О́zara dostyqtyń ózindik aıǵaǵy

Qazaqstan – 18 mln halqy bar, biraq terrıtorııa jaǵynan 9-shy orynda bolǵanymen álemdegi orny bólek el. О́ıtkeni, Qazaqstan – antııadrolyq qozǵalystyń basynda kele jatqan memleket. Mine, Elbasy Qytaıǵa osyndaı álemdik úderisterge úlken úles qosyp otyrǵan memlekettiń basshysy retinde shaqyryldy. Aıta keteıin, Nursultan Nazarbaev Hanchjoýda Qytaı Halyq Respýblıkasynyń tóraǵasy Sı Szınpınmen kezdesti. Tórt qujat bekitildi. Sonyń biri – «Nurly Jol» jáne «Jibek jolynyń ekonomıkalyq beldeýi» baǵdarlamalaryn ushtastyrý jónindegi yntymaqtastyq jospary. Alys turǵan aǵaıynnan, jaqyn turǵan kórshi artyq. Qytaı tóraǵasynyń Qazaqstanǵa degen kózqarasy osyndaı! Nursultan Nazarbaevty úlken jıyrmalyqtyń jıynyna arnaıy shaqyrýy berik dostyqty bildiredi. Kóshbasshylardyń sammıt qarsańynda kezdesýi de seriktes elderdiń yntymaqtastyǵyn ańǵartty. Qos kóshbasshynyń bıyldyqqa úshinshi júzdesýi bul. Jemisti deý­ge negiz bar. Saýda-ekonomıka, kólik-tranzıt, otyn-energetıka máseleleri qozǵaldy. Aralas-quralas bolyp ketken eki eldiń bul baǵyttarda josparlary kóp. Degenmen, áńgimeni Nursultan Nazarbaev Sı Szınpınge jumys saparymen kelýge, G20-ǵa qatysýǵa shaqyrǵany úshin alǵys aıtýdan bastady. G20-nyń ekonomıkaǵa úlken ekpin qoıyp otyrǵany óte durys dep aıtamyn. О́ıtkeni, kóp túıtkilder osy jerde sheshilýi tıis. G20-ǵa álemdegi barlyq memleketter keledi. Halyqaralyq Uıymdar, sodan keıin shaqyrylǵan memleketter bar. Onyń ishinde Qazaqstan da óziniń pikirin bildirdi. Onyń ústine, Qazaqstannyń moraldyq jáne quqyqtyq jóni bar. Sebebi, jańa Jibek jolynyń boıynda turǵan memleket. 2,5 myń shaqyrym Jibek joly Qazaqstannyń terrıtorııasymen ótedi. Tranzıttik, kóliktik máseleler bar bul jerde. Osyǵan baılanysty kóptegen máseleler sheshiledi. Sondyqtan Qazaqstannyń úlesi óte úlken bolmaq. Ádil AHMETOV, Qazaqstannyń eńbek sińirgen qaıratkeri