Irgeli usynystyń bereri kóp

Elbasymyz Nursultan Nazarbaevtyń eń damyǵan, ekonomıkasy baı «Úl­ken jıyrmalyqtyń» basqo­sýyna shaqyrylýy, oǵan qatysýy – Qazaqstannyń halyqaralyq arenadaǵy abyroıy bıik ekendigin kórsetetin oqıǵa. Qazaqstan Prezıdenti kóptegen memleket basshylarymen, halyqaralyq uıymdardyń basshylarymen kezdesip, álemde bolyp jatqan kóptegen problemalar tóńireginde suhbattasty. Olardyń qatarynda AQSh, Reseı, Qytaı, Ulybrıtanııa, Germanııa, Kanada syndy álemdik ahýalǵa yqpal ete alatyn elderdiń basshylary bar. О́ziniń baıandamasynda Elbasy álemdik ekonomıkada qalyptasqan jaǵdaıǵa saraptama jasady, birqatar kúrdeli máselelerdi sheshý jóninde usynystar aıtty. Sebebi, qazirgi tańda dúnıe júziniń ekonomıkasynda bolyp jatqan úrdister, ózgerister, halyqaralyq kompanııalar Dúnıejúzilik saý­da uıymynyń prınsıpterine áser ete alatynyn kórsetip otyr. Ekonomıkalyq máselelerdi jahandyq turǵyda sheshýdiń qajettigi baıqalady. О́ıtkeni, ár el, ár uıym ózine tartyp, bóline bergennen bul problema sheshilmeıtini anyq. Qazaqstan Prezıdenti G20 sammıtinde birigip áreket etý, ekonomıkalyq problemalardy álem bolyp birigip sheshý jóninde irgeli usynys jasady. Eger lıderler kelisimge kelip jatsa, usynystardy talqylaýǵa Astanada qalyptasqan G-Global alańyn paıdalanýǵa bolatynyn jetkizdi. Men Elbasynyń G20 sammıtine barýy tarıhta qalatyn erekshe sapar dep sanaımyn. Jahandyq ekonomıkalyq problemalardy sheshýge Elbasymyz óziniń súbeli úlesin qosty dep bilemin. Kamal BURHANOV, saıasattanýshy