«Barysqa» jańa bas jattyqtyrýshy keldi

Astananyń «Barys» hokkeı komandasyna Edýard Zankoves atty maman jańa bas jattyqtyrýshy bolyp taǵaıyndaldy. Ol bul orynǵa  Andreı Nazarov ketken soń bir kún­nen keıin keldi. Burynǵy bas jattyqtyrýshy bastaǵan shtabtyń túgel otstavkaǵa jiberilýine «Barystyń» bıylǵy maý­symdy óte sátsiz bastaýymen birge, byltyrǵy maýsymda pleı-off kezeńine óte almaýy jáne qurama koman­danyń Olımpıadanyń irikteý týrnırinde alǵa qoıǵan maqsatyna jete almaýy sebepker bolǵan sııaqty. Komanda jańa bastalǵan chem­pıonattyń úsh oıynynda da je­ńilis taýyp, Shyǵys konferensııa­syn­da eń sońǵy orynda qalyp qoıdy. Osy oraıda jattyqtyrý­shy­lar shtabyn aýystyryp jatqan «Ba­rys» hokkeı klýby komanda tizginin us­taǵan jańa mamannyń QHL klýbtarynda jumys jasaýda úlken jattyqtyrýshylyq tájirıbesi bar ekenin, UHL klýbtary júıesinde de jumys jasaǵanyn atap kórsetedi. Biraq jańa bas bapkerdiń qyzmettik tizimderine bir qaraǵanda-aq munyń tap olaı emes ekenine kóz jetkizýge bolady. E. Zankoves jattyqtyrýshylyq mansabyn 2007 jyly bastaǵan. Ol sol jylǵy 21 qańtardan 31 mamyrǵa deıin Mınskiniń «Dınamosyn» jat­tyqtyrdy. 2010-2011 jyldary Belarýs quramasynyń tiz­ginin ustady. 2011 jylǵy 20 jel­toqsanda Ombynyń «Avan­gard» komandasy bas jattyq­tyrý­shysynyń kómekshisi bolyp bekitiledi. Al 2015 jylǵy 26 mamyrda bul qyzmetinen alynyp qalǵan eken.