Olımpıada jeńimpazyn ýnıversıtet rektory Dınar Nóketaeva bastaǵan ujym men stýdentter oqý ornynyń jazǵy alańǵa deıin dáliz jasap, naǵyz batyrlarsha qarsy aldy. Rıo olımpıadasynda aýyr atletıkadan Qazaqstan qorjynyna tórtinshi qola medaldy salǵan Karına Gorıcheva Almatydaǵy Qazaq memlekettik qyzdar pedagogıkalyq ýnıversıtiniń túlegi.
Qyzdar ýnıversıtetinde Karına Gorıchevamen qatar, Maııa Maneza, Margarıta Elıseeva syndy kil myqtylar oqyǵanyn da aıta ketý kerek. Brazılııanyń Rıo-de-Janeıro qalasynda ótken dúbirli dodaǵa qatysqan Elıseeva olımpıadada besinshi orynǵa turaqtaǵan bolatyn.
Karına Gorıcheva aýyr atletıkamen 15 jasynan beri aınalysyp keledi. Ol jastar arasyndaǵy Álem chempıonattarynyń kúmis jáne qola, Qazanda ótken Búkilálemdik ýnıversıadanyń kúmis, jasóspirimder arasyndaǵy Azııa chempıonatynyń qola medaldarynyń júldegeri.
Sońy konsertke ulasqan kezdesýde olımpıada jeńimpazy stýdentterge óz qoltańbasyn berip, estelik sýretke tústi.
Arýlar ordasynyń jazǵy alańynda sán-saltanatpen ótken oqıǵada sportshy qyzǵa tegin oqytý sertıfıkaty – Rektor granty tapsyryldy. Karına endi psıhologııa mamandyǵy boıynsha da bilim alatyn bolady.
Aınash ESALI, Almaty
