúni kórsetilgen kórsetkish bekitiledi. 30. Shtabelderdegi jáne stellajdardaǵy buıymdar olardyń jeldetý, shtabelden (sórelerden) olardy alý, qaraý múmkindigin qamtamasyz etý tártibinde ornalasady. Shtabelderdi ornalastyrý kezinde olardyń arasyndaǵy ótý joly: qaraý úshin – keminde 0,7 m, júkti tıeý jáne túsirý úshin – keminde 1,5 m, kireberistegi qabyrǵa jaǵynan shtabeldiń sońyna deıingi qashyqtyq – keminde 1,25 m jáne shtabelderden artqy jáne búıirlik qabyrǵalarǵa deıin – keminde 0,7 m qaltyrylady. Shtabelderdiń bıiktigi keminde 2,5 m, eni – keminde 5 m. Stellajdardyń joǵary sóreleriniń bıiktigi edennen 1,65 m aspaıtyn, tómengi qabattyń edenge deıingi qashyqtyǵy - keminde 0,15 m jáne joǵary soreýen tóbege deıin - keminde 1 m bolýy tıis. Stellajdardy tolyqtyrý kezinde olar tómen túsip jáne qısaıyp ketpeıtindeı túrde qurylady. Saqtaý qoımalaryndaǵy stellajdardyń barlyq bólikteri bir-birimen ózara metall qoldanylmaı tıekpen jáne synalanyp bekitilýi tıis. Stellajdardyń taqtaılaryn shegelerdiń bastaryn 0,5 sm\ge kirgize qaǵyp, bekitýge jáne oıyq jerlerine shpatlevka jaǵýǵa bolady. 31. Saqtaý oryndarynda júkti qabyldaý jáne berý táýliktiń jaryq kezinde júrgizedi. Qajet bolǵan jaǵdaıda bul jumystardy syrtqy jasandy jaryqtandyrýmen júrgizýge bolady. Pırotehnıkalyq zattar men buıymdardyń saqtaý oryndarynda (qoımalarynda) júk tıeý-túsirý jumystaryna arnalǵan mehanızmder jarylǵyshtan qorǵalǵan kúıde oryndalady, al ishki janý qozǵaltqyshtarynyń paıdalanyp shyǵarylǵan gazdardyń beıtaraptandyrýshylary jáne ushqyn óshirgishteri ornatylady. 32. Saqtaý orny men qoıma aýmaǵyn taza ustaý qajet, synǵan ydystardy, bógde jáne janǵysh materıaldardy saqtaýǵa jol berilmeıdi. Qoıma ǵımaratynyń kirý joldaryn, órt sóndirý, sý kózderiniń, sondaı-aq órtke qarsy múkkamaldar men jabdyqtarǵa barý joldary únemi bos bolýy tıis. Qoımalar arasyndaǵy qaýipsiz qashyqtyqtardy qandaı da bir materıaldar, jabdyqtar men basqa da zattardy saqtaý úshin paıdalanýǵa bolmaıdy. Azamattyq pırotehnıkalyq buıymdardy paıdalaný órt qaýipsizdigi talaptaryn eskere otyryp ázirlengen paıdalaný qujattamasynyń nemese belgilengen tártipti bekitilgen tehnologııalyq nusqaýlyqtar (tehnıkalyq prosester) talaptaryna sáıkes júrgiziledi. Azamattyq pırotehnıkalyq buıymdardy maqsatsyz paıdalanýǵa jol berilmeıdi. Adamdarǵa pırotehnıkalyq zattar men buıymdardy satyp alýmen, saqtaýmen, esepke alýmen, tasymaldaýmen, paıdalanýmen tikeleı baılanysty jumystarǵa ruqsat berý adamdarǵa jarylǵysh materıaldaryna ruqsat berý talaptaryna sáıkes júrgiziledi. 33. Osy Qaǵıdalarǵa 1-qosymshaǵa sáıkes nysan boıynsha qoımalar jáne bólshektep satý oryndarynda daıyn ónimdi esepke alý kitapshasy júrgiziledi. Daıyn ónimdi kóterme tutynýshylarǵa bosatý esebi osy Qaǵıdalarǵa 2-qosymshaǵa sáıkes nysan boıynsha tıisti kitapta júrgiziledi. Daıyn ónimdi esepke alý jáne daıyn ónimdi kóterme tutynýshylarǵa bosatý esebiniń kitaptary nómirlenedi, tigiledi, ishki ister organdarynyń «Lısenzııalaý-ruqsat berý júıesi» degen bederi bar mórimen mórlenedi. Qoımalardan jiberiletin ónimniń árbir túrin jeke esepke alý qajet. Kitaptaǵy jazbalar kiris-shyǵys qujattardyń negizinde júkti alǵan nemese bergen kezde júrgizý qajet. 3. Azamattyq pırotehnıkalyq zattar men buıymdardy paıdalaný (feıerverkter kórsetý) tártibi 34. Qazaqstan Respýblıkasynyń aýmaǵynda qaýiptiligi IV synyptyq pırotehnıkalyq zattar men buıymdardy paıdalanýdy (kórsetýdi) Qazaqstan Respýblıkasynyń Ishki ister mınıstrligi, olardy paıdalanýǵa bergen lısenzııasy bar zańdy tulǵalar júzege asyrady. 35. Feıerverkterdi qoǵamdyq-mádenı kópshilik is-sharalarda qoldaný tek aýmaqtyq ishki ister organymen kelisilgen, jumysty júrgizýge quqyǵy bar qujattamalar bekitilgennen keıin jergilikti ákimshiliktiń ruqsatymen júzege asyratyn zańdy tulǵalarǵa ruqsat etiledi. Bul rette pırotehnıkalyq zattar men buıymdarǵa tehnıkalyq qujattamalar, ornalastyrý-jospary, buıymdardy tasymaldaý úshin arnaıy jabdyqtalǵan kólik kelisýge usynylady. 36. Osy jumystardyń qaýipsizdigin qamtamasyz etý úshin standarttardy, órtke qarsy tehnıkalyq qaýipsizdik normalary men qaǵıdalaryn basshylyqqa alynady. 37. Mádenı-kópshilik jáne buqaralyq is-sharalardy ótkizý kezinde feıerverkter kórsetý úshin uıymdastyrýshylar jergilikti atqarýshy organǵa is-shara ótkizýge deıin keminde 10 jumys kún buryn qoldaýhatpen ótinish bildiredi. Qoldaýhatta mynadaı málimetter: 1) is-sharany ótkizýshi uıymnyń ataýy jáne mekenjaıy laýazymdaryn mekenjaılaryn jáne baılanys telefondaryn kórsete otyryp, uıymdastyrýshylar men olardyń ýákiletti adamdarynyń tegi, aty, ákesiniń aty (ol bolǵan jaǵdaıda); 2) is-sharanyń ataýy men maqsaty; 3) is-sharanyń, onyń ishinde feıerverk kórsetýdiń bastalýy jáne aıaqtalý kúni, orny men ýaqyty; 4) is-sharaǵa qatysýshylardyń boljamdy sany; 5) pırotehnıkalyq buıymdardy paıdalanýǵa, satyp alýǵa quqyq beretin lısenzııalardy, olardy saqtaýǵa arnalǵan ruqsattardy qosa bere otyryp, feıerverk kórsetýdi ótkizip jatqan zańdy tulǵa týraly málimet; 6) feıerverk kólemi, paıdalanylatyn feıerverk buıymdarynyń sıpaty men júrgizilý tártibi; 7) feıerverk basshysy jáne feıerverk kórsetýge tartylatyn personal týraly málimetter jáne feıerverkke basshylyq etý men júrgizý quqyǵyn rastaıtyn qujattardyń kóshirmeleri; 8) qoǵamdyq tártipti qorǵaýdy jáne órtke qarsy qaýipsizdikti qamtamasyz etý úshin jumyldyrylǵan qajetti kúshter men quraldar kórsetiledi. 38. Feıerverkti daıyndaý jáne paıdalaný kezeńinde buıymdardy qysqa ýaqytqa saqtaý kezinde turǵyn úılerden, qoǵamdyq qurylystardan, adamdar kóp jınalatyn oryndarynan qaýipsiz qashyqtyqtaǵy jyljymaly qoımalarda (aýmaqtyq ishki ister organdarynyń ákimshilik polısııasynyń kelisimi boıynsha arnaıy jabdyqtalǵan kólikter) júzege asyrylady. Qoımany kúzetý úshin kúzet qyzmetin kórsetý jónindegi kilisim shart jasalady. 39. Feıerverkti ótkizetin adamdar feıerverk kórsetilimderinde qaýipsizdikti, personaldy qorǵaý sharalary men feıerverk buıymdarynan saqtalýyn qamtamasyz etedi, ishki ister organdarymen kúzet is-sharalaryn kelisedi. Feıerverkter qurylǵylary ornalastyrylatyn oryndardy kúzetý ishki ister organdary men osy is-sharany ótkizetin uıymǵa júkteledi. 40. Feıerverkter kórsetiletin oryndy tańdaý men kelisý feıerverk buıymdaryn qoldaný boljanǵan qaýipti aımaqtardyń radıýsyn, jer bederin, meteojaǵdaılardy, jaqyn ornalasqan obektilerdiń sıpatyn, qaýipti aımaqty kúzetý senimdiligi men kórsetilim qaýipsizdigine yqpal etetin basqa da faktorlardy eskere otyryp, júrgizilýi tıis. Qaýiptiligi IV synypty azamattyq pırotehnıkalyq zattarmen jáne buıymdarymen feıerverkterdi kórsetýge arnalǵan oryn órtenetin qurylystardan, otyn qoımalarynan, pisken dándi daqyldar nemese pishen alqaptarynan, sabandar, qylqandy ormandardan, elektr jelilerinen keminde 500 m qashyqtyqta, órtenbeıtin qurylystardan keminde 50 m qashyqtyqta ornalasady. Feıerverk úshin eń yńǵaıly oryn úlken sý qoımalarynyń jaǵalaýlary bolyp tabylady. Qurylǵylardy iske qosý orny kórermenderdiń iske qosý alańynan 100 m qashyqtyqta, jel jaǵynda bolatyndaı túrde tańdalady. 41. Feıerverkter kórsetý úshin tyıym salynatyn oryndarǵa: 1) azamattardyń qaýipsizdigin qamtamasyz etpeıtin aýmaqtar, ǵımarattar, qurylymdar, qurylystar; 2) qaýipti jáne zııandy óndiristerge jaqyn ornalasqan aýmaqtar men obektiler, sondaı-aq kólik toraptary (kópirler, ótpe joldar, avtomobıl joldarynyń bolý jolaqtary, temir jol munaı-gaz qubyrlary jáne joǵary voltty elektr taratý jelileri, órt jáne asa qaýipti jarylǵysh obektileri); 3) aýrýhana ǵımarattary men balalar mekemelerine tikeleı jaqyn ornalasqan aýmaqtar; 4) rýhanı - mádenı mańyzy bar obektilerdiń aýmaǵy, tarıhı jáne mádenı eskertkishter, zırattar men ǵıbadat etý qurylystary, qoryqtar, qaýmaldar jáne ulttyq saıabaqtar men qajylyq etý oryndary obektileriniń aýmaqtary jatady. 42. Feıerverk tek mekemeniń (kásiporynnyń) jaýapty adamnyń kúzet daıyndyǵy men órtke qarsy is-sharalardyń oryndalýy týraly maman-pırotehnıktiń jýrnalyna qol qoıǵannan keıin ǵana bastalýy múmkin. 43. Feıerverkterdi kórsetý kezinde tek belgilengen tártipte attestasııalanǵan iske qosý quralyn paıdalanýǵa ruqsat etiledi. Feıerverkter kórsetý úshin qoldanylatyn pırotehnıkalyq zattar men buıymdar jáne iske qosý quraly oǵan qosa beriletin paıdalaný jónindegi nusqaýlyqqa qatań sáıkestikte paıdalanady. Qoldanylatyn buıymdardy paıdalaný jónindegi nusqaýlyqty saqtamaǵany úshin feıerverkter kórsetýdi ótkizetin uıym jaýapty bolady. 44. Pırotehnıkalyq zattar men buıymdardyń urlaný nemese joǵalýy faktisi týraly aýmaqtyq ishki ister organdaryna dereý habarlaý qajet. 45. Feıerverk júrgiziletin alańdarda: 1) temeki shegýge jáne ot jaǵýǵa; 2) mas kúıde jumys isteýge; 3) feıerverk quraldaryn kúzetýsiz qaldyrýǵa bolmaıdy. 46. Feıerverk aıaqtalǵannan keıin janbaı qalǵan buıymdar men elementterdi jınaý maqsatynda kórsetý sharasyn uıymdastyrýshylar feıerverk júrgizilgen alańdy muqııat qaraıdy. 47. Feıerverk júrgiziletin alańdy kúzetý barlyq jumystar aıaqtalǵannan keıin feıerverk basshysynyń kelisimimen ǵana alynyp tastalýy múmkin. Qaýipti aımaqty kúzetý men órtke qarsy is-sharalar feıerverk aıaqtalǵannan keıin jáne feıerverkterdi eksponattaýǵa jaýapty adamdardyń tekserýinen keıin ǵana toqtatylady. 48. Feıerverk aıaqtalǵannan keıin onyń etkizilgendigi jáne sóndirilý týraly akti úsh danada jasalyp, oǵan feıerverk basshysy men feıerverkke tapsyrys berýshi ókil qol qoıady. 4. Pırotehnıkalyq zattar men buıymdardy tasymaldaý tártibi 49. Pırotehnıkalyq zattar men buıymdardy tasymaldaý úderisinde mynadaı qaýipsizdik talaptary oryndalady: 1) pırotehnıkalyq zattar men buıymdardy tasymaldaý olardyń qasıetteriniń saqtalýyn qamtamasyz etedi jáne ónimniń qaýiptilik synybyn eskere otyryp, kólik túrine qoldanylatyn júk tasymaldaý qaǵıdalaryna sáıkes júzege asyrylady; 2) pırotehnıkalyq zattar men buıymdar oralǵan, tańbalanǵan, manıpýlıasııa belgileri qoıylǵan, taýarǵa qajetti ilespe qujattary bar jáne tasymaldaý kezinde olardyń tutynýshylyq qasıetteri saqtalǵan jáne paıdalaný boıynsha qujattama talaptaryna sáıkestik qamtamasyz etilgen kezde ǵana olardy tasymaldaýǵa ruqsat etiledi; 3) azamattardyń jeke paıdalanýy úshin turmystyq maqsattaǵy pırotehnıkalyq buıymdardy pırotehnıkalyq ónimderdi paıdalaný qujattarynyń talaptaryn saqtaı otyryp, brýtto salmaǵy boıynsha 333 kg aspaıtyn mólsherde tasymaldaýǵa ruqsat etiledi. 50. Kóliktik qaýiptiliktiń 1.4-ten astam kishi klasy bar IV klastyń pırtehnıkalyq zattary men buıymdaryn, sondaı-aq Keden odaǵynyń múshesi - jeke memlekettiń aýmaǵy boıynsha avtokólik quraldarymen tasymaldaýǵa ruqsat etilgen qaýipti júkterdiń tizbesine sáıkes V klastyń pırtehnıkalyq zattary men buıymdaryn tasymaldaý Keden odaǵynyń múshesi - tıisti memlekettiń aýmaǵynda qoldanylatyn qaýipti júkterdi tasymaldaý qaǵıdalaryna sáıkes; 1) Keden odaǵyna múshe jeke memleket aýmaǵy boıynsha Keden odaǵyna tıisti múshe memleket aýmaǵynda qoldanystaǵy qaýipti júkti tasymaldaý qaǵıdalaryna sáıkes; 2) Keden odaǵyna múshe kem degende eki memlekettiń nemese úshinshi eldiń aýmaǵy boıynsha halyqaralyq joldarda qaýipti júkti tasymaldaý týraly (JQJT) Eýropalyq kelisimge sáıkes júrgiziledi. 51. Kólik qaýiptiligi 1.4 kishi tobynyń pırotehnıkalyq zattary men buıymdary salmaǵy shekteýsiz qaýipti júkterdi tasymaldaýǵa ruqsaty týraly kýáligi bar júrgizýshi basqaratyn bir kólik quralymen tasymaldaý erejesin saqtaı otyryp, júk jiberýshi nemese júk qabyldaýshy ázirlengen baǵyt boıynsha avtomobıl kóligimen júrgiziledi. 52. Pırotehnıkalyq zattar men buıymdardy temir jol kóligimen tasymaldaý 1996 jylǵy 5 sáýirdegi dostastyq elderiniń qatysýshy memleketteri Temir jol kóligi boıynsha keńestiń 15-otyrysynda bekitilgen temir jol arqyly qaýipti júkterdi tasymaldaý erejelerine sáıkes júzege asyrylady. 53. Pırotehnıkalyq zattar men buıymdardy ártúrli kólik túrlerimen tasymaldaý kezinde olardyń kúzetilýi qamtamasyz etiledi. 54. Tasymaldanatyn júk shaıqalǵan jáne qatty qozǵalǵan kezde onyń qulaýy, úıkelýi, bir-birine jáne kólik qabyrǵasyna soǵylýy bolmaıtyndaı túrde ornalastyrylady. Barar jolda jartylaı túsirilýge jatatyn ónimdi tasymaldaý kezinde olardyń árbir partııasynyń árqaısysy bir-birinen bólek qoıylyp, qalǵan júkter óz oryndarynan qozǵalmaıtyndaı túrde bekitilýi tıis. 5. Pırotehnıkalyq zattar men buıymdardy joıý tártibi 55. Tutynýshylyq qasıetin joǵaltqan jáne (nemese) tehnıkalyq reglament talaptaryna sáıkes kelmeıtin pırotehnıkalyq zattar men buıymdar joıylýǵa jatady, onyń ishinde: 1) elektrlik – tutandyrǵyshy istemeı qalǵan; 2) quramy tutanbaı qalǵan; 3) buıym tolyq kúıde jumys jasamaǵan; 4) elektrlik – tutanǵysh symdarynyń úzilgen; 5) jaramdylyq merzimi aıaqtalǵan; 6) sáıkestendirý belgileri joq (joǵalǵan); 7) aqaýlyq belgileri anyqtalǵan; 8) kontrafaktilik pırotehnıkalyq buıymdar. 56. Pırotehnıkalyq zattar men buıymdardy kádege jaratý úderisinde mynadaı qaýipsizdik talaptary oryndalady: 1) pırotehnıkalyq zattar men buıymdar tutynýshylar órt qaýipsizdigi jáne jarylǵysh qaýipsizdigi sharalary talaptaryn saqtaı otyryp, paıdalaný qujattarynda nemese buıymdardaǵy tańbalaý belgileri túrindegi kórsetilgen talaptarǵa sáıkes joıýǵa jatady; 2) pırotehnıkalyq zattar men buıymdardy óndirýge ruqsat qujaty bar uıymdar Keden odaǵy komıssııasynyń 2011 jylǵy 16 tamyzdaǵy № 770 sheshimimen bekitilgen «Pırotehnıkalyq buıymdardyń qaýipsizdigi týraly» Keden odaǵynyń tehnıkalyq reglamentine sáıkes tehnologııalyq nusqaýlyqqa (tehnologııalyq úderiske) saı pırotehnıkalyq zattar men buıymdardy joıýǵa, sondaı-aq óndiris jáne tutyný qaldyqtarynan qosarly ónim (shıkizat, materıaldar, jınaqtaý elementterin) alý maqsatynda júzege asyrady. 57. Barlyq jumys istemeı qalǵan buıymdar men elementter jetkizýshi zaýyt ázirlegen naqty buıymdardy paıdalaný nusqaýlyǵyna sáıkes joıýǵa jatady. 58. Jaramsyz pırotehnıkalyq zattar men buıymdardy joıý ishki ister organy ókiliniń qatysýymen júrgiziledi. 6. Pırotehnıkalyq zattar men buıymdardy Qazaqstan Respýblıkasyna ákelý jáne Qazaqstan Respýblıkasynan áketý tártibi 59. Pırotehnıkalyq zattar men buıymdardy Qazaqstan Respýblıkasyna ákelý jáne Qazaqstan Respýblıkasynan áketý Qazaqstan Respýblıkasy Ishki ister mınıstrligimen kelisiletin eksporttyq baqylaý salasyndaǵy ýákiletti organnyń lısenzııasy boıynsha mynadaı qujattardyń negizinde júzege asyrylady: 1) ereksheligi qosa berilgen, pırotehnıkalyq zattar men buıymdardy jetkizýge arnalǵan kelisimshart kóshirmesi; 2) Qazaqstan Respýblıkasy Investısııalar jáne damý mınıstrligi bergen ımporttaýshynyń (sońǵy paıdalanýshynyń) kepildik mindetteriniń kóshirmesi, (eksporttaýshy eldiń zańnamasynda osyndaı qujatty, usyný kózdelgen jaǵdaıda) usynylady; 3) pırotehnıkalyq zattar men buıymdardy satyp alýǵa aýmaqtyq ishki ister organy bergen ruqsattyń kóshirmesi. 60. Pırotehnıkalyq zattar men buıymdardy avtomobıl kóligimen ákelý (áketý) kezinde qaýipti júkti tasymaldaýdyń ákimshilik polısııasy organdarymen kelisilgen baǵyty usynylady. 61. Ishki ister mınıstrligi «Ruqsattar men habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańyna sáıkes ımportqa (eksportqa) arnalǵan lısenzııalardy kelisedi nemese ımportqa (eksportqa) lısenzııaǵa kelisýden bas tartady. Azamattyq pırotehnıkalyq zattar men olar qoldanylyp jasalǵan buıymdardy saqtaý, esepke alý, paıdalaný, tasymaldaý, joıý, ákelý, áketý qaǵıdalaryna 1-qosymsha Pırotehnıkalyq zattar men olar qoldanylyp jasalǵan daıyn ónimmen olardyń quramdas komponentterin esepke alý kitaby ____________________________________________________________________________________________ (kásiporyn, uıym ataýy) 20___ jylǵy «__» __________ bastaldy 20___ jylǵy «__» __________ aıaqtaldy r/s № Kelip túsken kúni Daıyn ónim nemese komponentterdi bosatqan uıym ataýy Zattar men buıymdardy satyp alýǵa berilgen lısenzııanyń nómiri jáne berilgen kúni, lısenzııany bergen ishki ister organy Zattar men buıym-dardyń ataýy Kılo-gramm Dana Qopaptar Eskertpe 1 2 3 4 5 6 7 8 9 Eskertpe: Kitap nómirlenedi, baýlanady jáne aýmaqtyq ishki ister organynyń «Lısenzııalaý-ruqsat berý júıesi» móriniń bederimen bekitiledi. Azamattyq pırotehnıkalyq zattar men olar qoldanylyp jasalǵan buıymdardy saqtaý, esepke alý, paıdalaný, tasymaldaý, joıý, ákelý, áketý qaǵıdalaryna 2-qosymsha Pırotehnıkalyq zattar men olar qoldanylyp jasalǵan daıyn buıymdardy kóterme saýda tutynýshylaryna bosatýdy esepke alý kitaby ________________________________________________________________________________________ (uıym, mekeme ataýy) 20___ jylǵy «__» __________ bastaldy 20___ jylǵy «__» __________ aıaqtaldy R/s № Daıyn ónimdi bosatý kúni Zattar men buıymdardy satyp alýǵa berilgen lısenzııanyń nómiri men berilgen kúni, lısenzııany bergen ishki ister organ Zattar men buıym-dardyń ataýy Kıllo-gramm Dana Qorap-tar О́nimderdi satyp alǵan zańdy tulǵanyń ataýy Taýardy alýǵa jaýapty adamnyń T.A.Á. Eskertpe 1 2 3 4 5 6 7 8 9 10 Eskertpe: Kitap nómirlenedi, baýlanady jáne aýmaqtyq ishki ister organynyń «Lısenzııalaý-ruqsat berý júıesi» móriniń bederimen bekitiledi. Buıryq Qazaqstan Respýblıkasynyń Ádilet mınıstrliginde 2015 jylǵy 27 mamyryndaǵy Normatıvtik quqyqtyq kesimderdi memlekettik tirkeýdiń tizilimine № 11193 bolyp engizildi.