BTR-batyrlar

«otqa salsa janbaýdyń, sýǵa salsa batpaýdyń» úlgisin kórsetti Jýyrda «Shyǵys» óńirlik qolbasshylyǵy «Úzdik BTR ekıpajy»  baıqaýynyń ekinshi kezeńin ótkizdi. О́ńirlik qolbasshylyqqa qarasty Pavlodar, Semeı, Kýrchatov jáne О́skemen qalalarynan baıqaýdyń birinshi kezeńiniń úzdikteri bolǵan 7 BTR ekıpajy men júrgizýshileri qatysty. Baıqaý barysynda qatysýshylar BTR tehnıkasyn sheber júrgizýmen birge mergendikteri men sporttyq, urystyq daıyndyqtaryn da kórsetti. Ár ekıpaj quramy jas erekshelikteri boıynsha 3 shaqyrym jáne 100 metr  qashyqtyqqa júgirý, beltemirge tartylýdan sporttyq synǵa túsip, dene daıyndyqtaryn pash etti. Úsh kúndik oqý-ádistemelik jıyn barysynda qatysýshylarǵa qoıylǵan basty talap – biliktiligi men bilimin barynsha kórsetý. Bul rette ekıpaj músheleriniń eshqaısysy aıanyp qalǵan joq. Olar qaladan tysqary atys alańynda PM, AK qarýlarymen mergendikterin baıqasty. Urys ala­ńynda áskerı tehnıkany basqa­rýmen birge, BTR tehnıkasynan 600 metrge deıingi qashyqtyqta ornalasqan nysanany kózdedi. – Atý-jattyǵýlaryn oryndaý barysynda BTR ekıpajdarynyń jartysynan kóbi joǵary nátıje kórsetti. Vzvod jáne mashına ko­man­dırleriniń ádistemelik jáne tájirıbelik daıyndyq deńgeıi urys tehnıkalarymen qyzmettik-urystyq tapsyrmalardy oryndaýǵa saqadaı saı, – dedi «Shyǵys» óńirlik qolbasshylyǵy jaýyngerlik daıarlyq basqarmasynyń bastyǵy, polkovnık Sergeı Sergeev. Baıqaýdyń sońǵy kúninde oblys ortalyǵynan 20 shaqyrym qashyqtyqta ornalasqan Stepnoı aýyly mańyndaǵy shaǵyn kólshikte BTR men sýdaǵy kedergilerden ótýdiń kil myqtylary anyqtaldy. Bul synǵa qalalyq tótenshe jaǵ­daılar qyzmetiniń ókilderi de ju­myldyrylyp, «Shyǵys» óńirlik qolbasshylyǵynan arnaıy evakýa­sııalyq jáne qutqarý toptary jasaqtaldy. Ekıpaj múshe­leri­niń aldynda BTR tehnıkasymen tereńdigi 4 metrlik kólshiktegi arnaıy kedergilerden tosylmaı júzip ótý mindeti qoıyldy. Tapsyrmany oryndaýǵa kirispes buryn ekıpaj­darǵa qaýipsizdik sharalaryn saqtaý qatań eskertildi. Degenmen, sýdaǵy  oqý-jattyǵý barysy sátimen ótip, tótenshe jaǵdaı oryn alǵan joq. Baıqaý qorytyndysy boıynsha, 6679 áskerı bóliminiń avtomobıldik vzvodynyń aǵa mamany, praporshık Iýrıı Par­shakov júrgizýshiler arasynan sýyrylyp shyqsa, 3514 áskerı bóliminiń ekıpajy «Úzdik BTR ekıpajy» ata­ǵyn ıelendi. Jeńimpazdardy «Shyǵys» óńirlik qolbasshylyǵynyń qolbasshysy, polkovnık Talapker Ámireev marapattap, ekıpaj múshe­leriniń daıyndyqtaryn áli de kúsheıtý qajettigin atap ótti. Dýman ANASh, «Egemen Qazaqstan» О́SKEMEN