Syrdyń syı-tartýy

Bıyl Qyzylorda oblysynyń kúrishshileri gektaryna 52 sentnerden artyq ónim alýda. Bul týraly búgin Qyzylorda oblysynyń aýyl sharýashylyǵy basqarmasynyń basshysy Baqyt Jaqanov Astanada ótip jatqan aýyl sharýashylyǵy jármeńkesinde málimdedi. «Kúrish bastyrý jumystary qazan aıynda ǵana aıaqtalady. Sol kezde gektaryna qansha sentnerden ónim alynǵandyǵyn anyq aıtýǵa bolady. Degenmen, qazirdiń ózinde gektaryna ótken jylmen salystyrǵanda 2 sentnerge artyq ónim alynýda. Jalpy alǵashqy ónimderimizdi Táýelsizdigimizdiń 25 jyldyq mereıtoıyna oraı elorda jurtshylyǵyna jetkizdik. Bul – Syr eliniń syı-tartýy», – dedi Baqyt Jaqanov. Jármeńkege Qyzylorda qalasy men oblystyń 7 aýdanynan jalpy somasy 70 mln teńgeniń 45 ónim túrleri jetkizildi. 400 tonnaǵa jýyq aýylsharýashylyq ónimderiniń 70 tonnasy, sondaı-aq, 90 tonnaǵa jýyq kókónis, 70 tonna baqsha daqyldary, 33 tonna kartop, 20 tonna Aral teńiziniń balyǵy, 6 tonna alma jáne jemis-jıdekter, 4 tonna sút ónimderi jáne qymyz-shubat, 2 tonna bal, 3 tonna kondıterlik ónimder, 6 tonna et jáne shujyq ónimderi, 1 tonnaǵa jýyq ulttyq taǵamdar men 5 tonna Aral tuzy usynyldy. Táýelsizdigimizdiń 25 jyldyǵyna oraı ótip jatqan Syr eliniń elordadaǵy kúnderi aıasyndaǵy jármeńke eki kúnge ulasady. Dınara BITIKOVA