Ońtústik – dostyq mekeni

Elbasynyń «100 naqty qadam» – Ult jospary túzilgen memlekettik baǵdarlamasyndaǵy tapsyrmalar Ońtústikte kezeń-kezeńimen iske asyrylyp jatyr. Úsh mıllıonǵa jýyq halqy bar Ońtústikte taǵdyr talaıymen baqytyn qazaq jerinen tapqan ulttar men ulystardyń júzden astam ókilderi turady. Olar óz Otanym dep Qazaqstandy tanıdy jáne osynda turǵanyn maqtanysh etedi. Alaıda, osynyń mánisine boılaı bermeıtin jas býyn ókilderi bar. Sondyqtan, qazaqstandyq bir­tektilikti, qoǵamdyq kelisim men birlikti óskeleń urpaq arasynda keńinen nasıhattaý maqsatynda qu­ryl­ǵan «Ońtústik-dostyq meke­ni» kez­desýler kerýeni jolǵa shyqty. Ońtústik Qazaqstan oblystyq Assambleıa hatshylyǵy men «Qo­ǵamdyq kelisim» KMM-niń uıym­dastyrýymen jolǵa shyq­qan jumys tobynyń alǵashqy kez­de­sýleri Saryaǵash aýdanynda ótedi. Aqparattyq-nasıhattyq top 21 qyrkúıekke deıin oblystyń barlyq aýdan, qalalarynda 60-tan astam kezdesý uıymdastyrýdy jos­parlap otyr. – Táýelsizdigimizdiń 25 jyl­dyǵy qarsańynda ótkizilip otyrǵan kezdesýlerdiń máni joǵary, – deıdi «Qoǵamdyq kelisim» KMM-niń basshysy Erbol Baıqonaqov. –Qazaqstan egemendigin jarııalaǵan kezde jergilikti ult qyryq paıyz ǵana bolatyn. Sol kezde osynda turatyn barlyq ulttar men ulystardyń ókilderi Elbasynyń saıasatyn bir aýyzdan qoldady. Búginde Táýelsizdigimizdi baıandy etýge atsalysyp keledi. Qazaq­standa bóten eshkim joq. Bizge máńgilik dostyq qymbat. Kezdesý­ler kerýeninde osy jaıttar uǵyndyryldy, – dedi ol. Baqtııar TAIJAN, «Egemen Qazaqstan» Ońtústik Qazaqstan oblysy