Búgin fýtzaldan álem chempıonaty bastalady

Qazannyń 1-ine deıin sozyla­tyn Kolýmbııadaǵy dodaǵa Qazaqstan ult­tyq quramasy da qatysady Jahandyq jarysta elimizdiń namysyn qaqpashylar Igıta, Aleksandr Gýrov, alańdaǵy oıynshylar Dinmuhambet Súleımenov, Shyńǵys Esenamanov, Dáýren Nurǵojın,  Everton,  Mıhaıl Per­shın qorǵaıdy. Olardyń bári  «Qaırat» komandasynda oı­naıdy. Budan basqa álemdik do­daǵa «Tulpardyń» Pavel Taký, Alek­sandr Dovgan, Arnold Knaýb pen Nıkolaı Pengrın esim­di tórt oıynshysy qatysady. Al Leo degen shabýylshymyz Portý­ga­lııanyń «Sportıng» klýbynan kelip qosyldy. Qazaqstan quramasy alǵashqy matchyn 13 qyrkúıek kúni Argen­tınamen ótkizedi. Odan keıin Kos­ta-Rıka jáne Solomon araldary fýtzalshylarymen kúsh synasady. О́tken aptada ulttyq qura­ma Avstralııa komandasymen jol­dastyq kezdesý ótkizdi. Jer­les­terimiz onda 2:1 esebimen je­ńiske jetti. Oıyn komandanyń daıyn­­dyǵyn pysyqtaý úshin ót­kizildi. Qazaqstan quramasy jyl ba­synda Serbııanyń Bel­grad qala­synda ótken Eýropa chem­pıo­na­tynyń qola júldesin al­dy. Odan keıin Polsha qura­masymen álem chempıonatyna joldamany sa­rapqa salǵan syrt alańdaǵy oıynyn 1:1 esebimen teń aıaqtap, óz alańynda 7:0 etip utty. Sosyn Taı­landta ót­ken halyqaralyq týrnırde je­ńimpaz atandy. Jalpy, álem chempıonatyna Qazaqstan osymen ekinshi ret qatysqaly otyr. Alǵash ret 2000 jyly Gvatemalada ótken IV álemdik dodaǵa qatysqan bolatyn. Biraq onda komandamyz súreńsiz nátıje kór­setken. Sol kezde Qasymjan Má­dıev jattyqtyrǵan jigitterimiz A tobynda Brazılııadan 1:12, Portýgalııadan  2:6,  Gvatemaladan 5:6 esebimen utylǵan. Endi, mine, ara­ǵa 16 jyl salyp, Kolýmbııada óte­tin HIII álem chempıonatyna attan­dy. Dodada 24 qurama baq synasady. Dastan KENJALIN, «Egemen Qazaqstan»