Aýyldan kelýshiler aýqymdy qoldaýǵa ıe

Semeı óńirinde «Jumyspen qamtýdyń jol kartasy-2020» baǵdarlamasy sátti júzege asyp otyr. Baǵdarlama boıynsha qala­myzǵa qarasty eldi mekenderden, ıaǵnı aýyldyq okrýgterden 38 otbasy, sondaı-aq, oblystyń Tarbaǵataı, Jarma, Aıakóz aýdandarynan 204 turǵyn kóship kelipti. Osy kóship kelgen 242 adamnyń 129-y ju­mysqa jaramdy azamattar bolǵandyqtan, baǵ­darlama arqyly óz násibin taýyp otyr. Solardyń biri Dýlat Sátenov Znamenka aýyl­dyq okrýgine qaras­ty Syntas eldi meke­ninen qonys aýdarǵan eken. Memlekettik baǵ­darlamanyń arqasynda baspanaly bolyp, ózi, zaıyby jáne uly turaqty jumys tapqan. Qazir ol qalamyzdaǵy zaýyt­tardyń birinde avtokar júrgizedi. Ol «Otba­sy­myzben aýylda kúnkórisimiz qıyn­dap ketken soń kelip edik, kelgenimizdiń arty qaıyr­ly boldy», dep qýanyp otyr. «Jumys­pen qamtýdyń jol kartasy-2020» baǵdar­lama­syna qatysyp, joly bolǵanyna osylaısha rıza bolǵan Dýlat Sátenovtiń aıtýyn­sha, olar 2013 jyly qonys aýdarypty. Úki­met baǵdarlamasyna oraı, kóship kelgendikten, birden jumyspen qamtylǵan. Eńbekaqylaryn ýaqtyly alyp turady eken. Osy Dýlat sııaqty kóptegen qonys aýdarýshy kelisimshart negizinde úılerdi jalǵa alyp, aıyna 7 900 teńge tólep turyp jatyr. Merzimi aıaqtalǵanda jekemenshikke alýlaryna da múmkindikteri bar. Jumyspen qamtý ortalyǵynyń mamany Baǵdat Jumaǵulovtyń aıtýynsha, aýyldan kelgen aǵaıyn dalada qal­maıdy. Olardy jumyspen qamtyp, turmys deńgeılerin jaqsartý úshin qoldan kelgenshe baǵdarlama aıasynda kómek berilip jatyr. Kóship kelgenderdiń 79-y jumysqa orna­las­tyrylsa, qalǵan jumysqa jaramdy­lary ózderi qalaǵan kásipterimen aınalysýda. Jeke kásipkerlikke bet burǵandar da nemese ártúrli mekemelerde jumys istep jat­qandar da bar. 2011 jyly «Jumyspen qamtýdyń jol kartasy-2020» baǵdarlamasy boıynsha, Semeı qalasynyń Volgogradskaıa kóshesi boıynan 50 jeke turǵyn úı salý qolǵa alynǵan bolatyn. 2013 jyly qu­ry­lys jumystary aıaqtalyp, áleýmettik-eko­­no­mı­kalyq áleýeti tómen aýyldardan otba­sylar kóshirildi. Búginde qalaǵa qonys aýdaram deýshilerdiń qatary molaıyp otyr. Raýshan NUǴMANBEKOVA SEMEI