Múddelesin ǵana shaqyrady

Negizi bul G20 («jıyr­ma­lyq») pishiminiń erek­she­liginiń ózi – uıym­­das­tyrýshy memleket, ıaǵnı uıymdastyrýshy el ózine kim jaqyn nemese kimniń múd­desi mańyzdy degen baǵytta oı órbi­tip, «jıyrmalyqtyń» sammıtine sol mem­leketti ǵana shaqyryp, qosa alady. Bul turǵydan kelgende, Qytaıdyń kórshi Qazaqstandy eskerip, álemdegi áıgili sammıtke Prezıdent Nursultan Nazarbaevty shaqyrýy biz úshin, bizdiń memleketimiz úshin úlken mártebe dep sanaýymyz kerek. Ekinshiden, bul oqıǵa Qazaqstannyń áleýetin arttyratyn jaqsy múmkindik jáne úndeý dep aıtýǵa bolady. Ońtaıly sátte Qazaqstan ózine qajetti kókeıkesti máselelerin nebári eki kúnniń ishinde el aldyna shyǵaryp qoıa bildi. Eki kúnniń ishinde ońaıshylyqpen ustata da, úndese de, tildese de bermeıtin álemniń jetekshi memleketteriniń basshylarymen sóılesip, pikirlesip, óziniń ustanymdaryn aıtyp úlgerdi. Mine, bul – óte tamasha múmkindik. Qansha degenmen, Qazaqstannyń shaǵyn memleket ekeni anyq. Biraq, óz áleýeti men múmkindigi bary jáne aıqyn. Osy rette Qytaıǵa da alǵysymyz sheksiz. Shyn máninde «jıyrmalyqtyń» alańyna shyǵyp sóıleý, tipti, ózekti másele qoıý – Qazaqstannyń sýbektiligin, ıaǵnı onyń múmkindigin úlken saıasattyń bir bólshegi retinde kórsete bilý degen sóz. Bizdińshe, bul kezdesýler meılinshe utymdy bolǵan da sııaqty. Budan keıin G20-nyń belgili bir memleket basshylary Qazaqstanǵa nemese bizdiń el basshylary basqa elge saparlap baryp jatsa, onda kóptegen máselelerdiń ózektiligi arttyrylyp otyr dep qabyldaýǵa tolyq negiz bar. Aıdos SARYM, saıasattanýshy ALMATY