«Til álemi» portaly iske qosyldy

Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tapsyrysymen «Til álemi» atty jańa portal jáne onomastıka salasyna arnalǵan – «atau.kz», orfografııaǵa arnalǵan – «emle.kz», sondaı-aq termınologııa boıynsha «termincom.kz» saıttary iske qosyldy. Astanadaǵy Ulttyq akademııalyq kitaphanada ótken atalǵan veb-re­sýrstardyń túsaýkeser rásimine Par­­lament depýtattary men qoǵam qaı­ratkerleri, til mamandary, jýrnalıster qatysty. Jańa portaldardyń kómegine Qazaqstan turǵyndarynan bólek, Qytaıda, Mońǵolııada, О́zbekstanda, Túrikmenstanda, Túrkııada jáne Eýropa elderinde turatyn dıaspora ókilderi de júgine alady. Tilderdi damytý jáne qoǵamdyq-saıası jumys komıtetiniń tóraǵasy Qýanysh Asylovtyń aıtýynsha, tildi nasıhattaý eshqashan mańyzyn joımaıtyn taqyryp.  «Bul joba aıasynda sizder memlekettik til, sondaı-aq elimizde turatyn etnos tilderi týraly jańalyqtarmen, til úırenýge arnalǵan eńbektermen, elimizdegi tildik ahýalmen, tilge qatysty oı-pikirlermen, aýdıo jáne beıne materıaldarmen, jalpy alǵanda, elimizdegi tilderdiń tynys-tirshiligimen barynsha tolyǵyraq tanysa alasyzdar» deıdi ol. Sh.Shaıahmetov atyndaǵy tilderdi damytýdyń respýblıkalyq-úıles­tirý ádistemelik ortalyǵynyń dırektory Erbol Tileshovtiń aıtýynsha, portaldy ashýdaǵy negizgi maqsat 2011-2020 jyldardaǵy Til­derdi damytý strategııasyn júzege asyrý bolyp tabylady. Alqaly jıynǵa qatysqan til janashyrlary bul bastamanyń memlekettik tildiń qoldaný aıasyn keńeıte túsýdegi mańyzyna toq­ta­lyp, portal jumysyna tabys tiledi. «Egemen-aqparat»