Fýtboldan Qazaqstan quramasy Polshamen teń oınady (vıdeo)

Fýtboldan Qazaqstan ulttyq quramasy 2018 jylǵy Álem chempıonatynyń irikteý kezeńindegi alǵashqy kezdesýin Polsha qurama komandasymen ótkizidi. 4 qyrkúıek kúni «Astana Arena» stadıonynda ótken match 2:2 esebimen teń aıaqtaldy. Matchtyń birinshi taımy polıaktardyń basymdyǵymen ótti. Oıynnyń 9-mınýtynda Polsha quramasynyń jartylaı qorǵaýshysy Bartosh Kapýstka esep ashty. Al 35-mınýtta qorǵaýshy Eldos Ahmetov óziniń aıyp alańynda Robert Levandovskıge qarsy oıyn erejesin buzdy. Nátıjesinde Qazaqstan komandasynyń qaqpasyna penaltı belgilenip, qarsylastardyń kapıtany esep aıyrmasyn eki golǵa jetkizdi. Endi oıyn órneginiń ózgeretinine kóp adamnyń sene qoımaǵany da belgili. Alaıda, ekinshi taımda Qazaqstan quramasy shıraq qımyldap, polıaktardyń qaqpasyna eki gol soqty. Matchtyń 51-mınýtynda Sergeı Hıjnıchenko alǵashqy goldy soqsa, 58-mınýtta dýbl jasap, esepti teńestirdi. Ulttyq qurama kelesi matchyn syrt alańda Chernogorııa qurama komandasymen ótkizedi Aıdar О́RISBAEV